Read bahnar Horiso 141 Bible Online

Horiso 141 - bahnar bible

Horiso 141

¹Ơ Kră Yang, inh krao apinh Ih jah năm tơ inh. Apinh Ih pơgling đon mơ̆ng nơ̆r inh, mưh inh krao apinh Ih.

²Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

³Ơ Kră Yang, apinh wei 'bơ̆r inh. Păng lăng 'bơ̆r inh mưh inh ha.

⁴Apinh 'nĕ ăn kơ jơhngơ̆m inh wă kơ tơdrong kơnê̆. Păng pơm tơdrong kơnê̆ hơdai hăm lu bơngai kơnê̆. 'Nĕ ăn kơ inh et sa tơmam 'lơ̆ng đơ̆ng lu sư.

⁵Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

⁶Đe gô klơ̆m lu kră pơgơ̆r lu sư đơ̆ng dur tơmo; Lu sư băt kơ nơ̆r inh pơma trŏ.

⁷“Thoi đe rơuơ chŭn păng choh teh Kơting lu sư tơrak 'brak tơ 'măng jang dêh atâu.”

⁸Ơ Kră Yang inh! Măt inh lăng tơ Ih, inh kơ'nơp lăm Ih. Apinh Ih 'nĕ kơ achăng lê̆ bơhngol inh.

⁹Apinh Ih pơklaih inh đơ̆ng hơđong lu sư mă đăk boih kơ inh păng đơ̆ng kap lu bơngai pơm kơnê̆.

¹⁰Lê̆ lu bơngai pơm kơnê̆ hrơ̆p tơ hơnhuăl lu sư kơdih gah inh gơh klaih