Read bahnar Esa 21 Bible Online

Esa 21 - bahnar bible

Esa 21

¹Nơ̆r khan lê̆ adrol kơ char glă oei rok cheng đak dơsĭ. Thoi kial hơbŭt pơrăm char gah gơal. Sư lĕch đơ̆ng char glă đơ̆ng teh đak hli krưp.

²Đei tơ'bôh kơ inh tơdrong hli krưp dêh. Lu bơngai chă tơgar oei chă tơgar, lu bơngai pơrăm, oei chă pơrăm, ơ bơngai Êlam tŏk bĕ, ơ bơngai Mêđi! Wang bĕ, Inh gô pơtôch lê̆ dôm nơ̆r ôr ơh sư.

³Na kơdŭ inh jĭ dêh, inh jĭ tuĕnh nhen thoi drŏ-kăn tơpŭ, lăp inh kơtơ̆ng inh pơ̆k lăp inh 'bôh inh hli tơrơ.

⁴Jơhngơ̆m inh hơwơ̆l hơwang, pơm kơ inh hli tơrơ dêh, hơdah pơgê hrôih mă inh 'maih wă đĭ tơplih jing tơdrong inh hli tơtơ̆ kơ.

⁵Đe hơmet gơ'bang sa et, đe lơ̆k che, đe sa păng et. Ơ lu yŏng pơgơ̆r iung bĕ tuh đak rơmă kơ khêl iĕm.

⁶Yua kơ Kră Yang khan kơ inh thoi âu: “Ăn bơngai gak bĕ sư 'bôh tơdrong kiơ athei sư roi.

⁷Mưh 'bôh lu linh hao gre aseh năm hơgrop 'bar 'bar, hao aseh iĕ, aseh lăk-đa, na sư athei kơchăng mơ̆ng mă nhen.”

⁸Bơngai gak ôr re na khan: “Ơ yŏng, inh dơ̆ng lăm hnam gak prăt năr păng dơ̆ng gak tơ anih gak prăt măng.

⁹To lu linh hao gre aseh lu sư năm hơgrop 'bar 'bar, sư tơl khan: ‘Pơlei Babilôn pơchah răm bơih! Dôm lu rup yang sư pơchah hĕch đĭ tơ teh bơih!’ ”

¹⁰Ơ kon pơlei inh, mă đe pơjuă pơđep, tơdrong mă inh đei kơtơ̆ng đơ̆ng Kră Yang Tih Hloh, 'Bok Kei-Dei Isơrael, na inh roi ăn kơ iĕm tơdrong noh.

¹¹Nơ̆r Khan lê̆ adrol gah plei Đuma. Đei bơngai krao inh đơ̆ng kông Sêir khan: “Ơ bơngai gak, măng oei đunh ưh? Ơ bơngai gak măng oei đunh ưh?”

¹²Bơngai gak tơl khan: “Pơgê truh bơih kơmăng kư̆m truh mơ̆n. Mưh ih wă jet; jet bĕ, kơnh wơ̆t tơ âu dơ̆ng hŏ.”

¹³Khan lê̆ adrol gah char Arâp Ơ lu khŭl Đêdan bơngai chă mơdro, lu iĕm gô tep lăm bri Arabi,

¹⁴Ơ kon pơlei Têma chĕp ba đak ăn kơ lu đe rơhing. Năm sơng bĕ lu bơngai kơdâu đơ̆ng tơdrong truh; ăn 'bĕng por kơ lu sư sa.

¹⁵Lu sư kơdâu đơ̆ng đao gưm, đơ̆ng đao đe toh đơ̆ng hơnglop, đơ̆ng hră đe hơ'năk bơih, kơdâu ôn đơ̆ng tơdrong tơblah wang.

¹⁶Kră Yang khan kơ inh thoi âu: “Lăm minh sơnăm dơ̆ng, jô̆ thoi sơnăm đe jang apah, dôm tơdrong ư-ang dêh char Kêdar gô hiong.

¹⁷Lu bơngai pran kơtang chĕp hră, lăm lu kon drŏ-nglo dêh char Kêdar oei pă tŏ sĕt đĕch.” Kră Yang 'Bok Kei-Dei đe Isơrael đei khan bơih thoi noh.