Read bahnar Horiso 30 Bible Online

Horiso 30 - bahnar bible

Horiso 30

¹Ơ Kră Yang, inh kơkuh bơnê kơ Ih, yua kơ Ih tơiung inh. Ưh kơ ăn kơ lu ayăt kơ inh chhôk yua kơ inh.

²Ơ Kră Yang Kră Yang 'Bok Kei-Dei inh! Inh krao apinh Ih, na Ih pơklaih inh.

³Ơ Kră Yang, Ih iŏk pơklaih bơhngol inha đơ̆ng dêh atâu. Ih ăn kơ inh arih. Wă kơ inh huay kơ huŏng tơ sơlŭng jrŭ.b

⁴Ơ lu bơngai 'lơ̆ng rơgoh Kră Yang, hơri bơnê bĕ kơ Sư. Bơnê kơ anăn 'lơ̆ng rơgohc Sư.

⁵Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

⁶Gah inh lăm năr pŭn hiôk, inh đei khan thoi âu: “Inh huay kơ đei tơdrŏ pơpơ̆,”

⁷Ơ Kră Yang, Ih ăn kơ inh gơh oei kơjăp thoi kông, d Ih ôn muh măt, inh ưh kơ hiôk hloi,

⁸Ơ Kră Yang! Inh ôr krao Ih. Păng krao apinh Kră Yang:

⁹“Hăm đei yua kiơ dah inh lôch, inh jur tơ lăm bơsat. 'Mui teh hăm gô bơnê kơ Ih? Gô pơm kơdranh kơ tơdrong tơpăt Ih hă?e

¹⁰Ơ Kră Yang, apinh ih mơ̆ng păng mơnat kơ inh. Kră Yang ơi, tơgŭm inh bĕ,”

¹¹Ih tơplih boih tơdrong ơh sơ'ngon inh jing tơdrong hiôk chơt Plôh lê̆ ao sơ'ngon inh,f pơhrŭk ăn kơ inh hăm tơdrong hiôk chơt.

¹²Wă kơ bơhngol inh hơri bơnê kơ Ih pă pơdơh. Inh gô bơnê kơ Ih ling-lang hlŏng hloi.