Read bahnar Horiso 49 Bible Online

Horiso 49 - bahnar bible

Horiso 49

¹Ơ kon pơlei pơla, mơ̆ng bĕ tơdrong âu, Ơ đĭ-đăng bơngai oei kơpal teh. Pơgling đon mơ̆ng bĕ.

²Mă bơngai pơm iĕa dah bơngai pơm tih.b Đĭ bơngai mơdrŏng kư̆m thoi bơngai dơnuh hin.

³'Bơ̆r inh gô pơma tơdrong hơgeic tơdrong tơchĕng đơ̆ng lăm jơhngơ̆m gô jing tơdrong hlôh wao.d

⁴Inh gô mơ̆ng nơ̆r pơđơ̆k, Inh gô iŏk brŏ reh tơlang tơdrong pơpơn.

⁵Yua kơ kiơ inh athei hli lăm năr đei tơdrong gleh truh. Dah tơdrong kơnê̆ đơ̆ng lu bơngai ayăte wang tăp kơ inh?

⁶Lu bơngai gơnang kơ jên tơmam lu sư, Pơư mŭk tơmam lơ, mơdrŏng lu sư.

⁷Ưh kơ đei bu gơh huai iŏk 'nhŏng oh lu sư kơdih.f Kŭm ưh kơ đei bu kĕ ăn kơ Kră Yang 'Bok Kei-Dei tơmam wă huai iŏk.

⁸Wă kơ gơh đei arih ling-lang. Huay kơ 'bôh tơdrong ôm răm.g

⁹Yua kơ huai iŏk tơdrong arih lu sư kăp dêh tơpă. Sư wă răt ưh kơ kĕ.h

¹⁰Yua kơ sư 'bôh bơngai hơgei lôch, lu bơngai wơnh păng lu kơtul kơwao kư̆m lôch lei-lăi mơ̆n. Mŭk tơmam sư kơ đe nai.

¹¹Lu sư tơchĕng khan. Hnam inh gô oei oei ling-lang, Păng anih inh oei oei lăm đĭ jơhnơr. Lu sư kư̆m iŏk anăn lu sư pơm anăn kơ chŭn mir lu sư.

¹²Kon bơngai mă khan mơdrŏng tih kư̆m pă oei ling-langi Lu sư thoi sem brem gô hiong răm.

¹³Âu boih trong mă lu sư kiơ̆, noh jơ̆ tơdrong kơtul kơ hlôh lu sư. Đei bơngai kư̆m lăp kơ tơdrong lu sư pơma. Sêla

¹⁴Thoi khŭl triu, đe wă 'bŭ lăm bơsat. Tơdrong lôch gô wei lu sư: Truh pơgê lu bơngai tơpăt gô pơgơ̆r lu sư, Tơdrong 'lơ̆ng rŏ lu sư ôm răm đĭ tơ pơlei lôch, ataih đơ̆ng anih lu sư oei.

¹⁵Mă-lei Kră Yang 'Bok Kei-Dei gô huai iŏk bơhngol inh đơ̆ng dêh atâu.j Yua kơ sư gô sơng iŏk inh. Sêla

¹⁶'Nĕ kơ hli mă bơngai bu rai mơdrŏng, tơdah hnam sư noh mŭk tơmam rai dêh lơ,

¹⁷Yua kơ dah sư lôch ưh kơ đei gơh chĕp ba kiơ. Mŭk măk sư kư̆m ưh kơ kiơ̆ sư tơ lăm bơsat mơ̆n.

¹⁸Mă khan kơplah oei arih sư đei pŭn hiôk.k Đe pơư kơ sư đei 'bôh jang sa mơdrŏng,

¹⁹Sư gô năm kiơ̆ tơ anih 'bok yă lu sư; Lu sư pă đei 'bôh boih tơdrong hơdah.

²⁰Bơngai mơdrŏng mơng, Mă-lei ưh kơ hlôh wao Kŭm thoi sem brem gô hiong răm.