Read bahnar Horiso 56 Bible Online

Horiso 56 - bahnar bible

Horiso 56

¹Ơ Kră Yang 'Bok Kei-Dei! Apinh Ih mơnat kơ inh; Yua kơ đe wă pơjuăa inh; Rim năr lu sư blah inh.

²Prăt năr lu ayăt kơ inh, 'maih pơm kơ inh. Yua kơ lu bơngai tơblah păng inh lu sư pơang dêh.

³Lăm năr hli tơrơ. Inh gô gơnang kơ Ih.

⁴Inh hơmĕng kơ Kră Yang 'Bok Kei-Dei păng hơri bơnê kơ nơ̆r Sư. Inh lui gơnang kơb Kră Yang 'Bok Kei-Dei, inh ưh kơ đei hli kơ kiơ. Kon bơngai sĕch akar gô pơm kiơ kơ inh.

⁵Rim năr lu sư chă pơma hơlĕnh kơ nơ̆r inh,c dôm đon lu sư tơchĕng wă pơrăm inh.

⁶Lu sư pơđâud chop lănge đêl jơ̆ng inh yak. Lu sư 'maih pơrăm tơdrong arih inh.

⁷Lu sư pơm kơnê̆ thoi noh na lê̆ lu sư klaih hă? Ơ Kră Yang 'Bok Kei-Dei, lăm tơdrong Ih hil păng apinh Ih blah tơhuŏng lu kon pơlei.

⁸Kră Yang jô̆ rim yak inh, mă năm mă brŏk;f Ih mong đak măt inh lăm kơhnŏk Ih. Đak măt inh Ih ưh kơ chih lăm sơ̆p hla bơar ih hă?

⁹Năr inh krao apinh, lu ayăt kơ inh gô kơdŭn tơ rŏng; Inh băt kơ tơdrong 'nâu, Kră Yang 'Bok Kei-Dei oei hơdai inh.

¹⁰Inh gơnang kơ Kră Yang 'Bok Kei-Dei păng hơri bơnê kơ nơ̆r Sư. Inh gơnang kơ Kră Yang păng hơri bơnê kơ nơ̆r Sư.

¹¹Inh gô gơnang kơ Kră Yang 'Bok Kei-Dei, huay pă hli kơ kiơ; Lu kon bơngai gơh pơm kiơ kơ inh?

¹²Ơ Kră Yang 'Bok Kei-Dei, tơdrong inh pơkă hăm Ih,g inh gô pơsĭt. Inh gô pơyơ̆r tơmam soi bơnê kơ Ih.

¹³Yua kơ Ih dŏng pơklaih bơhngol inh đơ̆ng lôch; Ih kiơ̆ bơwei jơ̆ng inh huay kơ tơpling pơ̆k! Wă kơ inh năm 'bơ̆t anăp Kră Yang 'Bok Kei-Dei arih hơdah hơdong.