Read bahnar Horiso 42 Bible Online

Horiso 42 - bahnar bible

Horiso 42

¹Ơ Kră Yang 'Bok Kei-Dei! Bơhngol inh chang gô Ih. Thoi kon juei 'maih kơ đak glung.

²Bơhngol inh rơhing kơ Kră Yang 'Bok Kei-Dei jơ̆ Kră Yang 'Bok Kei-Dei arih ling-lang. Layơ inh gô tơ'bơ̆p Kră Yang 'Bok Kei-Dei.

³'Bơ̆t kơplah đe ngăl apinh inh: “Kră Yang 'Bok Kei-Dei ih tơ yơ? Na đak măt pơm tơmam sa inh năr păng măng.

⁴Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

⁵Ơ bơhngol inh, yua kơ kiơ ih rơdu klai păng rŭng răng lăm akâu inh. Chang hơmĕng bĕ kơ Kră Yang 'Bok Kei-Dei, Inh oei bơnê ư-ang kơ Sư. Kră Yang 'Bok Kei-Dei Tơ'ngla dŏng pơklaih inh.

⁶Ơ Kră Yang 'Bok Kei-Dei inh! Bơhngol inh rơdu klai lăm ih Na inh 'blŏk kơ Ih. Đơ̆ng char Jôrđăn, Đơ̆ng kơ̆l kông Hermôn păng đơ̆ng groi Misêa.

⁷Anih jrŭ krao anih jrŭ, kiơ̆ jơwa đơ̆ng chơkơi đak Ih. Lu đak poh-yă păng đak tih Ih lơ̆p inh boih.

⁸Kơ'năr Kră Yang pơdah ăn tơdrong Sư mơnat. Gah kơmăng nơ̆r hơri Sư oei hơdai inh.a Nơ̆r krao khan kơ Kră Yang. Kră Yang 'Bok Kei-Dei kơ tơdrong arih inh,b

⁹Inh gô khan hăm Kră Yang 'Bok Kei-Dei, jơ̆ Tơmo Tih inh: “Yua kơ kiơ ih hiơt kơ inh. Yua kơ kiơ inh sơ'ngon. Yua kơ lu ayăt pơjuă inh.”

¹⁰Prăt năr ngăl apinh: “Kră Yang 'Bok Kei-Dei ih tơ yơ?” Kơplah lu sư pơjăm inh pơm kơ kơting inh thoi tơgơ̆ đĭ.c

¹¹Ơ bơhngol inh, yua kơ kiơ ih rơdu klai păng liơ ih rŭng răng lăm akâu inh? Chang hơmĕng bĕ kơ Kră Yang 'Bok Kei-Dei; Inh oei bơnê ư-ang kơ sư, Kră Yang Kră Yang 'Bok Kei-Dei Tơ'ngla dŏng pơklaih inh.