Read bahnar Horiso 11 Bible Online

Horiso 11 - bahnar bible

Horiso 11

¹Inh gơnang kơ Kră Yang; Liơ Ih khan kơ inh: “Athei tŏk ôn tơ kông thoi sem?

²Yua kơ to, lu bơngai kơnê̆ gŭt hră, tah 'brơ̆m 'bơ̆t tơlei. Wă prah đơ̆ng lăm măng mu, tơ jơhngơ̆m lu bơngai đei đon tơpăt.

³Tơdah hơnă hnam hơlih boih. Bơngai tơpăt gô pơm thoi yơ?”

⁴Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai,

⁵Kră Yang pơlong lăng lu bơngai tơpăt; Mă-lei jơhngơ̆ma Sư areh kơ bơngai kơnê̆ păng lu bơngai pơm kư̆ kă.

⁶Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.

⁷Yua kơ Kră Yang 'Lơ̆ng tơpăt; Sư 'mêm kơ tơdrong tơpăt: Lu bơngai mă tơpăt gô lăng 'bôh muh măt Sư.