Read bahnar Hor 1 Bible Online

Hor 1 - bahnar bible

Hor 1

¹Tơdrong hơri hiôk hloh lăm lu 'bai hơri mă Sôlômôn đei pơm

²Ơ wă kơ ih chŭm inh hăm hơkŭng ih! Tơdrong hơyuh ih 'ngam hloh kơ sik hơmu.

³Đak pơgang ih 'bâu phu, Đe ư-ang kơ ih thoi đak pơgang 'bâu phu; Thoi noh na lu adruh 'nao iung hưch kơ ih.

⁴Chông ba inh kiơ̆ ih bĕ kơdâu mă hrĕnh. Pơtao chông inh boih mơ̆t tơ anih sư.

⁵Lu adruh 'nao iung hưch kơ ih trŏ bơih Ơ lu đe adruh pơlei Jêrusalem, Inh jơmăng ră, mă-lei 'lơ̆ng hơbŏ, Thoi lu hnam khăn Kêđar, Thoi che pĕng anih Sôlômôn.

⁶'Nĕ kơ pơglăn tơ inh, yua kơ inh jơmăng, Yua kơ đơ̆ng tŏ sa. Lu kon tơdăm mĕ inh areh kơ inh, Jao inh wei-lăng pơgar hơmu lu sư; Na pră lê̆ pơgar hơmu inh ưh kơ đei bu wei-lăng!

⁷Ơ bơngai mă inh hưch, roi tơpăt bĕ kơ inh ih wei triu tơ yơ? Anih ayơ kơplah 'năr dơ̆ng ih ăn kơ lu sư drum pơdơh; Yua kơ kiơ inh thoi lĕ adruh gom lê̆ muh măt, Dơ̆ng 'bơ̆t cheng lu khŭl triu buăl ih?

⁸Ơ bơngai 'lơ̆ng hloh kơ đĭ-đăng lăm đe adruh, Tơdah ih ưh kơ băt ih athei 'moi bĕ đêl jơ̆ng triu, Păng wei kon bơbe ih 'bơ̆t cheng anih đe wei triu.

⁹Ơ bơngai mă inh hơyuh, inh lăng ih thoi aseh adruh dui gre Hơiă.

¹⁰Meng ih 'lơ̆ng 'breo Thoi le, Hơko ih kư̆m 'lơ̆ng yua kơ ih 'băk hơnam tơmo rang.

¹¹Nhôn gô pơguăng kơ ih hăm găp maih.

¹²Kơplah pơtao oei 'bơ̆t tang-dŏ wă sŏng sa, 'Bâu phu jơ̆p-jang pơgang đơ̆ng inh pik.

¹³Bơngai mă inh hơyuh nhen thoi minh hơchô̆ pơgang 'bâu phu dan sơlam toh inh,

¹⁴Bơngai inh hơyuh nhen thoi minh hơchô̆ pơkao hêna, Lăm pơgar hơmu Êngêđi.

¹⁵Bơngai mă inh hưch ih 'lơ̆ng hơiă dêh, ih 'lơ̆ng tơpă! Măt ih nhen măt sem kơtơp.

¹⁶Ơ bơngai mă inh hơyuh ih tơdăm 'lơ̆ng hơbŏ; Lăp kơ jơhngơ̆m inh dêh! Anih tep ba dreng hơdrih 'lơ̆ng.

¹⁷Jrăng hnam ba pơm păng 'long Hơngo bri, 'Long pơbŭng hnam ba pơm păng 'long hơngo.