Read bahnar Horiso 113 Bible Online

Horiso 113 - bahnar bible

Horiso 113

¹Halêluya! Ơ lu đĭch đam Kră Yang hơri bơnê bĕ. Hơri bơnê bĕ kơ anăn Kră Yang.

²Trŏ hơri bơnê kơ anăn Kră Yang. Đơ̆ng dang ei truh tơ ning-mônh hlŏng hloi.

³Đơ̆ng gah măt năr lĕch truh tơ măt năr mơ̆t; Hơri ư-ang bĕ kơ anăn Kră Yang.

⁴Kră Yang tih hloh kơ đĭ-đăng teh đak. Tơdrong ư-ang Sư kơjung hloh kơ plĕnh.

⁵Bu đei thoi Kră Yang 'Bok Kei-Dei lu bơ̆n? Tơ'ngla oei lăm anih kơpal hloh;

⁶Sư nger lăng plĕnh păng teh

⁷Sư tơiung bơngai dơnuh hin đơ̆ng 'mui teh. Dui lu kơ'bah kơ'bôch đơ̆ng 'bruih 'brăm

⁸Ăn kơ lu sư ngôi hơdai hăm lu yŏng pơgơ̆r. Lu yŏng pơgơ̆r kon pơlei pơla Sư.

⁹Sư ăn kơ drŏ-kăn hơwŏng lăm hnam sư, jing mĕ chơt hiôk hăm lu kon sư. Halêluya!