Read bahnar Jop 35 Bible Online

Jop 35 - bahnar bible

Jop 35

¹Êlihu pơma dơ̆ng:

²Ih tơchĕng ih pơma trŏ hă? Ih khan: “Inh ưh kơ pơm yoch 'bơ̆t anăp Kră Yang 'Bok Kei-Dei.”

³Ih jet Kră Yang dơ̆ng, “Kră Yang đei yua kiơ? Bĕ inh đei yua kiơ, tơdah inh ưh kơ pơm yoch?”

⁴Inh wă khan dơ̆ng kơ ih, Păng lu buăl juăt ih hai.

⁵Ngơk bĕ măt lăng tơ kơpal plĕnh; Lăng bĕ lu hơmơ̆l, sư kơjung hloh kơ ih.

⁶Tơdah ih pơm yoch, đei 'bơm kiơ kơ Kră Yang 'Bok Kei-Dei? Tơdah ih pơm yoch rai dêh, ih gơh pơm kiơ hăm Kră Yang?

⁷Tơdah ih 'lơ̆ng tơpăt, ih gô ăn tơdrong kiơ kơ Kră Yang? Kră Yang gô đei iŏk tơdrong kiơ đơ̆ng ti ih?

⁸Tơdrong kơnê̆ ih lăp gơh pơrăm bơngai thoi ih, Tơdrong 'lơ̆ng tơpăt ih gơh tơgŭm kơ kon bơngai đĕch.

⁹Kon bơngai đe pơjuă pơđep trăp dêh ôr krao. Lu sư ôr krao wă kơ dŏng pơklaih đơ̆ng ti lu bơngai pran kơtang.

¹⁰Mă-lei ưh kơ đei bơngai bu jet: “Kră Yang 'Bok Kei-Dei mă Tơ'ngla pơjing inh, tơ yơ?” Kră Yang pơm ăn kơ đe hơri hiôk chơt lăm kơmăng,

¹¹Sư ăn kơ lu bơ̆n đei đon hơgei hloh kơ lu sem brem, Ăn kơ lu bơ̆n gơh hơgei hloh kơ lu sem păr.”

¹²Lu sư krao ôr, mă-lei Kră Yang ưh kơ đei tơl tơwih, Yua kơ lu sư pơang păng pơm kơnê̆.

¹³Tơpă nơ̆r krao khan ưh kơ lui ngeh. Kră Yang 'Bok Kei-Dei ưh kơ 'maih mơ̆ng, Kră Yang Tih Hloh ưh kơ 'maih hiơ̆k.

¹⁴Pơma kiơ kơ ih, liơ mă 'bôh Kră Yang 'Bok Kei-Dei gơh mơ̆ng ih. Mưh ih khan ih ưh kơ 'bôh Kră Yang. Tơdrong ih kêng truh 'bơ̆t anăp Kră Yang bơih, păng ih oei răp gô Kră Yang sek tơlang!

¹⁵Dang ei, yua kơ Sư ưh kơ sek tơlang kiơ̆ kơ tơdrong blĕk ôh. Ưh pă đei hiơ̆k bơih mă tơdrong yoch lơ,

¹⁶Na Jop pơih nơ̆r pơma ưh kơ đei kiơ. Pơma lơ mă-lei nơ̆r ưh kơ yua kiơ.