Read bahnar Sa 2 Bible Online

Sa 2 - bahnar bible

Sa 2

¹Inh ngơk lăng dơ̆ng; 'bôh đei minh 'nu bơngai tơ ti sư chĕp tơlei pơtŏ.

²Inh đei pơma dơnuh hăm sư thoi âu: “Ih năm tơ yơ?” Sư tơl inh: “Inh wă năm pơtŏ lăng pơlei Jêrusalem âu, wơ̆l tor sư kơjung să dang yơ.”

³Đơ̆ng noh, linh jang mă oei pơma hăm inh sư yak năm păng đei minh 'nu linh jang nai sơng sư.

⁴Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

⁵Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

⁶Kră Yang khan: “Ơ! Lu iĕm kơdâu ôn bĕ, kơdâu lĕch đơ̆ng teh đak gah yă-nơ̆m; yua kơ Inh đei pơm kơ lu iĕm tơklah tơklang tơ puăn pah kial tơ plĕnh.” Kră Yang khan thoi noh:

⁷“Ơ Siôn, ơ lu bơngai mă oei hơdai kon adruh Babilôn,a ih jah kơdâu ôn bĕ!”

⁸Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.

⁹Yua kơ âu, Inh gô yơ̆r ti Inh blah lu sư, lu sư gô jing tơmam lu bơngai jang kơ sư tơgar băl; păng lu iĕm gô băt kơ Kră Yang đei wơh inh truh tơ âu.

¹⁰Ơ kon adruh Siôn, hơri chơt hiôk păng 'nă hal bĕ; yua kơ 'nâu, Inh truh păng Inh gô oei hơdai, Kră Yang khan thoi noh.

¹¹Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.

¹²Kră Yang gô đei char Juđa pơm mŭk tơmam Sư lăm teh đak rơgoh păng Sư gô rơih iŏk Jêrusalem.

¹³Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”