Read bahnar Esa 12 Bible Online

Esa 12 - bahnar bible

Esa 12

¹Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

²Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

³Lu iĕm gô chơt hiôk năm chhŏ iŏk đak đơ̆ng tu tơdrong dŏng pơklaih.

⁴Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

⁵Hơri bơnê bĕ kơ Kră Yang, yua kơ Sư đei pơm bơih dôm tơdrong jang gĭt kăl ư-ang, na roi pơdah bĕ kơ jơ̆p lăm teh đak băt.

⁶Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”