Read bahnar Ese 48 Bible Online

Ese 48 - bahnar bible

Ese 48

¹'Nâu anăn lu adrĕch: Teh asong kơ Đan đơ̆ng gah yă-nơ̆m 'moi rok trong pơlei Hêtlôn truh tơ trong mơ̆t tơ pơlei Lêbô Hamat păng Hasar Ênon, dĭng 'bơ̆t hơdral pơlei Đamas tơ gah yă-nơ̆m tơ bưh kơ pơlei Hamat, hơdral gah gơal teh asong kơ Đan đơ̆ng gah hơlĕch truh tơ gah bơmơ̆t kơ dêh char Isơrael.

²'Moi rok teh asong kơ Đan, đơ̆ng hơdral gah hơlĕch truh tơ hơdral gah bơmơ̆t, noh teh asong kơ Aser.

³'Moi rok teh asong kơ Ase, đơ̆ng hơdral gah hơlĕch truh tơ hơdral gah bơmơ̆t, noh teh asong kơ Neptali.

⁴'Moi rok teh asong kơ Neptali, đơ̆ng hơdral gah hơlĕch truh tơ hơdral gah bơmơ̆t, noh teh asong kơ Manase.

⁵'Moi rok teh asong kơ Manase, đơ̆ng hơdral gah hơlĕch truh tơ hơdral gah bơmơ̆t, noh teh asong kơ Êphraim.

⁶'Moi rok teh asong kơ Êphraim, đơ̆ng hơdral gah hơlĕch truh tơ hơdral gah bơmơ̆t, noh teh asong kơ Rubên.

⁷'Moi rok teh asong kơ Rubên, đơ̆ng hơdral gah hơlĕch truh tơ hơdral gah bơmơ̆t, noh teh asong kơ Juđa.

⁸'Moi rok teh asong kơ Juđa, đơ̆ng hơdral gah hơlĕch truh tơ hơdral gah bơmơ̆t, noh teh lu iĕm athei 'măn lê̆ pha, wơ̆l sư 'bar-jĭt pơđăm-rơbâu hơgăt tor sư dang ăi teh asong kơ lu adrĕch đơ̆ng hơdral gah hơlĕch truh tơ hơdral gah bơmơ̆t Anih Hnam Akŭm oei tŏk-bŏk tơ lăm teh 'nâu.

⁹Teh mă lu iĕm pơyơ̆r kơ Kră Yang tor 'bar-jĭt pơđăm-rơbâu hơgăt păng wơ̆l 'bar-jĭt rơbâu.

¹⁰'Nâu teh 'lơ̆ng rơgoh mă đei pơyơ̆r 'măn lê̆ pha ăn kơ lu 'bok soi tor sư gah yă-nơ̆m đei 'bar-jĭt pơđăm-rơbâu hơgăt, wơ̆l gah bơmơ̆t, mơjĭt-rơbâu hơgăt wơ̆l gah hơlĕch mơjĭt-rơbâu hơgăt, tor gah gơal đei 'bar-jĭt pơđăm-rơbâu hơgăt; Hnam Akŭm Kră Yang gô oei tơ lăm tŏk-bŏk teh âu.

¹¹Teh 'nâu ăn kơ lu 'bok soi klah lê̆, 'lơ̆ng rơgoh ăn kơ lu adrĕch Sađŏk, lu bơngai mă jang tơnăp bơ̆jang kơ Inh, ưh kơ đei tơklah weh đơ̆ng inh thoi lu adrĕch Lêwi đei tơklah, kơplah lu adrĕch adrung Isơrael weh tơklah đơ̆ng inh.

¹²'Nâu teh gĭt ăn kơ lu sư đơ̆ng teh 'lơ̆ng rơgoh tơpă, teh mă lu đe 'măn lê̆ 'bơ̆t cheng tơtil hơdral teh lu bơngai Lêwi.

¹³Teh asong lu bơngai Lêwi pơrok kiơ̆ kơ teh asong kơ lu 'bok soi, 'bar-jĭt pơđăm-rơbâu tor păng mơjĭt-rơbâu wơ̆l; tor sư 'bar-jĭt pơđăm-rơbâu hơgăt, wơ̆l sư mơjĭt-rơbâu hơgăt.

¹⁴Teh 'nâu lu sư ưh kơ gơh tĕch, ưh kơ gơh tơplih, dah mă chă ăn kơ đe chă ala iŏk. Yua kơ teh âu klah lê̆ 'lơ̆ng rơgoh pơyơ̆r kơ Kră Yang.

¹⁵Teh oei wơ̆l pơđăm-rơbâu hơgăt păng tor 'bar-jĭt pơđăm-rơbâu hơgăt tor, noh 'măn lê̆ wă yua lăm pơlei tih, pơm hnam oei gah 'nguaih rong 'nhĕt, pơm pơlei tih lăm tŏk-bŏk.

¹⁶Să iĕ pơlei tih thoi âu: Gah yă-nơ̆m puăn-rơbâu pơđăm-hrĕng hơgăt, gah gơal puăn-rơbâu pơđăm-hrĕng hlok, gah hơlĕch puăn-rơbâu pơđăm hơgăt gah bơmơ̆t puăn-rơbâu pơđăm-hrĕng hlok.

¹⁷Teh tơmăn 'nhĕt pơlei tih, gah yă-nơ̆m đei 'bar-hrĕng pơđăm-jĭt hơgăt, gah gơal 'bar-hrĕng pơđăm-jĭt hlok gah hơlĕch 'bar-hrĕng pơđăm-jĭt hơgăt păng gah bơmơ̆t 'bar-hrĕng pơđăm-jĭt hơgăt.

¹⁸Teh mă oei đei tơklă tơtil kơ teh 'lơ̆ng rơgoh gah hơlĕch mơjĭt-rơbâu hơgăt păng gah bơmơ̆t mơjĭt-rơbâu hơgăt, tơ bưh hăm teh 'lơ̆ng rơgoh, lu plei sa, phe 'ba lăm teh âu gô ăn kơ lu bơngai bơ̆jang lăm pơlei tih sa.

¹⁹Lu bơngai mă bơ̆jang lăm pơlei tih, đơ̆ng rim adrĕch Isơrael gô choh pơtăm lăm teh âu.

²⁰Lu iĕm athei 'măn lê̆ minh 'bôt teh dơ'bŭng 'bar-jĭt pơđăm-rơbâu hơgăt kơ minh pah pơm teh 'lơ̆ng rơgoh hăm teh pơlei tih.

²¹Teh mă oei đei rok 'bar pah teh 'lơ̆ng rơgoh păng teh jang sa lu bơngai oei lăm pơlei tih. 'Măn kơ yŏng pơgơ̆r. Teh noh đơ̆ng gah hơlĕch; kơ teh anih 'lơ̆ng rơgoh păng teh pơlei tih mă tor 'bar-jĭt pơđăm-rơbâu hơgăt truh tơ hơdral char Isơrael gah hơlĕch păng đơ̆ng gah bơmơ̆t kơ teh anih 'lơ̆ng rơgoh păng teh pơlei tih mă tor 'bar-jĭt pơđăm-rơbâu hơgăt truh tơ hơdral char Isơrael gah bơmơ̆t. 'Moi rok kiơ̆ teh asong kơ lu adrĕch. Teh 'lơ̆ng rơgoh păng hnam akŭm oei lăm tŏk-bŏk teh noh.

²²Thoi ei teh jang sa kơ lu bơngai Lêwi păng teh jang sa pơlei tih, gô oei tơ lăm tŏk-bŏk teh yŏng pơgơ̆r. Teh asong yŏng pơgơ̆r oei tơ lăm tŏk-bŏk sơlam kơ teh bre Juđa hăm Bênjamin.

²³Gah adrĕch mă oei đei Bênjamin asong minh pah đơ̆ng gah hơlĕch truh tơ gah bơmơ̆t.

²⁴'Moi rok hơdral teh Bênjamin, đơ̆ng gah hơlĕch truh tơ gah bơmơ̆t, noh teh asong kơ Simêôn.

²⁵'Moi rok hơdral teh Simêôn, đơ̆ng gah hơlĕch truh tơ gah bơmơ̆t, noh teh asong kơ Isakar;

²⁶'Moi rok hơdral teh Isakar, đơ̆ng gah hơlĕch truh tơ gah bơmơ̆t, noh teh asong ăn kơ Sabulôn.

²⁷'Moi rok hơdral teh Sabulôn, đơ̆ng gah hơlĕch truh tơ gah bơmơ̆t, noh teh asong ăn kơ Gat.

²⁸Hơdral teh Gat tơ gah gơal, Iŏk đơ̆ng Thamar truh tơ lu Đak Mêriba, Kades rok Thong Đak Êyiptơ dĭng truh tơ Đak Dơsĭ Tih.

²⁹'Nâu boih teh lu iĕm gô hlang lăng asong ăn kơ adrĕch bơngai Isơrael wă jang sa; noh boih teh asong ăn kơ lu sư, Kră Yang khan.

³⁰'Nâu boih lu trong pơlei tih mơ̆t lĕch: Tơ gah yă-nơ̆m đei pơtŏ, puăn-rơbâu pơđăm-hrĕng hơgăt.

³¹Lu 'măng jang pơlei krao anăn kiơ̆ kơ anăn adrĕch Isơrael pêng tŏ 'măng jang gah yă-nơ̆m noh krao: 'Măng jang Rubên, 'măng jang Juđa păng 'măng jang Lêwi.

³²Tơ gah hơlĕch, đei pơtŏ puăn-rơbâu pơđăm-hrĕng hơgăt, đei pêng tŏ 'măng jang krao: 'Măng jang Jôsep; 'măng jang Bênjamin; păng 'măng Đan.

³³Păng tơ gah gơal đei pơtŏ puăn-rơbâu pơđăm-hrĕng hlok, đei pêng tŏ 'măng jang krao: 'Măng jang Simêôn, 'măng jang Isakar păng 'măng jang Sabulôn.

³⁴Păng tơ gah bơmơ̆t đei pơtŏ, puăn-rơbâu pơđăm-hrĕng hơgăt đei pêng tŏ 'măng jang krao: 'Măng jang Gat, 'măng jang Ase, păng 'măng jang Neptali.

³⁵Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”