Read bahnar I Ho 8 Bible Online

I Ho 8 - bahnar bible

I Ho 8

¹Bênjamin pơjing Bêla, kon drŏ-nglo kơdră, kon mă 'bar noh Asbel, mă pêng Ahara,

²mă puăn Nôha păng mă pơđăm noh Rapha.

³Kon drŏ-nglo Bêla noh: Ađar, Gêra, Abihut,

⁴Abisua, Naaman, Ahôa,

⁵Gêra, Sêphupha păng Huram.

⁶'Nâu boih lu kon sâu Êhut; lu bơngai âu yŏng kơdră lăm adrĕch adrung oei tơ pơlei Gêba, đe rôp chông ba lu sư pơm bơnă tơ pơlei Manahat;

⁷Naaman, Ahija păng Gêra đe rôp chông ba, na sư pơjing kơ Usa păng Ahihut.

⁸Saharaim pơjing kon drŏ-nglo tơ lăm dêh Môap, đơ̆ng rŏng kơ sư achăng akăn sư Husim păng Baara.

⁹Lu kon drŏ-nglo đơ̆ng Hôđes akăn sư pơjing đei Jôbap, Sibia, Mêsa, Malkam,

¹⁰Jêus, Sakia păng Mirma. 'Nâu lu kon drŏ-nglo sư yŏng kơdră lăm adrĕch.

¹¹Đơ̆ng yă Husim đei pơjing Abitup păng Êlpaal.

¹²Kon drŏ-nglo Êlpaal: Eber, Misam Sêmêt, bơngai mă pơjing pơlei Ônô păng pơlei Lot hăm lu pơlei jum dăr sư

¹³păng Bêria hăm Sêma; bre sư yŏng kơdră lăm adrĕch adrung kon pơlei oei tơ pơlei Aijalôn păng sư blah puh lê̆ lu kon pơlei oei lăm pơlei Gat.

¹⁴Kon drŏ-nglo Bêria: Ahiô, Sasak, Jêremôt,

¹⁵Sêbađia, Arat, Êder,

¹⁶Mikael, Ispa păng Jôha.

¹⁷Kon drŏ-nglo Êlpaal: Sêbađia, Mêsulam Hiski, Hêber,

¹⁸Ismêrai, Islia păng Jôbap.

¹⁹Jakim, Sikri, Sapđi,

²⁰Êliênai, Silêthai, Êliel

²¹Ađaia, Bêraia păng Simrat kon drŏ-nglo Simei.

²²Kon drŏ-nglo Sasak: Ispan, Eber, Êliel.

²³Apđôn, Sikri, Hanan,

²⁴Hanania, Êlam, Anthôthija,

²⁵Ipđêia păng Pênuel.

²⁶Kon drŏ-nglo Jêrôham: Samsêrai, Sêharia, Athalia,

²⁷Jaarêsia, Êli, păng Sikri.

²⁸Đi lu bơngai noh pơm yŏng kơdră lăm adrĕch adrung, lu sư bơngai oei lăm pơlei Jêrusalem.

²⁹Jêiêl 'bă kơ Gibeôn oei tơ pơlei Gibeôn anăn akăn sư Maaka.

³⁰Kon kơdră drŏ-nglo sư Apđôn; đơ̆ng noh Sur, Kis, Baal, Ner, Nađap,

³¹Gêđôr, Ahiô Sêker,

³²păng Miklôt, 'bă kơ Simêa; lu sư kư̆m oei jê̆ lu 'nhŏng oh lu sư tơ pơlei Jêrusalem.

³³Ner pơjing Kis; Kis 'bă kơ Sôl; Sôl 'bă kơ Jônathan, Malkisua, Abinađap păng Êsbaal.

³⁴Kon drŏ-nglo Jônathan: Mêri Baal; Mêri Baal 'bă kơ Mika.

³⁵Kon drŏ-nglo Mika: Pithon, Mêlek, Tarêa păng Ahas.

³⁶Ahas pơjing Jêhôađa; Jêhôađa pơjing Alêmet, Asmawet păng Simri; Simri pơjing Môsa;

³⁷Môsa 'bă kơ Binêa; kon drŏ-nglo Binêa noh: Rapha; Rapha pơjing Êlêasa, Êlêasa pơjing Asêl.

³⁸Asêl đei tơdrâu 'nu kon drŏ-nglo, anăn lu sư: Asrikam, Bokêru, Ismael, Sêaria, Ôbađia păng Hanan. Đĭ-đăng lu sư kon drŏ-nglo Asêl ngăl.

³⁹Kon drŏ-nglo Êsek, 'nhŏng oh Asêl, noh: Ulam kon kơdră drŏ-nglo, mă 'bar Jêrus păng mă pêng noh Êliphêlet.

⁴⁰Kon drŏ-nglo Ulam tă kơ bơngai nuih kơtang ngăl, prah hră đam. Lu sư đei kon sâu lơ, đei minh-hrĕng pơđăm-jĭt 'nu. Đĭ-đăng lu sư noh kon sâu Bênjamin ngăl.