Read bahnar Horiso 38 Bible Online

Horiso 38 - bahnar bible

Horiso 38

¹Kră Yang! 'Nĕ hil kơ inh lăm năr Ih blĕk Kŭm 'nĕ phak bơtho inh năr Ih mĭl.

²Yua kơ 'brơ̆m Ih 'bơm inh boih, Păng ti Ih kơtĭt inh trăp dêh.

³Yua kơ Ih hil, sĕch inh ưh pă đei hơnĭl; Yua kơ tơdrong yoch inh, kơting inh kư̆m pă đei 'lơ̆ng.

⁴Yua kơ tơdrong kơnê̆ inh, hloh kơ kơ̆l inh, Sư trăp dêh kơ inh, wă pŭ.

⁵Yua kơ tơdrong yoch inh, Lu rơka inh ôm păng lĕch đak đuh.

⁶Inh drap kŭp kơ̆l tơ teh; Prăt năr inh yak lăm ơh sơ'ngon,

⁷Rŏng inh jĭ hang thoi ŭnh sa.a Na sĕch inh pă đei hơnĭl.

⁸Inh gleh lap păng rơdu rơmơ̆n,b Inh ôr krao, yua kơ lăm jơhngơ̆m inh rŭng răng.

⁹Ơ Kră Yang! Ih băt đĭ tơdrong kiơ inh 'maih wă. Tơdrong inh ôr, ưh kơ đei hlơp kơ Ih ôh.

¹⁰Jơhngơ̆m inh tơtơ̆,c akâu inh rơdu. Tơdrong hơdah đơ̆ng măt inh kư̆m pă đei.

¹¹Lu buăl juăt lu bơngai mơnat kơ inh oei ataih đơ̆ng inh yua kơ inh đei pơmat-tat. Păng 'nhŏng oh inh oei ataih kơ inh mơ̆n.

¹²Lu bơngai wă pơlôch inh, lu sư hơ'năk kơ inh hơđong. Lu bơngai chơchă wă pơrăm inh tă kơ pơma kơnê̆, Păng prăt năr chă hơlĕnh pơdăr.

¹³Inh thoi bơngai klĭk, ưh kơ đei kơtơ̆ng kiơ. Thoi bơngai kơmlo, ưh kơ gơh ha 'bơ̆r pơma.

¹⁴Inh jing thoi bơngai ưh kơtơ̆ng. Ưh kơ đei 'bơ̆r nơ̆r pơma.

¹⁵Ơ Kră Yang! Inh chang gô Ih, Ih gô tơl tơwih. Ơ Kră Yang, jơ̆ Kră Yang 'Bok Kei-Dei inh,

¹⁶Inh khan: “'Nĕ ăn kơ lu sư chơt hiôk yua kơ inh! Pơư hloi kơ lu sư kơdih, mưh jơ̆ng inh tơpling.”

¹⁷Inh wă jê̆ pơ̆k, tơdrong jĭ jăn oei 'bơ̆t anăp inh.

¹⁸Inh gô roi tơdrong yoch inh, Inh ơh sơ'ngon, yua kơ tơdrong yoch inh.

¹⁹Mă-lei lu ayăt kơ inh oei arih păng pran. Lu bơngai areh kơ inh tơdrong kơ đei lơ tơpă.

²⁰Lu bơngai 'mong tơdrong kơnê̆, đêl inh pơm 'lơ̆ng. Noh kư̆m jâu inh, yua kơ inh kiơ̆ trong 'lơ̆ng.

²¹Ơ Kră Yang! 'Nĕ achăng inh. Ơ Kră Yang 'Bok Kei-Dei! 'Nĕ kơ weh ataih đơ̆ng inh.

²²Ơ Kră Yang! 'Bok Dŏng Pơklaih inh, Tĕnh tĕnh bĕ tơgŭm inh.