Read bahnar Jos 23 Bible Online

Jos 23 - bahnar bible

Jos 23

¹Đunh tơpă đơ̆ng rŏng kơ Kră Yang ăn kơ lu bơngai Isơrael pơdơh hiôk-hian lu ayăt tăp dăr ưh pă đei tơblah păng Jôsuê đĭ kră, arih sot sơnăm đĭ lơ boih.

²Jôsuê krao akŭm đĭ-đăng lu kră pơlei Isơrael, lu kră pơgơ̆r, lu kră sek tơlang păng lu yŏng pơgơ̆r linh na khan: Inh đĭ kră boih, arih sot, sơnăm đĭ lơ.

³Lu iĕm 'bôh boih tôm tơdrong Kră Yang 'Bok Kei-Dei lu iĕm hlôi pơm kơ adrĕch adrung âu yua kơ lu iĕm; kơdih akâu Kră Yang 'Bok Kei-Dei lu iĕm hlôi tơblah ăn kơ lu iĕm.

⁴Athei 'blŏk bĕ kơ inh đei hlang klah asong ăn kơ lu iĕm teh jang sa mir 'ba kơ rim adrĕch adrung lu iĕm, teh đak mă ưh tam mă đei blah iŏk. Teh đak mă inh đei blah iŏk boih, iŏk đơ̆ng đak Krong Jôrđăn truh tơ đak Dơsĭ Tih, gah măt 'năr mơ̆t.

⁵Kơdih kâu Kră Yang 'Bok Kei-Dei lu iĕm gô puh păng tơweh đĭ kon pơlei noh đơ̆ng anăp lu iĕm păng lu iĕm gô iŏk char noh, trŏ thoi Kră Yang 'Bok Kei-Dei lu iĕm đei pơkă ăn kơ lu iĕm.

⁶Thoi noh athei chơ̆n jơhngơ̆m kơjăp păng pơm kiơ̆ mă pơ'lơ̆ng wei răk dôm tơdrong đei chih lăm sơ̆p hla bơar khôi juăt Môis boih, 'nĕ pă weh tơ 'ma dah tơ 'ngiĕo.

⁷Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.

⁸Mă-lei iĕm athei tơ'bưh 'mêm kơ Kră Yang 'Bok Kei-Dei lu iĕm, trŏ thoi lu iĕm đei pơm boih đơ̆ng sơ̆ khơ̆ năr 'nâu.

⁹Yua kơ Kră Yang hlôi đei puh tơweh boih 'bơ̆t anăp lu iĕm adrĕch adrung tih pran păng truh tơ dang ei ưh kơ đei bu kĕ dơ̆ng tơblah 'bơ̆t anăp lu iĕm.

¹⁰Minh 'nu lăm lu iĕm gơh pơpuh rơbâu 'nu ayăt; yua kơ Kră Yang 'Bok Kei-Dei lu iĕm tơblah ăn kơ lu iĕm, thoi Sư đei pơkă boih.

¹¹Mă-lei athei kơchăng hơđơ̆ng iŏk đon băt 'mêm kơ Kră Yang 'Bok Kei-Dei lu iĕm.

¹²Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,

¹³lei iĕm athei băt Kră Yang 'Bok Kei-Dei lu iĕm ưh pă puh tơweh lu adrĕch adrung âu đơ̆ng anăp lu iĕm dơ̆ng, Lei lu sư gô thoi hơnhuăl păng hơđong hơ'năk kơ lu iĕm, pơm tơnguĕt teh kơdŭ rŏng, pơm thoi hrŏng jơla trŏ măt, dĭng truh tơ lu iĕm lôch răm đĭ-đăng đơ̆ng char 'lơ̆ng rŏ mă Kră Yang 'Bok Kei-Dei hlôi ăn kơ lu iĕm.

¹⁴Âu, dang ei inh wă năm kiơ̆ boih trong mă đĭ-đăng kơ kon bơngai năm; lu iĕm băt boih đĭ lăm jơhngơ̆m klơm klak kơ nơ̆r 'lơ̆ng mă Kră Yang 'Bok Kei-Dei đei pơkă khan kơ lu iĕm, ưh kơ đei minh nơ̆r ayơ glăi, đĭ-đăng gô pơsĭt trŏ ngăl; ưh kơ đei minh nơ̆r ayơ hiong.

¹⁵Mă-lei tơdah nơ̆r pơkă 'lơ̆ng mă Kră Yang 'Bok Kei-Dei lu iĕm đei pơsĭt ăn kơ lu iĕm thoi yơ boih, na Kră Yang kư̆m pơsĭt lu nơ̆r Sư wă tơhli pơrăm lu iĕm thoi noh, dĭng truh tơ Sư pơlôch pơrăm lu iĕm đĭ đơ̆ng dêh char 'lơ̆ng rŏ mă Kră Yang đei ăn kơ lu iĕm.

¹⁶Tơdah lu iĕm sơngah kơ tơdrong pơgơ̆p Kră Yang 'Bok Kei-Dei lu iĕm, đei hlôi bơtho pơkă, na lu iĕm achăng lê̆ Kră Yang, chă bơ̆jang awih awăn păng drap kơkuh kơ lu yang nai, lei tơdrong Kră Yang hil mĭl tih gô truh tơ lu iĕm, na lu iĕm gô lôch hiong răm đĭ đơ̆ng char 'lơ̆ng rŏ mă Kră Yang đei ăn boih.