Read bahnar Horiso 14 Bible Online

Horiso 14 - bahnar bible

Horiso 14

¹Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆.

²Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh?

³Đĭ-đăng weh tơklah băl, lu sư hiong răm đĭ. Ưh kơ đei bu pơm 'lơ̆ng, Hoh-hoy 'nhŏ kơ minh 'nu.

⁴Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

⁵Lu sư gô đei tơdrong hli krưp tơpă, Yua kơ Kră Yang 'Bok Kei-Dei oei hơdai hăm lu bơngai tơpăt.

⁶Lu iĕm pơrăm tơdrong lu bơngai dơnuh tơdă, Mă-lei Kră Yang jơ̆ anih lu sư kơ'nơp.

⁷Ơ rŏ kơ đơ̆ng pơlei Siôn tơdrong pơklaih lu bơngai Isơrael jah truh! Kơplah Kră Yang chông ba lu bơnă pơlei pơla Sư brŏk, Kơplah noh Jakôp gô chhôk hơnôk păng lu bơngai Isơrael gô 'nă hal.