Read bahnar Ese 41 Bible Online

Ese 41 - bahnar bible

Ese 41

¹Sư anhăk ba inh tơ lăm anih 'lơ̆ng rơgoh, Sư pơtŏ lu jrăng tơjră, să sư đei tơdrâu hơgăt, jrăng rim pah tŏ ăi.

²Wơ̆l trong mơ̆t mơjĭt hơgăt, jrăng trong mơ̆t hơ'bơ̆l pơđăm hơgăt tơ 'bar pah. Bơngai pơtŏ tor anih 'lơ̆ng rơgoh, đei puăn-jĭt hơgăt; păng wơ̆l 'bar-jĭt hơgăt.

³Sư mơ̆t tơ lăm anih 'lơ̆ng rơgoh hloh, pơtŏ lu jrăng 'bơ̆t trong 'măng mơ̆t 'bar hơgăt; wơ̆l 'măng mơ̆t să tơdrâu hơgăt; wơ̆l lu jrăng trong sư tơpơh hơgăt.

⁴Sư pơtŏ, tor anih 'lơ̆ng rơgoh 'bar-jĭt hơgăt, wơ̆l 'bar-jĭt hơgăt păng sư khan kơ inh: “'Nâu anih 'lơ̆ng rơgoh hloh”.

⁵Sư pơtŏ dur hnam akŭm hơ'bơ̆l tơdrâu hơgăt, wơ̆l lu anih cheng jum dăr kơ hnam akŭm, puăn hơgăt.

⁶Lu anih cheng đei pêng tăl, kơpơ̆ng ala lăm minh tăl đei pêng-jĭt tŏ lăm; anih hnam noh đei jrăng tơjră kơdih, ưh kơ hơgơn tơ tơnăr hnam akŭm.

⁷Lu anih cheng tăp dăr kơ hnam akŭm, đơ̆ng tăl âu truh tăl kơpal; rai kơjung rai să hloh yua kơ đe pơm hnam akŭm tăl rai kơjung lăm rai să đơ̆ng tăl âu tŏk tơ tăl noh, na wơ̆l hnam akŭm kư̆m rai să mưh tăl rai kơjung. Đe năm tŏk đơ̆ng tăl kơđeh hloh wă tŏk tăl kơjung hloh rok tăl tŏk-bŏk.

⁸Inh 'bôh hnam akŭm đei kơdeng hloh tơ rok tơnăr đei anih tăp dăr, noh hơnă rim anih gah cheng kơdeng hloh pơtŏ đei minh hơgăt, kơjung wă đei tơdrâu hơgăt.

⁹Tơnăr 'nguaih lu anih cheng hơ'bơ̆l pơđăm hơgăt păng anih hoh tăp dăr kơ noh pơđăm hơgăt. Hơlam lu anih cheng hnam akŭm.

¹⁰Hăm lu anih cheng jih dur cham lăm wơ̆l 'bar-jĭt hơgăt. ‘Noh jum dăr kơ hnam akŭm puăn pah.

¹¹'Măng lu anih cheng pơm 'măng tơ gah sơlam. Minh pôm 'măng tơ gah yă-nơ̆m, minh pôm 'măng tơ gah gơal; wơ̆l să noh pơđăm hơgăt jum dăr.

¹²Hnam tơklă cham hnam akŭm gah bơmơ̆t, wơ̆l tơpơh-jĭt hơgăt; tơnăr jum dăr hnam hơ'bơ̆l pơđăm hơgăt tor tơsĭn-jĭt hơgăt.

¹³Na bơngai noh pơtŏ hnam akŭm tor minh-hrĕng hơgăt, cham hnam akŭm păng tơnăr kư̆m kơjung minh-hrĕng hơgăt.

¹⁴Wơ̆l anăp hnam păng cham gah hơlĕch kư̆m minh-hrĕng hơgăt.

¹⁵Na, sư pơtŏ tor cham tơ gah bơmơ̆t păng hnam kơdeng 'bar pah minh-hrĕng hơgăt. Gah lăm anih 'lơ̆ng rơgoh kơdeng tơklă cham,

¹⁶lu kơtơ̆n 'măng, lu 'măng-'mŏk pơ̆ng dơhlông, lu kơdeng jum dăr, đei pêng pah gah anăp tơklă kơ kơtơ̆n 'măng, lăm hnam akŭm đe pơ̆ng tơ̆r 'long tăp dăr. Đơ̆ng teh truh lu 'măng-'mŏk, lu 'măng-'mŏk đe pơ̆ng lom đĭ.

¹⁷Kơpal trong mơ̆t, tơ anih 'lơ̆ng rơgoh, tơ lăm păng tơ 'nguaih, kơpal tơnăr tăp dăr, tơ lăm hăm tơ 'nguaih kư̆m đei chhơ̆ rup.

¹⁸Chhơ̆ rup chêrubim hăm rup 'long gol, minh rup 'long gol tŏk-bŏk sơlam 'bar tŏ rup chêrubim; rim kơ chêrubim đei 'bar pah măt,

¹⁹măt bơngai tơwih tơ gah rup 'long gol pah âu păng măt dăm-brang tơwih gah rup 'long gol pah to jơ̆p tăp tang kơ lăm hnam akŭm đei chhơ̆ thoi noh.

²⁰Đơ̆ng hơnă truh tơ kơpal măng, đei chhơ̆ rup chêrubim păng chhơ̆ rup 'long gol tơ jơ̆p kơ tơnăr hnam akŭm.

²¹Lu jrăng 'măng anih 'lơ̆ng rơgoh sư dơ'bŭng. Păng 'măng 'bơ̆t anăp anih 'lơ̆ng rơgoh hloh kư̆m lei-lăi thoi noh.

²²Chơnang soi pơm hăm 'long kơjung pêng hlok, tor 'bar hơgăt, wơ̆l 'bar hơgăt, lu mum, jơ̆ng, hơnă pơm hăm 'long. Bơngai noh khan kơ inh: “Âu, boih gơ'bang 'bơ̆t anăp Kră Yang.;

²³Anih 'lơ̆ng rơgoh păng anih 'lơ̆ng rơgoh hloh đei 'bar pah tơnang 'măng.

²⁴Rim 'măng đei 'bar pah tơnang 'măng, noh tơnang 'măng gơh tang gah âu 'bar pah, gah to 'bar pah.

²⁵Đe đei chhơ̆ lu rup chêrubim păng lu 'long gol tơ kơpal 'măng hnam akŭm, kư̆m thoi đei chhơ̆ tơ tơnăr. Kơpal ‘măng mơ̆t tơ kơdeng anăp gah 'nguaih đei bơbŭng pơm păng tơ̆r.

²⁶Đei lu 'măng-'mŏk dơhlông păng lu rup 'long gol chhơ̆ tơ 'bar pah tơ kơpal kơ jrăng, lăm lu anih cheng hnam akŭm păng lu anih iĕ đei mơ̆n.