Read bahnar Je 43 Bible Online

Je 43 - bahnar bible

Je 43

¹Đang kơ Jêrêmi roi đĭ kơ kon pơlei dôm nơ̆r Kră Yang lu sư, mă wơh sư năm roi ăn,

²Asaria kon drŏ-nglo Hôsaia păng Jôhanan kon drŏ-nglo Karea păng đĭ-đăng lu bơngai drŏ-nglo pơang khan kơ Jêrêmi: “Ih hơlĕnh! Kră Yang 'Bok Kei-Dei lu nhôn ưh kơ đei layơ athei ih năm roi ăn kơ lu nhôn. ‘Lu iĕm 'nĕ kơ năm jur oei tơ dêh char Êyiptơ.’

³Mă-lei noh đơ̆ng Baruk kon drŏ-nglo Nêria, pơtrŭt ih pơm kơ lu nhôn jao lu nhôn ăn kơ lu bơngai Kalđê wă pơlôch dah ba lu nhôn pơm bơnă tơ char Babilôn.

⁴Thoi ei na, Jôhanan, kon drŏ-nglo Karea, lu yŏng pơgơ̆r linh păng đĭ-đăng lu kon pơlei ưh kơ chu kiơ̆ nơ̆r Kră Yang bơtho athei oei lăm char Juđa đĕch.”

⁵Jôhanan, kon drŏ-nglo Karea păng đĭ-đăng lu yŏng linh chông hăm lu kon pơlei Juđa mă oei đei, mă 'nao wih đơ̆ng dêh char nai brŏk wih oei jang sa lăm dêh char Juđa,

⁶sư kư̆m chông ba lu drŏ-nglo, drŏ-kăn, lu kon hơ'lơ̆p păng kon adruh pơtao dôm lu bơngai mă Nebusaradan, bơngai yŏng lu linh gak, pơtao oei lê̆ lu sư oei hơdai Gêđalia, kon drŏ-nglo Ahikam sâu Saphan kư̆m đei Jêrêmi bơngai khan lê̆ adrol hăm Baruk kon drŏ-nglo Nêria.

⁷Na lu sư jur năm tơ char Êyiptơ, truh tơ pơlei Tahpanhes. Lu sư ưh kơ chu kiơ̆ nơ̆r Kră Yang.

⁸Tơ pơlei Tahpanhes đei nơ̆r Kră Yang khan kơ Jêrêmi:

⁹“Dônh bĕ mă lu tơmo tih noh, na 'bŭ tơmo noh tơ lăm teh lơ̆n tơ lăm gŏch 'bơ̆t trong 'măng mơ̆t tơ hnam Pharaôn tơ pơlei Tahpanhes, 'bơ̆t anăp măt lu bơngai Juđa 'bôh.

¹⁰Na ih tơbăt ăn kơ lu sư: 'Nâu Kră Yang Tih Hloh 'Bok Kei-Dei Isơrael, khan: “'Nâu Inh gô wơh păng krao đĭch đam Inh Nebukatnessar, pơtao Babilôn păng Inh gô pơdơ̆ng tang-dŏ pơtao sư tơ kơpal tơmo 'nâu, mă Inh 'nao 'bŭ; pơtao noh gô dăng bơlang che sư pơm bơsŭn kơpal noh.

¹¹Pơtao noh gô năm blah iŏk dêh char Êyiptơ, gô pơlôch lu bơngai mă trŏ kơ pơlôch, rôp pơm bơnă lu bơngai mă trŏ rôp kơ pơm bơnă, lu bơngai mă trŏ wă pơlôch hăm đao gưm đe gô pơlôch hăm đao gưm.

¹²Nebukatnessar gô soh hnam kơkuh kơ lu rup yang Êyiptơ; sư gô soh pơrăm lu rup yang păng chĕp ba tơ nai. Sư iŏk pơgoh char Êyiptơ thoi lu bơngai wei triu dônh pơgoh hrŏk đơ̆ng ao lu sư, pơtao noh sư lĕch brŏk hiôk-hian.”

¹³Sư gô teh pơchah lê̆ jrăng gơ̆ng đe man kơkuh kơ yang măt 'năr tơ Bet Semes lăm char Êyiptơ; klaih kơ noh sư gô soh pơđĭ hnam lu rup yang lăm dêh char Êyiptơ.