Read bahnar Ne 7 Bible Online

Ne 7 - bahnar bible

Ne 7

¹Kơplah man dur keh đang boih, inh kư̆m đei pơkăp lu 'măng, chă lu bơngai wei gak 'măng jang lu bơngai hơri păng lu bơngai Lêwi pơjao tơdrong jang kơ lu sư,

²na inh pơjao ăn Hanani, oh inh păng Hanania pơm kuan wei-lăng hnam pơtao pơgơ̆r pơlei Jêrusalem yua kơ bre sư bơngai tơnăp păng hli yom kơ Kră Yang 'Bok Kei-Dei hloh kơ lu bơngai nai.

³Inh pơkă kơ lu sư thoi âu: 'Nĕ kơ pơih lu 'măng jang pơlei Jêrusalem adrol kơ măt 'năr tŏ, ih athei tang lê̆ 'măng-'mŏk păng chơkăl lê̆ đơ̆ng lăm kơplah bơngai oei gak 'măng tơ noh păng athei ăn bơngai lăm kon pơlei Jêrusalem tơplih băl gak, rim 'nu bơngai dơ̆ng tơklă hnam sư kơdih.

⁴Pơlei tih să rơhơi, mă-lei kon pơlei oei lăm noh tŏ sĕt đĕch păng tam mă pơm hnam 'nao.

⁵Kră Yang 'Bok Kei-Dei pơtrŭt jơhngơ̆m krao pơpôi dôm lu bơngai mơdrŏng, lu pơm kuan păng kon pơlei wă chih tơmơ̆t lăm sơ̆p hla bơar kiơ̆ kơ adrĕch, inh đei chă 'bôh minh sơ̆p hla bơar chih gah adrĕch lu bơngai Juđa brŏk mă tăl blŭng-a păng lăm noh inh 'bôh đei chih thoi âu:

⁶'Nâu boih lu bơngai tơring Juđa đơ̆ng pơm bơnă gơh brŏk, wă khan lu bơngai đơ̆ng lăm khŭl mă Nebukatnessar rôp pơm bơnă; lu sư brŏk dơ̆ng tơ pơlei Jêrusalem lăm dêh Juđa, rim 'nu wih brŏk tơ pơlei sư kơdih;

⁷Lu sư wih brŏk hơdai hăm Serubabel, Jêsua, Nêhêmi, Asaria, Ramia, Nahamani, Makđôkai; Bilsan, Mispêrêt, Bikwai, Nêhun păng Baanah. 'Nâu jô̆ kơsô̆ lu bơngai drŏ-nglo kon pơlei Isơrael.

⁸Gah kon sâu Pharôt, 'bar-rơbâu minh-hrĕng tơpơh-jĭt 'bar 'nu.

⁹Gah kon sâu Sêphatia, pêng-hrĕng tơpơh-jĭt 'bar 'nu.

¹⁰Gah kon sâu Arah, tơdrâu-hrĕng pơđăm-jĭt 'bar 'nu.

¹¹Gah kon sâu Phahat Môap kon sâu Jêsua păng Jôap, đei 'bar-rơbâu tơhngam-hrĕng mơjĭt-tơhngam 'nu.

¹²Gah kon sâu Êlam, minh-rơbâu 'bar-hrĕng pơđăm-jĭt puăn 'nu.

¹³Gah kon sâu Satu, tơhngam-hrĕng puăn-jĭt tơhngam 'nu.

¹⁴Gah kon sâu Sakai, tơpơh-hrĕng tơdrâu-jĭt 'nu.

¹⁵Gah kon sâu Binnui, tơdrâu-hrĕng puăn-jĭt tơhngam 'nu.

¹⁶Gah kon sâu Bêbai, tơdrâu-hrĕng 'bar-jĭt tơhngam 'nu.

¹⁷Gah kon sâu Agat, 'bar-rơbâu pêng-hrĕng 'bar-jĭt 'bar 'nu.

¹⁸Gah kon sâu Ađônikam, tơdrâu-hrĕng tơdrâu-jĭt tơpơh 'nu.

¹⁹Gah kon sâu Bikwai, 'bar-rơbâu tơdrâu-jĭt 'nu.

²⁰Gah kon sâu Ađin, tơdrâu-hrĕng pơđăm-jĭt pơđăm 'nu.

²¹Gah kon sâu Ater, gah adrĕch adrung Hesekia đei tơsĭn-jĭt tơhngam 'nu.

²²Gah kon sâu Hasum, pêng-hrĕng 'bar-jĭt tơhngam 'nu.

²³Gah kon sâu Bêsai, pêng-hrĕng 'bar-jĭt puăn 'nu.

²⁴Gah kon sâu Harip, minh-hrĕng mơjĭt-'bar 'nu.

²⁵Gah kon sâu Gibeôn, tơsĭn-jĭt pơđăm 'nu.

²⁶Gah lu bơngai drŏ-nglo pơlei Betlehem păng Natôpha, minh-hrĕng tơhngam-jĭt tơhngam 'nu.

²⁷Gah lu bơngai drŏ-nglo pơlei Anatôt, minh-hrĕng 'bar-jĭt tơhngam 'nu.

²⁸Gah lu bơngai drŏ-nglo pơlei Bêt Amawêt, puăn-jĭt 'bar 'nu.

²⁹Gah lu bơngai drŏ-nglo pơlei Kiriap. Jêrim, bơngai drŏ-nglo đơ̆ng pơlei Kêphêra, păng bơngai drŏ-nglo đơ̆ng pơlei Bêrôt, tơpơh-hrĕng puăn-jĭt pêng 'nu.

³⁰Gah lu bơngai drŏ-nglo đơ̆ng pơlei Rama păng pơlei Gêba, tơdrâu-hrĕng 'bar-jĭt mônh 'nu.

³¹Gah lu bơngai Mikmas, minh-hrĕng 'bar-jĭt 'bar 'nu.

³²Gah lu bơngai drŏ-nglo đơ̆ng pơlei Bethel păng pơlei Ahi, minh-hrĕng 'bar-jĭt pêng 'nu.

³³Gah lu bơngai drŏ-nglo đơ̆ng pơlei Nêbôna, pơđăm-jĭt 'bar 'nu.

³⁴Gah lu kon sâu Êlam nai minh-rơbâu 'bar-hrĕng pơđăm-jĭt puăn 'nu.

³⁵Gah kon sâu Harim, pêng-hrĕng 'bar-jĭt 'nu.

³⁶Gah kon sâu đơ̆ng pơlei Jêrikô pêng-hrĕng puăn-jĭt pơđăm 'nu.

³⁷Gah kon sâu đơ̆ng pơlei Lôt, pơlei Hađit păng pơlei Ônô, tơpơh-hrĕng 'bar-jĭt mônh 'nu.

³⁸Gah kon sâu Sêna, pêng-rơbâu tơsĭn-hrĕng pêng-jĭt 'nu.

³⁹Lu 'bok soi tơm: Gah kon sâu Jêđaia, hnam Jêsua, tơsĭn-hrĕng tơpơh-jĭt 'nu.

⁴⁰Gah kon sâu Imer, minh-rơbâu pơđăm-jĭt 'bar 'nu.

⁴¹Gah kon sâu Pasur, minh-rơbâu 'bar-hrĕng puăn-jĭt tơpơh 'nu.

⁴²Gah kon sâu Harim, minh-rơbâu mơjĭt-tơpơh 'nu.

⁴³Bơngai Lêwi: Kon sâu Jêsua đơ̆ng Katmiên, lăm adrĕch adrung Hôđêwa, tơpơh-jĭt puăn 'nu.

⁴⁴Lu bơngai hơri: Gah kon sâu Asap, minh-hrĕng puăn-jĭt tơhngam 'nu.

⁴⁵Bơngai gak 'măng jang: Gah kon sâu Sallum, kon sâu Ater kon Tamôn, kon sâu Akup, kon sâu Hatita păng kon sâu Sôbai, minh-hrĕng pêng-jĭt tơhngam 'nu.

⁴⁶Bơngai đĭch đam kră hnam yang: Kon sâu Siha, kon sâu Hasupha kon sâu Tabaôt.

⁴⁷Kon sâu Kêros, kon sâu Sia, kon sâu Pađôn.

⁴⁸Kon sâu Lêbana, kon sâu Hagaba kon sâu Salmai.

⁴⁹Kon sâu Hanan kon sâu Giđêl kon sâu Gahar.

⁵⁰Kon sâu Rêya, kon sâu Rêsin kon sâu Nêkôđa.

⁵¹Kon sâu Gasam kon sâu Usa kon sâu Pêsêa.

⁵²Kon sâu, Bêsai kon sâu Mêunim, kon sâu Nêphusêsim.

⁵³Kon sâu Bakbuk, kon sâu Hakupha kon sâu Hahur.

⁵⁴Kon sâu Baslit, kon sâu Mêhiđa, kon sâu Harsa.

⁵⁵Kon sâu Barkô, kon sâu Sisera, kon sâu Thêma.

⁵⁶Kon sâu Nêsia, kon sâu Hatipha.

⁵⁷Adrĕch adrung lu đĭch Sôlômôn: Kon sâu Sôtai kon sâu Sôphêrêt, kon sâu Pêriđa.

⁵⁸Kon sâu Jaala, kon sâu Darkôn, kon sâu Giđêl.

⁵⁹Kon sâu Sêphatia, kon sâu Hatil, kon sâu Phôkarêt, Hatsêbaim, kon sâu Ammôn.

⁶⁰Akŭm pơđĭ lu đĭch đam kră hnam yang păng kon sâu lu đĭch đam Sôlômôn, pêng-hrĕng tơsĭn-jĭt 'bar 'nu.

⁶¹'Nâu jô̆ lu bơngai oei đơ̆ng pơlei Telharsa, Têlhatsa, Kêrup, Ađôn păng đơ̆ng Immer mă-lei lu sư ưh kơ băt hơđăl ôh adrĕch 'bok lu sư đơ̆ng adrĕch Isơrael.

⁶²Kon sâu Đêlaia, kon sâu Tôbia păng kon sâu Nêkôđa, tơdrâu-hrĕng puăn-jĭt 'bar 'nu.

⁶³Gah đơ̆ng lu 'bok soi tơm: Kon sâu Hôbaia, kon sâu Hakkôs kon sâu Barsilai, bơngai iŏk akăn lăm lu kon drŏ-kăn Barsilai jô̆ anăn lu sư đơ̆ng pơlei Gileat.

⁶⁴Dôm lu bơngai noh chơchă adrĕch adrung lu sư kơdih. Mă-lei ưh kơ 'bôh, đơ̆ng noh ưh kơ gơh pơm 'bok soi, jô̆ khan 'mê̆-'mach.

⁶⁵Kră wei-lăng pơlei pơkă ưh kơ ăn sa tơmam rơgoh 'lơ̆ng dĭng truh tơ đei minh 'nu 'bok soi gơh yua Urim păng Thumim iung apinh.

⁶⁶Akŭm đĭ-đăng kon pơlei đei puăn-jĭt 'bar-rơbâu pêng-hrĕng tơdrâu-jĭt 'nu.

⁶⁷Ưh kơ đei jô̆ lu đĭch drŏ-nglo, đam drŏ-kăn lăm kon pơlei, jô̆ đei tơpơh-rơbâu pêng-hrĕng pêng-jĭt tơpơh 'nu; kư̆m đei 'bar-hrĕng puăn-jĭt pơđăm 'nu bơngai hơri, drŏ-nglo păng drŏ-kăn.

⁶⁸Lu sư đei tơpơh-hrĕng pêng-jĭt tơdrâu tŏ aseh 'bar-hrĕng puăn-jĭt pơđăm aseh la.

⁶⁹Puăn-hrĕng pêng-jĭt pơđăm lăk-đa păng tơdrâu-rơbâu tơpơh-hrĕng 'bar-jĭt aseh lai.

⁷⁰Đei lu kră kơdră wei-lăng adrĕch adrung chĕp ba tơmam pơyơ̆r tơgŭm tơdrong jang. Kră pơgơ̆r pơyơ̆r 'măn lê̆ tơ lăm hnam mong tơmam minh-rơbâu Đarik maih, pơđăm-jĭt hlak kơthao păng pơđăm-hrĕng pêng-jĭt blah ao 'bok soi.

⁷¹Đei lu kơdră lu adrĕch adrung pơyơ̆r, tơ lăm hnam mong tơmam, 'bar-jĭt rơbâu Đarik Maih.

⁷²Păng 'bar-rơbâu 'bar-hrĕng mina hu păng tơdrâu-jĭt tơpơh blah ao 'bok soi.

⁷³Thoi noh lu 'bok soi, bơngai Lêwi, lu bơngai gak 'măng jang, lu bơngai hơri, lu kon pơlei păng bơngai đĭch đam kră hnam yang kư̆m đĭ-đăng bơngai Isơrael, oei lăm pơlei sư kơdih. Truh tơ khei tơpơh, na kon pơlei Isơrael đơ̆ng rim pơlei wih brŏk akŭm tơ pơlei sư kơdih Jêrusalem.