Read bahnar Ne 2 Bible Online

Ne 2 - bahnar bible

Ne 2

¹Lăm sơnăm mă 'bar-jĭt chăl pơtao Artaserses, khei Nisana đei boih sik hơmu 'bơ̆t anăp sư, inh iŏk pôk pơyơ̆r ăn kơ pơtao; inh ưh kơ đei sơ'ngon ôh 'bơ̆t anăp sư.

²Pơtao jet inh: “Liơ muh măt ih sơ'ngon dêh thoi noh, ih huay kơ jĭ bơlŏ ră dah kiơ̆ tơdrong noh ưh kơ hiôk sơ'ngon lăm jơhngơ̆m đĕch, dang ei inh hli dêh,

³Na khan: Kơ pơtao hơpơi kơ pơtao arih ling-lang! Liơ mă inh ưh kơ sơ'ngon,

⁴Pơtao jet inh thoi âu: “Ih apinh kiơ?” Inh krao khan apinh hloi Kră Yang 'Bok Kei-Dei kơ dôm tăl plĕnh,

⁵Na roi kơ pơtao thoi âu: “Tơdah ih 'bôh tơdrong noh 'lơ̆ng, tơdah ih mơnat kơ inh đĭch đam ih, apinh ih wơh inh brŏk tơ char Juđa, tơ pơlei mă đei bơsat lu 'bok inh, wă kơ inh man pơjing pơlei ei dơ̆ng.”

⁶Kơplah noh đei yă pơtao oei ngôi 'bơ̆t cheng pơtao, na pơtao jet inh: “Ih năm đunh dang yơ păng layơ ih brŏk?” Thoi noh pơtao lăp đon wơh inh năm păng inh pơkă măng năr kơ sư.

⁷Inh kư̆m roi kơ pơtao thoi âu: “Tơdah tơdrong âu ih lăp đon, apinh ih pơjao kơ inh hla bơar kơthơ roi kơ lu pơm yŏng pơgơ̆r char pah to đak krong gơh ăn kơ inh yak năm hlôi truh tơ char Juđa;

⁸kư̆m chih tơjur ăn kơ Asap, bơngai mă wei bri kơdrơ̆ng pơtao, roi ăn kơ sư asong inh 'long wă pơm jrăng 'măng jang ming pơdơ̆ng, dur pơlei gah hnam Kră Yang păng hnam inh oei.” Na pơtao ăn kơ inh dôm tơdrong noh, kiơ̆ thoi tơpang ti 'lơ̆ng rơgoh đơ̆ng 'Bok Kei-Dei tơgŭm inh.

⁹Thoi noh inh năm truh tơ lu yŏng pơgơ̆r char paih to đak krong, mơ̆t ăn kơ sư kơthơ đơ̆ng pơtao, đơ̆ng noh pơtao wơh lu yŏng linh păng lu linh hao aseh kư̆m năm hơdai inh.

¹⁰Mă-lei kơplah noh Sanhalat bơngai Hôrôn păng Tôbia đĭch đam Ammôn, băt tơdrong noh, na ưh kơ hiôk yua kơ đei bơngai truh wă chă tơgŭm lu kon pơlei Isơrael.

¹¹Thoi noh inh truh tơ pơlei Jêrusalem păng oei tơ noh pêng năr.

¹²Inh păng lu bơngai kiơ̆ inh, lu nhôn iung yak kơmăng, inh ưh kơ đei roi kơ bu băt ôh tơdrong Kră Yang 'Bok Kei-Dei ăn lăm jơhngơ̆m inh, tơdrong jang tơ pơlei Jêrusalem, inh hao aseh lu bơngai kiơ̆ inh yak năm jơ̆ng hoh.

¹³Lăm măng noh inh lĕch trong 'măng jang Thŭng, tơklă đak sơlŭng Kŏ bri, truh tơ 'măng jang Râm nhôn chă lăng dur pơlei Jêrusalem pơchah răm păng lu 'măng jang kư̆m đĭ kơ ŭnh sa.

¹⁴Đơ̆ng noh năm truh tơ 'măng jang Tu đak sơlŭng păng truh tơ đak dơnâu anih pơtao, na aseh inh hao ưh kơ gơh wă yak năm hlôi kơ noh.

¹⁵Thoi noh inh năm rok tơter đak glung, chă lăng dur pơlei đơ̆ng noh lu nhôn brŏk hơlơ̆k tơ rŏng mơ̆t trong 'măng jang Thŭng, kơplah noh 'năr tam mă hơdah.

¹⁶Kơplah noh lu yŏng pơgơ̆r ưh kơ băt inh năm tơ yơ păng pơm kiơ lăm măng noh, yua kơ inh ưh kơ đei roi kơ bơngai Juđa, dah lu 'bok soi lu yŏng mơng dah lu bơngai pơgơ̆r, mă lu bơngai wă jang kư̆m ưh kơ băt mơ̆n.

¹⁷Na inh khan kơ lu sư thoi âu: “Lu iĕm athei lăng tơdrong anat anot kơ lu bơ̆n dang ei; pơlei Jêrusalem đe phă pơrăm păng lu 'măng jang ŭnh kư̆m sa đĭ boih. Bĕ lu bơ̆n pơdơ̆ng man ming dur pơlei Jêrusalem dơ̆ng, wă kơ lu bơ̆n huay pă kơ mơlâu kơ đe.”

¹⁸Inh kư̆m roi dơ̆ng kơ lu sư băt kơ tơpang ti 'mêm mơnat Kră Yang 'Bok Kei-Dei đei tơgŭm inh, păng đơ̆ng nơ̆r pơtao, khan kơ inh. Lu sư khan: “Iung bĕ păng man hơmet ming dơ̆ng!” Thoi noh jang tơdrong jang 'lơ̆ng dêh 'nâu.

¹⁹Sanbalat, bơngai Hôrôn, Tôbia đĭch đam Ammôn păng Gêsem bơngai Arâp kơtơ̆ng tơdrong jang 'nâu, na lu sư hiĕk che bơle kơ lu nhôn, lu sư khan: Lu iĕm pơm kiơ̆ lu iĕm wă blơ̆ pơtao hă?

²⁰Na inh tơl lu sư: Kră Yang 'Bok Kei-Dei kơpal plĕnh gô ăn kơ lu nhôn đĭch đam Sư, gô pơm pơkeh tơdrong jang 'nâu, lu nhôn gô man pơdơ̆ng hơmet ming mă-lei gah lu iĕm ưh kơ gơh đei tơdrong kiơ 'bơm hăm pơlei Jêrusalem 'nâu.