Read bahnar Horiso 57 Bible Online

Horiso 57 - bahnar bible

Horiso 57

¹Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

²Inh krao apinh Kră Yang 'Bok Kei-Dei Tih Hloh. Kră Yang 'Bok Kei-Dei mă pơm pơsĭt tôm tơdrong kơ inh.

³Sư tơjur ăn đơ̆ng plĕnha tơdrong dŏng pơklaih inh. Sư gô hil chrih kơ lu bơngai pơjuă inh. Sêla Kră Yang 'Bok Kei-Dei gơih ăn tơdrong 'mêm mơnat păng tơdrong tơpăt Sư.

⁴Bơhngol inh oei tŏk-bŏk dăm-brang Inh 'bĭch tŏk-bŏk lu sem bri sa bơngai. Mă đei hơnĕnh thoi tơju păng thoi 'brơ̆m, Hơpiĕt lu sư nhen đao suĕng han.

⁵Ơ Kră Yang 'Bok Kei-Dei, ăn kơ anăn Ih kơkuh pơyom hloh kơ plĕnh. Ăn tơdrong ư-ang tơ jơ̆p kơpal kơ teh!

⁶Lu sư dăng hơnhuăl kơ jơ̆ng inh. Bơhngol inh rơdu rơmơ̆n. Lu sư sir sơlŭng 'bơ̆t anăp inh. Mă-lei lu sư huŏng kơdih tơ lăm noh. Sêla

⁷Ơ Kră Yang 'Bok Kei-Dei jơhngơ̆m inh kơjăp, jơhngơ̆m inh kơjăp boih. Inh gô hơri păng hơri bơnê Kơ Sư.

⁸Hơđơ̆r bĕ ơ bơhngol inh! Ơ tĭng-nĭng păng brŏ tơlei, hơdơ̆r bĕ! Inh kư̆m hơdơ̆r đơ̆ng hrôih.

⁹Kră Yang inh gô hơri bơnê kơ Ih lăm kon pơlei pơla. Hơri bơnê kơ Ih tơ jơ̆p kơ teh đak.

¹⁰Yua kơ tơdrong 'mêm mơnat Ih truh tơ plĕnh. Tơdrong 'lơ̆ng tơpăt Ih kơjung truh tơ hơmơ̆l.

¹¹Ơ Kră Yang 'Bok Kei-Dei ăn kơ anăn Ih kơkuh pơyom hloh tơ kơpal plĕnh. Ăn kơ tơdrong ư-ang Ih tơ jơ̆p kơ teh đak.