Read bahnar Horiso 82 Bible Online

Horiso 82 - bahnar bible

Horiso 82

¹Kră Yang 'Bok Kei-Dei oei lăm khŭl akŭm tơ plĕnh ti. Sư sek tơlang kơ lu yang.

²“Lu iĕm gô sek tơlang ưh kơ tơpăt păng mơ̆t lu bơngai kơnê̆ dĭng dang yơ? Sêla

³Athei sek mă tơpăt lu bơngai rơdu tơrăn păng mơti mĕ 'bă; Athei sek tơpăt kơ lu bơngai pơmat-tat păng lu hoh kơ đei.

⁴Pơklaih bĕ lu bơngai rơdu tơrăn păng lu dơnuh hin pơmat-tat, Pơklaih lu sư đơ̆ng ti lu bơngai kơnê̆.”

⁵Lu sư ưh kơ băt kiơ, kư̆m ưh kơ hlôh kiơ; Lu sư oei yak tơ âu tơ to lăm măng mu; Jơ̆p anih kơpal teh pă đei tơdrong tơpăt boih.

⁶Inh khan boih: “Lu iĕm jơ̆ yang đĭ-đăng iĕm jing kon Kră Yang Tih Hloh.

⁷Mă-lei lu iĕm gô lôch thoi kon bơngai hmă. Lu iĕm gô pơ̆k huŏng thoi lu yŏng pơgơ̆r.”

⁸Ơ Kră Yang 'Bok Kei-Dei, iung, sek tơlang bĕ kơ teh đak; Yua kơ đĭ-đăng kon pơlei tơmam Ih ngăl.