Read bahnar Horiso 47 Bible Online

Horiso 47 - bahnar bible

Horiso 47

¹Ơ kon pơlei pơla, tap ti bĕ, iŏk nơ̆r jei tih na jreo chhôk kơ Kră Yang 'Bok Kei-Dei.

²Yua kơ Kră Yang Tih Hloh, a trŏ kơ hli yom. Sư jơ̆ pơtao Tih Hloh kơpal teh đak âu.

³Sư pơm ăn kơ lu kon pơlei pơla, chu yom kơ lu nhôn. Păng pơm ăn kơ đĭ teh đak drap ala jơ̆ng lu nhôn.

⁴Sư rơih teh jang sa kơ lu nhôn jơ̆ tơdrong ư-ang Jakôpb mă sư 'mêm. Sêla

⁵Kră Yang 'Bok Kei-Dei tŏk hăm nơ̆r jreo chơt hiôk, Kră Yang tŏk păr lăm jơwa keng re

⁶Hơri bơnê bĕ kơ Kră Yang 'Bok Kei-Dei, hơri bĕ, Hơri kơkuh bĕ kơ pơtao lu bơ̆n hơri bĕ.

⁷Yua kơ Kră Yang 'Bok Kei-Dei jơ̆ pơtao đĭ kơ plĕnh teh. Hơri bơnê jô̆c pơđơ̆k pôk kơ sư bĕ.

⁸Kră Yang 'Bok Kei-Dei pơgơ̆r đĭ teh đak. Kră Yang 'Bok Kei-Dei oei tơ anih Rơgoh Sư.

⁹Yang pơgơ̆r jơ̆p kơ teh đak gô akŭm băl. Pơm kon pơlei pơla Kră Yang Kei-Dei, 'Bok Abraham. Yua kơ khŭl pơtaod lăm teh đak âu tă gah Kră Yang 'Bok Kei-Dei ngăl. Pôk pơư kơ sư yŏng Tih Hloh.