Read bahnar Horiso 142 Bible Online

Horiso 142 - bahnar bible

Horiso 142

¹Inh ôr krao Kră Yang. Inh krao apinh Kră Yang mơnat.

²'Bơ̆t anăp Sư inh pơdah đĭ tơdrong pơmat inh. Inh roi dôm tơdrong truh kơ inh.

³Mưh jơhngơ̆m inh rơdu. Ih băt boih kơ trong inh. Tơ lăm trong inh yak năm, lu sư đăk lê̆ hơđong boih.

⁴Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

⁵Ơ Kră Yang, inh krao apinh Ih, Inh khan: “Ih boih anih inh kơ'nơp. Sư boih mă mŭk tơmam inh lăm teh lu bơngai arih.”

⁶Apinh Ih mơ̆ng nơ̆r inh krao khan. Yua kơ inh pơmat-tat dêh; Apinh Ih dŏng pơklaih inh đơ̆ng lu bơngai pơmat inh. Yua kơ lu sư pran hloh kơ inh.

⁷Apinh Ih dui iŏk bơhngol inh đơ̆ng anih phak pơmat. Wă kơ inh bơnê kơ anăn Ih lu bơngai tơpăt gô oei tăp kơ inh. Yua kơ Ih pơm 'lơ̆ng kơ inh.