Read bahnar Horiso 53 Bible Online

Horiso 53 - bahnar bible

Horiso 53

¹Lu bơngai kơtul kơwao khan: “Lăm jơhngơ̆m sư, ưh kơ đei Kră Yang 'Bok Kei-Dei.” Lu sư răm-'băm, pơm kơnê̆ krưp. Ưh kơ đei bu pơm 'lơ̆ng.

²Kră Yang 'Bok Kei-Dei đơ̆ng kơpal plĕnh, nger lăng kon bơngai,a Wă lăng hăm đei bu gơh hơgei wă chă Kră Yang 'Bok Kei-Dei ưh.

³Đĭ-đăng kơ lu sư kơdŭn tơ rŏng jing răm-'băm Ưh kơ đei bu pơm 'lơ̆ng, 'nhŏ kơ minh 'nu hoh-hoy.

⁴Lu bơngai pơm kơnê̆ hăm trŏ kơ lu sư bơngai kơ hlôh kơ băt? Lu sư luăn sa kon Pơlei Inh, thoi sa 'bĕng, Păng kư̆m kuă kơ apinh Kră Yang 'Bok Kei-Dei.

⁵To lu sư hli tơrơ. Mă tơ anih noh ưh kơ đei kiơ hli ră. Yua kơ Kră Yang 'Bok Kei-Dei hŭt lê̆ kơting bơngai blah ih. Ih pơm kơ lu sư mơlâu, yua kơ Kră Yang Kră Yang 'Bok Kei-Dei achăng lê̆ lu sư boih.

⁶Ơ! Kuă kơ kiơ đơ̆ng Siôn tơdrong dŏng pơklaih Isơrael jah truh! Kơplah Kră Yang 'Bok Kei-Dei ba tơbrŏk lu kon pơlei sư đêl pơm bơnă. Kơplah noh Jakôp gô chơt hiôk păng Isơrael gô 'nă hal.