Read bahnar Jos 19 Bible Online

Jos 19 - bahnar bible

Jos 19

¹Teh mă 'bar hlang lăng trŏ kơ adrĕch Simêôn, kiơ̆ kơ adrĕch adrung lu sư; teh jang sa lu sư âu tŏk-bŏk lu bơngai Juđa.

²Adrĕch Simêôn teh jang sa lu sư noh đei: Bêrsêba, Sêba, Môlađa,

³Hasar Sual, Bala, Esem,

⁴Êltôlat, Bêthul, Horma,

⁵Siklak, Bêt Makabôt, Hasar Sual,

⁶Bêt Lêbaôt, Saruhen: Đĭ-đăng mơjĭt-pêng tŏ pơlei tih hăm pơlei iĕ lu sư.

⁷Ain, Rimmôn, Ether păng Asan: Đĭ-đăng puăn tŏ pơlei tih hăm pơlei iĕ lu sư.

⁸Đĭ-đăng pơlei iĕ oei jum dăr kơ pơlei tih ei truh tơ Balat Ber, wă khan Rama pah gơal, noh boih teh jang sa adrĕch Simêôn, kiơ̆ kơ adrĕch adrung lu sư.

⁹Teh jang sa lu bơngai Simêôn iŏk minh đơ̆ng lăm teh lu bơngai Juđa; yua kơ teh lu bơngai Juđa jang sa să dêh; thoi noh lu bơngai Simêôn đei teh jang sa tŏk-bŏk lu Juđa.

¹⁰Teh hlang lăng mă pêng trŏ kơ lu adrĕch bơngai Sabulun, kiơ̆ kơ adrĕch adrung lu sư, hơdral char lu sư truh tơ pơlei Sarit.

¹¹Iŏk đơ̆ng noh hơdral pah bơmơ̆t truh tơ pơlei Marêala; tơ'bưh truh tơ pơlei Đabêsêt, truh tơ chơkơi đak tơklă Jôknêam.

¹²Iŏk đơ̆ng pơlei Sarit dăr tơ gah hơlĕch, tơklă măt 'năr lĕch, tơ hơdral Kislô Ta'bor; đơ̆ng noh truh tơ Đabêrat păng Japhia;

¹³Đơ̆ng noh rok gah hơlĕch Gat Hepher păng Etkasin, lĕch truh tơ pơlei Rimôn, na weh dăr tơklă pơlei Nêa.

¹⁴Gah yă-nơ̆m rok hơdral dăr tơklă pơlei Hanathôn; tôch tơ pŭng-lŭng Ipthael.

¹⁵Hăm pơlei Kattat, Nahala, Simrôn, Iđala păng Betlehem, đĭ-đăng mơjĭt-'bar tŏ pơlei tih hăm pơlei iĕ lu sư.

¹⁶Lu pơlei tih âu hăm pơlei iĕ lu sư, noh boih teh jang sa kơ lu bơngai Sabulun, kiơ̆ kơ adrĕch adrung lu sư.

¹⁷Teh hlang lăng mă puăn trŏ kơ adrĕch Isakar, kiơ̆ kơ adrĕch adrung lu sư.

¹⁸Hơdral lu sư truh tơ Jêsreel, Kêsulôt, Sunem,

¹⁹Hapharaim, Sion, Anharat,

²⁰Rabit, Kisiôn, Êbês;

²¹Rêmêt, Ên Ganim păng Ênhada păng Bêtpasê.

²²Pơtrơp hơdral sư tơ'bưh hăm Kông Tabôr, Sahatsuma păng Bêt Sêmes tôch hơdral sư tơ đak Krong Jôrđăn, đĭ-đăng mơjĭt-tơdrâu tŏ pơlei tih hăm pơlei iĕ âu.

²³Lu pơlei tih pơlei iĕ lu sư, noh boih teh jang sa lu adrĕch Isakar, kiơ̆ kơ adrĕch adrung lu sư.

²⁴Teh hlang lăng mă pơđăm trŏ kơ adrĕch Aser, kiơ̆ kơ adrĕch adrung lu sư.

²⁵Char sư noh đei pơlei Hêlkat, Hali, Bêten, Aksap,

²⁶Alamêlek, Amăt păng Misal. Gah bơmơ̆t hơdral tơ'bưh hăm pơlei Karmel pơlei Sihor Lipnat.

²⁷Đơ̆ng noh sư dăr gah hơlĕch truh tơ pơlei Bêt Dagôn tơ'bưh kơ teh adrĕch Sabulun păng pŭng-lŭng Ipthael gah yă-nơ̆m truh tơ pơlei Bêt Êmĕk păng Niel; gah 'ngiĕo kơ pơlei Kabul.

²⁸Gah pơlei Adôn, Rêhôp, Hammôn păng Kana, truh tơ pơlei tih Siđôn.

²⁹Tơ noh hơdral dăr tơklă gah pơlei Rama; truh tơ pơlei tih Tir, pơlei tih kơjăp, na hơdral dăr tơklă pơlei Hôsa, tôch tơ đak dơsĭ jê̆ pơlei Aksip.

³⁰Kŭm oei đei Uma, Aphek păng Rôhôp, đĭ-đăng 'bar-jĭt 'bar tŏ pơlei tih, hăm pơlei iĕ lu sư.

³¹Lu pơlei tih pơlei iĕ lu sư, noh boih teh jang sa lu adrĕch Aser, kiơ̆ kơ adrĕch adrung lu sư.

³²Teh hlang lăng mă tơdrâu trŏ kơ adrĕch Naptali, kiơ̆ kơ adrĕch adrung lu sư.

³³Hơdral sư iŏk đơ̆ng pơlei Hêlep đơ̆ng tơm 'long kôih tih tơ pơlei Sananim pơlei Ađami Nêkep păng pơlei Japnêl truh tơ pơlei Lakum tôch tơ đak Krong Jôrđăn.

³⁴Đơ̆ng noh hơdral dăr gah bơmơ̆t truh tơ pơlei Asnôt Tabôr, đơ̆ng noh truh tơ pơlei Hukok, gah gơal tơ'bưh hăm char Sabulun, gah bơmơ̆t tơ'bưh char Aser; gah hơlĕch tơ'bưh kơ đak Krong Jôrđăn.

³⁵Lu pơlei tih kơjăp noh đei pơlei Siđim, Ser, Hammat, Rakat, Kinêret,

³⁶Ađama, Rama, Hasor,

³⁷Kêđes, Êdrei, Ên Hasor,

³⁸Irôn, Mitđal Êl, Hôrem, Bêt Anat păng Bêt Sêmes, đĭ-đăng mơjĭt-tơsĭn tŏ pơlei tih hăm pơlei iĕ lu sư.

³⁹Lu pơlei tih păng pơlei iĕ lu sư, noh boih teh jang sa adrĕch Naptali, kiơ̆ kơ adrĕch adrung lu sư.

⁴⁰Teh hlang mă tơpơh trŏ kơ adrĕch Đan, kiơ̆ kơ adrĕch adrung lu sư.

⁴¹Teh char lu sư jang sa noh đei pơlei: Sôra, Êstaôl Irsêmês.

⁴²Salabin, Aijalôn, Itla,

⁴³Êlon, Thimna, Ekrôn,

⁴⁴Êltêkê, Gibêthôn, Balat,

⁴⁵Jêhut, Bênê Bêrak, Gat Rimmôn,

⁴⁶Mê Jarkôn păng Rakôn, hơbĭ hăm teh tơklă anăp pơlei Jôpa.

⁴⁷Mă-lei lu bơngai Đan tơnat 'biơ̆ ưh kơ gơh đei teh mă asong kơ lu sư. Lei na lu sư athei tŏk blah iŏk pơlei Lêsem, yua hăm đao gưm pơlôch pơrăm pơlei noh, lu bơngai Đan asong băl oei jang sa tơ lăm noh păng krao anăn pơlei Đan 'bok lu sư,

⁴⁸Lu pơlei tih hăm pơlei iĕ lu sư, noh boih teh jang sa kơ adrĕch Đan, kiơ̆ kơ adrĕch adrung lu sư.

⁴⁹Đei klah asong char kiơ̆ adrĕch adrung teh jang sa hlôi keh đang boih, kon pơlei Isơrael iŏk teh lăm tŏk-bŏk lu sư na ăn kơ Jôsuê, kon drŏ-nglo Nun,

⁵⁰lu adrĕch adrung kon pơlei Isơrael, kiơ̆ kơ nơ̆r Kră Yang tơtă kơ lu sư asong ăn kơ Jôsuê pơlei kiơ̆ thoi sư apinh, noh pơlei Timnat Sêra 'bơ̆t kơpal kông Êphraim, sư pơdơ̆ng pơlei tih oei tơ noh.

⁵¹Noh boih teh char mă 'bok soi Êlêasar, Jôsuê kon drŏ-nglo Nun păng lu kră kơdră kơ adrĕch adrung 'bă lu sư bơngai Isơrael đei klah asong hlang lăng tơ pơlei Silô 'bơ̆t anăp Kră Yang 'bơ̆t 'măng mơ̆t lăm Bơsŭn anih akŭm. Tơdrong lu sư klah asong băl teh char jang sa keh đang thoi noh.