Read bahnar Horiso 44 Bible Online

Horiso 44 - bahnar bible

Horiso 44

¹Ơ Kră Yang 'Bok Kei-Dei, đon lu nhôn đei kơtơ̆ng, Lu 'bok yă nhôn đei roi ăn, Tơdrong jang Kră Yang đei pơm lăm chăl arih lu sư. Sơ̆ ki sơ̆ kach.

²Ih đei yua ti Ih puh tơweh kon pơlei pơla, na pơtăm lu 'bok yă nhôn. Ih pơma kơ lu kon pơlei pơla, mă ăn kơ lu 'bok yă nhôn rai pŭn hiôk.

³Ưh kơ trŏ đơ̆ng yua khêl đao sư mă đei dêh char, kư̆m ưh kơ đei đơ̆ng tơpang ti kơdih mă đei jơnei.a Mă-lei đơ̆ng ti 'ma Ih, kơkŏng Ih păng tơdrong hơdah đơ̆ng muh măt Ih. Yua kơ Ih 'mêm kơ lu sư.

⁴Ih boih Kră Yang pơtao inh. Tơ'ngla ăn tơdrong dŏng pơklaih Jakôp.b

⁵Yua kơ đơ̆ng Ih lu nhôn puh tơlơ̆ lu ayăt kơ nhôn. Hăm anăn Ih, lu nhôn gô pơjuă lu ayăt mă blah lu nhôn.

⁶Yua kơ inh ưh kơ đei gơnang kơ hră inh kơdih Đao inh kư̆m ưh kơ pơklaih inh,

⁷Mă-lei Ih pơklaih lu nhôn boih đơ̆ng lu bơngai areh kơ nhôn, Pơm ăn kơ lu ayăt kơ nhôn mơlâu,

⁸Rim năr lu nhôn pơư lăm Kră Yang 'Bok Kei-Dei, Păng bơnê kơ anăn Kră Yang ling-lang, truh tơ ning-mônh. Sêla

⁹Mă-lei dang ei Ih achăng lê̆ lu nhôn boih, pơm ăn kơ lu nhôn mơlâu. Ih kư̆m ưh pă đei nămc hăm lu linh nhôn boih,

¹⁰Ih pơm ăn kơ lu nhôn kơdŭn 'bơ̆t anăp lu ayăt, Păng lu areh kơ nhôn, tơgar iŏk tơmam đơ̆ng lu nhôn

¹¹Ih jao lu nhôn nhen thoi triu wă pơm 'nhĕm, Păng pơm ăn kơ lu nhôn tơklah tơklang tơ jơ̆p-jang dêh char.

¹²Ih tĕch boih kon pơlei Ih ưh kơ kăp, Păng lăng lu sư ưh kơ gĭt.

¹³Ih pơm ăn kơ lu nhôn jing bơngai rông 'bôt nhôn pơjăm, ăn kơ nhôn jing tơmam hơnul păng ăn kơ lu bơngai oei tăp dăr kơ nhôn areh păng hiĕk ăr.

¹⁴Ih pơm kơ lu nhôn jing đe pơjăm pơđơ̆k tơ jơ̆p teh đak, Kon pơlei, 'bôh nhôn tơtreh kơ̆l.

¹⁵Tơdrong mơlâu 'bơ̆t anăp inh rim năr. Tơdrong mơlâu gom đĭ muh măt inh,

¹⁶Păng hiĕk ăr kơ lu nhôn Păng đei lu bơngai ayăt, lu bơngai wă pơm 'mong.

¹⁷Dôm tơdrong noh truh boih kơ lu nhôn, mă-lei lu nhôn ưh kơ đei hiơt kơ Ih. Kŭm ưh kơ pơm kơnê̆ tơdrong pơgơ̆p hăm Ih.

¹⁸Jơhngơ̆m lu nhôn ưh kơdŭn, jơ̆ng lu nhôn yak ưh kơ đei cheng oei kiơ̆ trong Ih.

¹⁹Mă Kră Yang pơrăm nhôn lăm anih lu kŏ bri. Klơ̆p lê̆ lu nhôn hăm măng mu.

²⁰Dah lu nhôn đei hiơt kơ anăn Kră Yang 'Bok Kei-Dei lu nhôn, Păng yơ̆r tid năm kiơ̆ yang nai.

²¹Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

²²Sĭt tơpă, yua kơ Ih boih na đe pơlôch nhôn rim năr. Lu nhôn thoi lu kon triu đe wă 'buh sa.

²³Ơ Kră Yang, hơđơ̆r bĕ, yua kơ kiơ Ih oei tep? Iung bĕ, 'nĕ kơ achăng lê̆ lu nhôn ling-lang.

²⁴Yua kơ kiơ Ih ôn muh măt. Hiơt đĭ lu tơdrong pơmat-tat păng đe pơjuă lu nhôn.

²⁵Yua kơ bơhngol lu nhôn Ih tơmôch tơ lăm 'mui teh. Akâu jăn lu nhôn đĭ klepe tơ teh.

²⁶Apinh Ih, iung na tơgŭm lu nhôn iŏk bĕ tơdrong 'mêm mơnat Ih dŏng pơklaih lu nhôn.