Read bahnar I Ho 9 Bible Online

I Ho 9 - bahnar bible

I Ho 9

¹Đĭ-đăng bơngai Isơrael đei năm chih anăn lăm Sơ̆p hla bơar kiơ̆ kơ adrĕch adrung đei chih tơmơ̆t lăm sơ̆p hla bơar tơm lu pơtao Isơrael. Bơngai Juđa, yua kơ đơ̆ng pơm yoch na đe rôp anhăk lu sư tơ char Babilôn.

²'Nâu, lu bơngai brŏk blŭng-a tơ teh đak tơ pơlei lu sư kơdih bơngai Isơrael, lu 'bok soi, lu bơngai Lêwi păng lu bơngai Nêthirim.

³Oei kơtă lăm pơlei Jêrusalem, đei bơngai Juđa, bơngai Bênjamin, bơngai Êphraim păng bơngai Manase.

⁴Noh Uthai, kon drŏ-nglo Amihut, Amihut kon drŏ-nglo Ômri, Ômri kon drŏ-nglo Imri, Imri kon drŏ-nglo Bani, Bani đơ̆ng adrĕch Peres, Peres kon drŏ-nglo Juđa.

⁵Đơ̆ng adrĕch bơngai Silôni. Đei Asaia kon drŏ-nglo kơdră păng lu kon drŏ-nglo sư.

⁶Đơ̆ng kon sâu Sêra, đei Jêuel păng adrĕch Juđa đĭ-đăng đei tơdrâu-hrĕng tơsĭn-jĭt 'nu

⁷Gah adrĕch adrung Bênjamin: Salu, kon drŏ-nglo Mêsulam; Mêsulam kon drŏ-nglo Hôđawia; Hôđawia, kon drŏ-nglo Hasenua;

⁸đei dơ̆ng Ipnêia, kon drŏ-nglo Jêrôham; Êlah kon drŏ-nglo Usi; Usi noh kon drŏ-nglo Mikri păng Mêsulam, kon drŏ-nglo Sêphatia; Sêphatia noh kon drŏ-nglo Rêuel; Rêuel kon drŏ-nglo Ipnija,

⁹'Nhŏng oh lu sư kiơ̆ adrĕch đei tơsĭn-hrĕng pơđăm-jĭt tơdrâu 'nu, dôm lu bơngai âu yŏng kơdră lăm adrĕch ngăl.

¹⁰Lăm lu 'bok soi: Jêđaia, Jêhôiarip, Jakin,

¹¹Asaria, kon drŏ-nglo Hilkia, Hilkia kon drŏ-nglo Mêsulam; Mêsulam kon drŏ-nglo Sađok; Sađok kon drŏ-nglo Mêraiôt, Mêraiôt kon drŏ-nglo Ahitup, mă bơngai wei-lăng hnam akŭm Kră Yang 'Bok Kei-Dei;

¹²Ađaia, kon drŏ-nglo Jêrôham; Jêrôham, kon drŏ-nglo Phashur; Phashur, kon drŏ-nglo Malkija; Malkija, kon drŏ-nglo Maasai; Maasai kon drŏ-nglo Ađiêl; Ađiêl kon drŏ-nglo Jasêra; Jasêra kon drŏ-nglo Mêsulam; Mêsulam, kon drŏ-nglo Mêsilemit; Mêsilemit, kon drŏ-nglo Immer.

¹³'Nhŏng oh 'bok soi jô̆ đĭ-đăng đei minh-rơbâu tơpơh-hrĕng tơdrâu-jĭt 'nu, lu sư pơm yŏng kơdră lăm adrĕch adrung, đei đon gơh hơgei bơ̆jang lăm hnam akŭm Kră Yang 'Bok Kei-Dei.

¹⁴Lu bơngai Lêwi: Sêmaia, kon drŏ-nglo Hasup, sâu Asrikam, sâu i Hasabia lu sư adrĕch adrung Mêrari;

¹⁵Bakbakar, Hêres, Galal, Matania kon drŏ-nglo Mika, sâu Sikri, sâu i Asap;

¹⁶Ôbađia, kon drŏ-nglo Sêmaia, sâu Galal, sâu i Jêđuthun; Bêrekia, kon drŏ-nglo Asa, sâu Êlkana, bơngai mă oei lăm pơlei Nêtôphathit.

¹⁷Lu bơngai gak 'măng jang: Sallum, Akup, Tanmôn, Ahiman, păng 'nhŏng oh lu sư Sallum pơm kơ̆l.

¹⁸Lu sư gak 'Măng Jang Pơtao gah hơlĕch truh tơ dang ei lu sư wei gak 'măng jang kơđông bơngai Lêwi.

¹⁹Sallum, kon drŏ-nglo Kôrê, sâu Êbiasap, sâu i Kôra păng lu 'nhŏng oh pôm yă 'bok lu sư lu kon pơlei bơngai Kôrê, wei-lăng bơ̆jang, gak 'măng hnam Anih akŭm; sơ̆ 'bok lu sư kư̆m wei gak 'măng bơsŭn anih akŭm Kră Yang.

²⁰Sơ̆ Phinêhas, kon drŏ-nglo Êlêasar, bơngai wei-lăng bơngai gak păng Kră Yang oei hơdai hăm sư.

²¹Sachari kon drŏ-nglo Mêsêlêmia, bơngai gak 'măng anih akŭm.

²²Lu bơngai 'nâu mă đei rơih iŏk wă gak lu 'măng jang jô̆ đei 'bar-hrĕng mơjĭt-'bar 'nu. Đe đei chih anăn kiơ̆ kơ adrĕch hăm pơlei lu sư Pơtao Đawit păng Samuel, bơngai băt lê̆ adrol, gơnang pơchĕp ăn kơ lu sư dôm tơdrong jang âu.

²³Lu sư păng kon sâu lu sư jang tơdrong wei-lăng gak 'măng jang hnam anih akŭm Kră Yang, wă khan lu bơngai gak anih akŭm.

²⁴Lu bơngai gak 'măng jang puăn pah, gah hơlĕch, gah bơmơ̆t, gơal păng gah yă-nơ̆m.

²⁵'Nhŏng oh lu sư oei lăm lu pơlei năm rim 'măng giĕng, tơplih băl, năm tơgŭm lu sư.

²⁶Na puăn 'nu bơngai Lêwi pơm yŏng wei-lăng lu bơngai gak wei 'măng jang lu sư jao ăn tơdrong jang, păng wei-lăng lăm lu anih păng lu anih tah tơmam lăm anih akŭm Kră Yang 'Bok Kei-Dei.

²⁷Tơ kơmăng lu sư wei gak jum dăr anih akŭm Kră Yang 'Bok Kei-Dei; rim pơgê hrôih lu sư pơih 'măng jang.

²⁸Lăm lu sư kư̆m đei lu bơngai jang wei-lăng tơmam yua lăm anih akŭm; lu sư jô̆ Êmưh yua chĕp tơlĕch dah chĕp tơmơ̆t lu pơnhan kơchŏk.

²⁹Đei lu mơ'nah dơ̆ng pơjao kơ lu sư wei-lăng tơmam yua lăm anih rơgoh, thoi tơpŭng sik, đak rơmă, 'long 'bâu phu, păng pơgang 'bâu phu.

³⁰Đei mơ'nah lu 'bok soi pơm jrâu lu pơgang 'bâu phu.

³¹Matithia, bơngai Lêwi, kon drŏ-nglo kơdră Sallum, sư adrĕch adrung Kôrê, pơjao tơdrong jang pơm 'buh 'bĕng

³²Đei mơ'nah 'nhŏng oh lu sư adrĕch Kôhat lu sư pơm hơmet 'bĕng tơ gơ'bang rim năr pơdơh Sa'bat.

³³'Nâu lu bơngai hơri, lu yŏng kơdră lăm adrĕch bơngai Lêwi lu sư oei rim anih lăm anih akŭm, yua kơ lu sư bơ̆jang măng păng năr na pơdơh tơdrong jang nai.

³⁴Dôm lu bơngai 'noh, yŏng kơdră lăm adrĕch bơngai Lêwi, kiơ̆ kơ adrĕch adrung lu sư păng oei tơ lăm pơlei Jêrusalem.

³⁵Jêiêl, 'bă kơ Gibeôn oei tơ pơlei Gibeôn; akăn sư anăn Maaka.

³⁶Kon drŏ-nglo kơdră sư noh Apđôn; đơ̆ng noh Sur, Kis, Baal, Ner, Nađap,

³⁷Gêđôr, Ahiô, Sacharia păng Miklôt.

³⁸Miklôt pơjing Sêmêam. Lu sư kư̆m oei hơdai tơ jê̆ hăm 'nhŏng oh lu sư lăm pơlei Jêrusalem.

³⁹Ner pơjing Kis; Kis pơjing Sôl; Sôl pơjing Jônathan, Malkissua, Abinađap, păng Êsbaal.

⁴⁰Kon drŏ-nglo Jônathan: Mêri Baal; Mêri Baal pơjing Mika.

⁴¹Kon drŏ-nglo Mika noh: Pithon, Mêlek, Tahrea păng Ahas.

⁴²Ahas pơjing Jadra; Jadra pơjing Alêmet, Asmawet păng Simri; Simri pơjing Môsa;

⁴³Môsa pơjing Binêa, kon drŏ-nglo Binêa noh Rêphaia, Rêphaia pơjing Êlêasa păng Êlêasa pơjing kơ Asêl,

⁴⁴Asêl đei tơdrâu 'nu kon drŏ-nglo, anăn: Asrikam, Bokêru, Ismael, Sêaria, Ôbađia păng Hanan; 'noh kon drŏ-nglo Asêl.