Read bahnar Horiso 137 Bible Online

Horiso 137 - bahnar bible

Horiso 137

¹Lu nhôn oei ngôi cheng đak glung Babilôn. 'Blŏk kơ Siôn, na nhơ̆m.

²Lu nhôn tơ'băk brŏ nhôn tơ kơpal 'long hla prai tơter glung noh.

³Yua kơ tơ noh lu bơngai mă rôp nhôn pơm bơnă. Athei lu nhôn hơri; Lu bơngai pơjuă pơjăm lu nhôn athei lu nhôn hơri chơt hiôk: “Hơri bĕ kơ nhôn 'bai hơri pơlei Siôn.”

⁴Tơ dêh char tơmoi. Liơ lu nhôn gơh hơri kơ Kră Yang?

⁵Ơ Jêrusalem, dah inh hiơt kơ ih, Ăn kơ ti 'ma inh hiơt kơ tơdrong gơh hơgei sư.

⁶Ăn kơ hơpiĕt inh klep tơ păk-'ngơk. Tơdah inh ưh kơ 'blŏk kơ ih, Tơdah inh ưh kơ wă Jêrusalem pơm tơdrong chơt hiôk dêh kơ inh;

⁷Lăm năr Jêrusalem pơchah. Ơ Kră Yang, 'blŏk bĕ kơ lu kon pơlei dêh char Eđôm. Lu sư khan: “Pơrăm lê̆ bĕ, pơrăm lê̆ bĕ; Dĭng truh tơ hơnă sư!”

⁸Ơ lu kon drŏ-kăn Babilôn, lu bơngai đe wă pơrăm. Pŭn hiôk dêh bu wă pơm tơwih kơ iĕm, kiơ̆ tơdrong ih pơm kơnê̆ kơ lu nhôn.

⁹Pŭn dêh kơ bu rôp kon hơ'lơ̆p iĕm, Hơtat lu sư tơ tơmo.