Read bahnar Jo 2 Bible Online

Jo 2 - bahnar bible

Jo 2

¹Kră Yang khan kơ Môis păng Arôn:

²Adrĕch bơngai Isơrael rim 'nu oei jê̆ hla-kơ lu sư kơdih, oei 'bơ̆t ala che đe chih adrĕch adrung sư kơdih; lu sư oei tơklă băl anăp păng tăp dăr Bơsŭn Anih Akŭm.

³Kơđông linh Juđa oei tơ gah hơlĕch gah măt 'năr lĕch, đei hla-kơ khŭl lu sư. Yŏng kơdră adrĕch bơngai Juđa noh Nahsôn, kon drŏ-nglo Minađap.

⁴Khŭl linh lu sư đei chih jô̆ boih, đei tơpơh-jĭt puăn-rơbâu tơdrâu-hrĕng 'nu.

⁵Adrĕch bơngai Isakar kơđông lu sư oei jê̆ Juđa. Yŏng kơdră sư Nathanel, kon drŏ-nglo Suar;

⁶khŭl linh đe chih jô̆ boih pơđăm-jĭt puăn-rơbâu puăn-hrĕng 'nu.

⁷Đang kơ noh adrĕch Sabulôn; yŏng kơdră sư Êliap, kon drŏ-nglo Hêlôn;

⁸păng khŭl linh sư đei chih jô̆ boih pơđăm-jĭt tơpơh-rơbâu puăn-hrĕng 'nu;

⁹Đĭ-đăng bơngai oei lăm kơđông Juđa kiơ̆ thoi lu sư đei jô̆ minh-hrĕng tơhngam-jĭt tơdrâu-rơbâu puăn-hrĕng 'nu; lu sư jing khŭl yak adrol ba trong kơplah lu sư yak năm.

¹⁰Hla-kơ păng kơđông linh Rubên kiơ̆ kơ khŭl lu sư oei tơ gah gơal. Yŏng kơdră adrĕch Rubên noh Êlisur kon drŏ-nglo Sêdur;

¹¹păng linh sư, đei chih jô̆, puăn-jĭt tơdrâu-rơbâu pơđăm-hrĕng 'nu.

¹²Adrĕch Simêôn kư̆m athei oei jê̆ Rubên. Yŏng kơdră bơngai adrĕch Simêôn noh Sêlumiel kon drŏ-nglo Surisadai;

¹³lu linh sư, đe jô̆ pơđăm-jĭt tơsĭn-rơbâu pêng-hrĕng 'nu.

¹⁴Đơ̆ng noh đei adrĕch Gat, Yŏng kơdră adrĕch Gat noh Êliasap kon drŏ-nglo Rêuel;

¹⁵lu linh sư, đe jô̆ puăn-jĭt pơđăm-rơbâu tơdrâu-hrĕng pơđăm-jĭt 'nu.

¹⁶Đĭ-đăng bơngai oei lăm anih linh Rubên, kiơ̆ thoi lu sư đei chih jô̆ minh-hrĕng pơđăm-jĭt mônh rơbâu puăn-hrĕng pơđăm-jĭt 'nu. Lu khŭl sư 'nâu athei yak năm mă 'bar.

¹⁷Đơ̆ng rŏng kơ noh Bơsŭn Anih Akŭm pôk năm hơdai lu adrĕch Lêwi, oei tŏk-bŏk anih lu khŭl bơngai nai; kơđông khŭl Lêwi gô yak kiơ̆ thoi đei asong boih, rim 'nu kiơ̆ kơ khŭl păng kiơ̆ kơ hla-kơ kơdih.

¹⁸Hla-kơ khŭl kơđông linh Êphraim păng lu linh sư athei oei tơ gah bơmơ̆t. Yŏng kơdră bơngai Êphraim noh Êlisama kon drŏ-nglo Amihut;

¹⁹păng khŭl linh sư, kư̆ kiơ̆ kơ đe chih jô̆, đei puăn-jĭt rơbâu pơđăm-hrĕng 'nu.

²⁰Adrĕch Manase athei oei jê̆ anih adrĕch Êphraim. Yŏng kơdră adrĕch Manase noh Gamaliel, kon drŏ-nglo Pêdasur;

²¹păng khŭl linh sư, kiơ̆ kơ đei chih jô̆, đei pêng-jĭt 'bar-rơbâu 'bar-hrĕng 'nu.

²²Đơ̆ng noh adrĕch adrung Bênjamin. Yŏng kơdră adrĕch Bênjamin noh Abidan kon drŏ-nglo Gideôni,

²³khŭl linh sư, kiơ̆ thoi đe jô̆, đei pêng-jĭt pơđăm-rơbâu puăn-hrĕng 'nu.

²⁴Thoi noh, kiơ̆ kơ đe đei jô̆ khŭl linh hăm lăm kơđông Êphraim, kiơ̆ kơ khŭl linh, đei minh-hrĕng tơhngam-rơbâu minh-hrĕng 'nu: Khŭl sư athei năm kiơ̆ mă pêng.

²⁵Hla-kơ kơđông linh Đan păng lu linh sư athei oei gah yă-nơ̆m. Yŏng kơdră adrĕch Đan noh Ahiser, kon drŏ-nglo Amisadai;

²⁶khŭl linh sư đe jô̆ đĭ-đăng đei tơdrâu-jĭt 'bar-rơbâu tơpơh-hrĕng 'nu.

²⁷Adrĕch Aser khŭl kơđông sư oei jê̆ Đan. Yŏng kơdră adrĕch Aser noh Pagiel, kon drŏ-nglo Ôkran;

²⁸khŭl linh sư, đe jô̆ đĭ-đăng, puăn mơjĭt-mônh rơbâu pơđăm-hrĕng 'nu.

²⁹Đơ̆ng noh adrĕch Neptali. Yŏng kơdră Neptali noh Ahira, kon drŏ-nglo Ênan;

³⁰păng khŭl linh sư, đe jô̆ đĭ-đăng, pơđăm-jĭt pêng-rơbâu puăn-hrĕng 'nu.

³¹Thoi noh, kiơ̆ kơ đe đei jô̆ kiơ̆ kơ kơđông khŭl linh Đan, đei minh-hrĕng pơđăm-jĭt tơpơh-rơbâu tơdrâu-hrĕng 'nu. Lu sư kiơ̆ kơ hla-kơ lu sư kơdih khŭl adrĕch Đan lu sư yak tuch-luch.

³²'Nâu adrĕch bơngai Isơrael đe đei jô̆ boih kiơ̆ kơ adrĕch 'bă lu sư kơdih. Lăm rim kơđông linh kiơ̆ kơ khŭl linh đe jô̆ đei đĭ-đăng tơdrâu-hrĕng pêng-rơbâu pơđăm-hrĕng pơđăm-jĭt 'nu.

³³Mă-lei adrĕch bơngai Lêwi đe ưh kơ chih jô̆ ôh hơdai lăm sơ̆p hla bơar adrĕch Isơrael, kiơ̆ thoi nơ̆r Kră Yang đei tơtă kơ Môis.

³⁴Adrĕch kon pơlei Isơrael pơm rok kiơ̆ kơ nơ̆r Kră Yang đei tơtă ăn boih kơ Môis, na lu sư pơm kơđông anih kiơ̆ kơ hla-kơ lu sư kơdih păng lu sư yak nơnăm kư̆m kiơ̆ kơ adrĕch 'bă lu sư kơdih.