Read bahnar Horiso 26 Bible Online

Horiso 26 - bahnar bible

Horiso 26

¹Ơ Kră Yang, apinh Ih sek tơlang lăng inh, Yua kơ inh oei arih 'lơ̆ng rơgoh,a Inh gơnang kơ Kră Yang na inh huay kơ tơpling jơ̆ng.

²Ơ Kră Yang! Lăng lăng păng pơlong lăng inh. Lăng năng jơhngơ̆m inh păng đon inh tơchĕng

³Yua kơ tơdrong 'mêm mơnat Ih oei 'bơ̆t anăp inh, Inh kiơ̆ boih tơdrong sĭt Ih

⁴Inh ưh kơ ngôi hơdai hăm lu bơngai hơlĕnh pơdăr, Kŭm ưh kơ wă pơgơ̆p hơdai hăm lu bơngai chă pơm pơrŏ 'nguaih.

⁵Inh areh kơ lu bơngai pơm kơnê̆. Kŭm ưh kơ wă ngôi hăm lu bơngai kư̆ kă.

⁶Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

⁷Hơri nơ̆r bơnê re, Păng ră roi dôm tơdrong hlĭch chrơp mă Ih đei pơm.

⁸Ơ Kră Yang, inh 'mêm kơ hnam Ih oei păng anih ư-ang mă Ih oei.

⁹Apinh Ih 'nĕ tah bơhngol inh hơdai hăm lu bơngai yoch, Kŭm 'nĕ kơ 'bŭ tơdrong arih inh hơdai hăm lu bơngai pơlôch đe.

¹⁰Lăm tơpang ti lu sư tă kơ pơm kơnê̆ ngăl. Ti 'ma lu sư 'bĕnh kơ sa pơgâm.

¹¹Gah inh, inh yak năm lăm trong 'lơ̆ng rơgoh, Apinh Ih pơklaih inh păng mơnat kơ inh.

¹²Jơ̆ng inh dơ̆ng 'bơ̆t trong dơhnă; Inh gô bơnê ư-ang kơ Kră Yang lăm năr akŭm tih.