Read bahnar Horiso 50 Bible Online

Horiso 50 - bahnar bible

Horiso 50

¹Tơ'ngla mơsêh, jơ̆ Kră Yang 'Bok Kei-Dei, Kră Yang khan: Sư krao kon bơngai lăm teh đak. Đơ̆ng gah măt 'năr lĕch, truh tơ gah măt 'năr mơ̆ta

²Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

³Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

⁴Sư krao lu plĕnh kơpal ti, Păng tơ ala teh âu wă sek tơlang kon pơlei pơla Sư:

⁵“Akŭm bĕ hăm Inh! Ơ lu bơngai 'lơ̆ng rơgoh Inh, lu bơngai iŏk boih tơdrong pơgơ̆p 'bih Inh hăm tơmam soi.”

⁶Tơ plĕnh roi tơbăt tơdrong tơpăt Sư. Yua kơ Kră Yang 'Bok Kei-Dei boih Tơ'ngla sek tơlang. Sêla

⁷“Ơ kon pơlei inh, mơ̆ng bĕ, inh gô pơma. Ơ Isơrael, mơ̆ng bĕ, Inh gô pơm kơdranh plơ̆ hăm iĕm. Inh boih Kră Yang 'Bok Kei-Dei, Kră Yang Kră Yang 'Bok Kei-Dei iĕm.

⁸Inh ưh kơ chrih ôh tơmam soi ih pơyơ̆r wă khan tơmam soi 'buh ih juăt pơyơ̆r 'bơ̆t anăp Inh.

⁹Inh kư̆m ưh kơ kălb kơ Rơmo tơno đơ̆ng hnam ih. Dah bơbe bram đơ̆ng lăm khŭl bơbe ih

¹⁰Yua kơ đĭ-đăng sem bri tă kơ tơmam Inh ngăl. Lu khŭl kon sem tơ rơbâu bon kông groi kư̆m lei-lăi.c

¹¹Inh băt đĭ lu sem păr lăm kông, Đĭ dôm tơmam pơpơ̆ lăm chŭn mir tă kơ gah Inh ngăl.

¹²Tơdah inh pơngot, Inh ưh kơ roi kơ ih; Yua kơ teh đak păng tôm tơmam lăm noh tă kơ tơmam inh ngăl.

¹³Inh hăm sa 'nhĕm rơmo tơno, Dah hăm huch pham bơbe bram?

¹⁴Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

¹⁵Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

¹⁶Mă-lei Kră Yang 'Bok Kei-Dei khan kơ lu bơngai kơnê̆: “Liơ ih oei roi dôm tơdrong juăt Inh? Yua kơ kiơ 'bơ̆r ih pơma gah tơdrong pơgơ̆p Inh?

¹⁷Tơpă ih areh kơ tơdrong Inh bơtho pơrăm, Hŭt lê̆ tơ rŏng dôm nơ̆r Inh bơtho

¹⁸Tơdah ih 'bôh bơngai tơtông, na lăp đon hơdai sư.d Ih wang lăp đon kiơ̆ bơngai pơm pơyô kư̆ kă.

¹⁹Ih yua 'bơ̆r ih pơma kơnê̆, Hơpiĕt ih huăt kư̆ kă hơlĕnh pơdăr.

²⁰Ih pơma kơnê̆ kơ lu 'nhŏng oh pơma hơlĕnh kơ kon drŏ-nglo mĕ ih.

²¹Noh boih mă tơdrong ih đei pơm. Mă-lei Inh hreh đĕch Ih tơchĕng Inh lei-lăi kơ ih, Mă-lei Inh gô chrih kơ ih, păng jô̆ hloi ih yoch 'bơ̆t anăp ih.

²²Thoi noh, ơ lu bơngai hiơt kơ Kră Yang 'Bok Kei-Dei, lăng bĕ tơdrong 'nâu. Inh gô hek pơrăm ih, ưh kơ đei bu dŏng ôh.

²³Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”