Read bahnar Jop 11 Bible Online

Jop 11 - bahnar bible

Jop 11

¹Sôphar, bơngai Naama tơl Jop:

²Hăm trŏ ưh pă gơh tơl dơ̆ng bơih nơ̆r pơma noh? Bơngai 'bơ̆r hơchĕm na jei sư ngăl hah?

³Ih pơma kư̆ kă hăm pơm kơ đe ngăn đĕch? Wă ưh kơ đei bu chrih kơ ih, mưh ih chă pơjăm đe.

⁴Yua kơ ih khan kơ Kră Yang 'Bok Kei-Dei: “Tơdrong lui inh trŏ; păng inh rơgoh 'bơ̆t anăp Kră Yang 'Bok Kei-Dei.”

⁵Ô! Rŏ kơ Kră Yang 'Bok Kei-Dei gô bơtho khan kơ ih: Păng pơma bơtho ih,

⁶Rŏ kơ Sư tơ'bôh ăn kơ ih băt tôm tơdrong hlơp gah tơdrong hơgei. Yua kơ Sư hlôh băt tôm tơdrong mă bơngai ưh kơ gơh hlôh. Thoi noh, ih gô băt kơ Kră Yang 'Bok Kei-Dei phak ih ưh kơ mah dang tơdrong yoch kơnê̆ ih pơm.

⁷Ih hăm kĕ hlôh băt tơdrong jrŭ hlĭch Kră Yang 'Bok Kei-Dei. Păng băt tôch hơđăl kơ Kră Yang Tih Hloh?

⁸Tơdrong hơgei Kră Yang kơjung hloh kơ plĕnh Na ih gơh pơm kiơ? Tơdrong hơgei Sư jrŭ hloh kơ pơlei lôch, na liơ ih kĕ băt?

⁹Kơjung hloh kơ teh păng să hloh kơ đak dơsĭ.

¹⁰Tơdah Sư năm brih, rôp ih pơm bơnă, păng sek tơlang, lei bu gơh găn khă Sư?

¹¹Sư băt kơ lu bơngai hơlĕnh, lăng 'bôh đĭ tơdrong yoch, Lei Sư ưh kơ băt hơđăl hă?

¹²Mưh bơngai kơtul gơh jing bơngai hơgei. Lei aseh bri gơh tuh kon sư jing bơngai.

¹³Na, dah ih hơmet jơhngơ̆m chă Kră Yang. Păng yơ̆r ti ih gah Sư;

¹⁴Dah đei tơdrong yoch lăm ti ih, athei tơbral hŭt lê̆ ataih; ưh kơ lê̆ tơdrong yoch kơnê̆ oei lăm bơsŭn ih,

¹⁵Lei ih gô ngơk muh măt ih huay kơ mơlâu, ih gô dơ̆ng kơjăp, huay pă hli.

¹⁶Ih gô hiơt kơ dôm tơdrong pơmat-tat ih, ưh kơ 'blŏk kơ tơdrong 'noh thoi đak ro hlôi bơih.

¹⁷Chăl arih ih gô hơdah hơdong hloh kơ 'năr dơ̆ng; măng mu gô hơdah thoi pơgê.

¹⁸Ih gô arih hiôk hơđơ̆ng, yua kơ ih đei tơdrong chang hơmĕng; Ih gô chă đei gơnang, Kră Yang wei-lăng ih păng pơdơh gô tep hiôk hơđơ̆ng.

¹⁹Ih gô 'bĭch tep ưh kơ đei bu pơm kơ ih hli tơrơ, lơ bơngai gô chă ih wă kơ ih tơgŭm lu sư đei pŭn hiôk.

²⁰Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.