Read bahnar Jo 33 Bible Online

Jo 33 - bahnar bible

Jo 33

¹'Nâu anih lu bơngai Isơrael yak păng pơdơh đơ̆ng rŏng kơ lu sư lĕch đơ̆ng dêh char Êyiptơ kiơ̆ kơ khŭl sư, đei Môis păng Arôn pơgơ̆r wei-lăng.

²Môis chu kiơ̆ nơ̆r Kră Yang tơtă chih jô̆ anih trong lu kon pơlei yak năm, hăm chih jô̆ kiơ̆ kơ anih lu sư pơdơh. Thoi noh 'nâu lu anih lu sư pơdơh păng trong lu sư yak năm.

³Lăm năr mơjĭt-pơđăm khei mônh, năr đơ̆ng rŏng kơ năr giĕng năm brih lu sư pơtơm yak đơ̆ng pơlei Ramese, lu sư yak hmă ưh kơ hli tơm măt lu kon pơlei bơngai Êyiptơ 'bôh.

⁴Bơngai Êyiptơ oei 'bŭ kon lu sư mă đơ̆ng Kră Yang pơlôch, đĭ-đăng kon kơdră: Kră Yang phak lu yang lu sư.

⁵Kon pơlei Isơrael lĕch đơ̆ng pơlei Ramese năm pơm pơlei pơdơh tơ Sukôt;

⁶lĕch đơ̆ng pơlei Sukôt lu sư pơm pơlei pơdơh tơ Êtham, oei tơ jih kơ thŭng tơmăn glă.

⁷Lĕch đơ̆ng Êtham yak dăr gah Pi Hahirôt, gah hơlĕch pơlei Baal Sêphôn; păng pơm pơlei pơdơh tơ Mikdôl.

⁸Kon pơlei lê̆ Pi Hahirôt, yak rok lăm đak dơsĭ truh tơ thŭng tơmăn glă, yak pêng năr kơ trong lăm char glă Êtham, đơ̆ng noh lu sư pơm pơlei pơdơh tơ Mara.

⁹Yak đơ̆ng Mara truh tơ Êlim; tơ Êlim đei mơjĭt-'bar tŏ tu đak mơlĕch păng tơpơh-jĭt tơnơm 'long gol, na pơm pơlei pơdơh tơ noh.

¹⁰Kon pơlei năm đơ̆ng Êlim oei pơdơh jê̆ đak Dơsĭ 'Brê,

¹¹lu sư weh đơ̆ng đak dơsĭ 'brê năm pơm pơlei oei pơdơh tơ thŭng tơmăn glă Sin;

¹²lu sư weh đơ̆ng tơmăn glă Sin năm pơm pơlei oei pơdơh tơ Dôpkah;

¹³weh đơ̆ng Dôpkah năm pơm pơlei oei pơdơh tơ Alus;

¹⁴weh đơ̆ng Alus năm pơm pơlei oei pơdơh tơ Rêphiđim, tơ anih noh đak ưh kơ đei ôh ăn kơ lu kon pơlei nhă.

¹⁵Kon pơlei adrĕch Isơrael lĕch đơ̆ng Rêphiđim năm pơm pơlei oei pơdơh tơ thŭng glă Sinai.

¹⁶Năm đơ̆ng thŭng glă Sinai năm pơm pơlei oei pơdơh tơ Kibrôt Hatawa.

¹⁷Weh đơ̆ng Kibrôt Hatawa năm pơm pơlei oei pơdơh tơ Haserôt;

¹⁸weh đơ̆ng Haserôt năm pơm pơlei oei pơdơh tơ Ritma;

¹⁹weh đơ̆ng Ritma năm pơm pơlei oei pơdơh tơ Rimon Pêres;

²⁰weh đơ̆ng Rimon Pêres năm pơm pơlei oei pơdơh tơ Lipna;

²¹weh đơ̆ng Lipna năm pơm pơlei oei pơdơh tơ Risa;

²²weh đơ̆ng Risa năm pơm pơlei oei pơdơh tơ Kêlêhata;

²³weh đơ̆ng Kêlêhata năm pơm pơlei oei pơdơh 'bơ̆t kông Sêpher;

²⁴weh đơ̆ng kông Sêpher năm pơm pơlei oei pơdơh 'bơ̆t Harada;

²⁵weh đơ̆ng Harada năm pơm pơlei oei pơdơh tơ Makhêlôt;

²⁶weh đơ̆ng Makhêlôt năm pơm pơlei oei pơdơh tơ Tahat;

²⁷weh đơ̆ng Tahat năm pơm pơlei oei pơdơh tơ Têra;

²⁸weh đơ̆ng Têra năm pơm pơlei oei pơdơh tơ Mitka;

²⁹weh đơ̆ng Mitka năm pơm pơlei oei pơdơh tơ Hasmôna.

³⁰Lu sư weh đơ̆ng Hasmôna năm pơm pơlei oei pơdơh tơ Mosêrôt,

³¹weh đơ̆ng Mosêrôt năm pơm pơlei oei pơdơh tơ Bênê Jakan,

³²weh đơ̆ng Bênê Jakan năm pơm pơlei oei pơdơh tơ Hôr Hagitgat.

³³Lu sư weh đơ̆ng Hôr Hagitgat năm pơm pơlei oei pơdơh tơ Jôtbata;

³⁴Lu sư weh đơ̆ng Jôtbata năm pơm pơlei oei pơdơh tơ Abrôna;

³⁵lu sư weh đơ̆ng Abrôna năm pơm pơlei oei pơdơh tơ Êsiôn Gêber;

³⁶weh đơ̆ng Êsiôn Gêber năm pơm pơlei oei pơdơh tơ Kades lăm thŭng tơmăn glă Jin;

³⁷lu sư weh đơ̆ng Kades năm pơm pơlei oei tơ kông Hôr tôch hơdral hăm dêh char Eđôm.

³⁸Arôn 'bok soi, kiơ̆ kơ Kră Yang tơtă sư tŏk tơ kơpal kông Hôr păng lôch hloi tơ kơpal kông noh, lăm năr mônh khei pơđăm, sơnăm mă puăn-jĭt đơ̆ng rŏng kơ kon pơlei Isơrael lĕch đơ̆ng dêh char Êyiptơ.

³⁹Kơplah Arôn lôch tơ kơpal kông Hôr, sư arih đei minh-hrĕng 'bar-jĭt pêng sơnăm.

⁴⁰Kơplah noh, pơtao đe Arat, noh bơngai Kanaan, oei tơ gah gơal tơring Kanaan, kơtơ̆ng khan kon pơlei Isơrael wă truh.

⁴¹Kon pơlei Isơrael năm đơ̆ng kông Hôr păng pơm pơlei oei pơdơh tơ Salmôna.

⁴²Weh đơ̆ng Salmôna năm pơm pơlei oei pơdơh tơ Punon;

⁴³lu sư weh đơ̆ng Punon năm oei pơdơh tơ Ôbôt;

⁴⁴lu sư weh đơ̆ng Ôbôt năm oei pơdơh tơ Iyê Abarim hơdral hăm teh đak Môap.

⁴⁵Weh đơ̆ng Iyê Abarim năm pơm pơlei oei pơdơh tơ Đibôn Gat;

⁴⁶weh đơ̆ng Đibôn Gat năm pơm pơlei oei pơdơh tơ Almôn-Diblatam.

⁴⁷Weh đơ̆ng Almôn-Diblatam năm pơm pơlei oei pơdơh tơ kông Abarim tơ jê̆ Nêbô.

⁴⁸Lu sư weh đơ̆ng kông Abarim năm pơm pơlei oei pơdơh tơ lăm thŭng glă char Môap jê̆ đak Krong Jôrđăn, tơklă anăp pơlei Jêrikô.

⁴⁹Lu sư pơdơh jê̆ đak Krong Jôrđăn iŏk đơ̆ng pơlei Bêt Jêsamôt truh tơ pơlei Abel Sitim lăm thŭng glă char Môap.

⁵⁰Kră Yang khan kơ Môis lăm thŭng glă char Môap jê̆ đak Krong Jôrđăn tơklă anăp pơlei Jêrikô thoi âu:

⁵¹Roi tơbăt bĕ kơ kon pơlei Isơrael thoi âu: Kơplah iĕm tŏk găn hlôi đak Krong Jôrđăn wă mơ̆t tơ lăm dêh char Kanaan boih.

⁵²Puh bĕ pơđĭ kon pơlei oei lăm char noh đơ̆ng anăp lu iĕm, pơrăm pơđĭ lu rup yang mă lu sư mam hling kơtă păng kư̆m athei pơrăm lê̆ đĭ lu anih kơjung mă lu sư pơm yang.

⁵³Lu iĕm gô iŏk hloi tơring char noh, oei hloi tơ noh teh noh Inh ăn kơ lu iĕm jang sa.

⁵⁴Athei hlang lăng păng asong băl teh noh kiơ̆ kơ rim adrĕch 'bok lu iĕm. Adrĕch bu lơ, iĕm athei asong teh jang sa să 'biơ̆; adrĕch ayơ tŏ sĕt, iĕm asong lu sư iĕ 'biơ̆. Rim 'nu gô iŏk kiơ̆ kơ đei hlang lăng trŏ, iĕm kư̆ asong băl kiơ̆ adrĕch 'bok lu sư.

⁵⁵Tơdah lu iĕm ưh kơ đei puh tơweh lu kon pơlei oei lăm tơring char noh đơ̆ng anăp iĕm, na lu bơngai mă lu iĕm oei rong lê̆ gô nhen thoi 'long suĕng trŏ lăm măt, kư̆m thoi jơla trŏ kơiĕng lu iĕm, lu sư gô pơrŭng lu iĕm bơngai mă oei lăm char sư noh;

⁵⁶lei Inh gô pơrŭng lu iĕm thoi Inh đei wă pơm kơ lu sư mơ̆n.