Read bariba Sɑmuɛli II 1 Bible Online

Sɑmuɛli II 1 - bariba bible

Sɑmuɛli II 1

¹Ye Dɑfidi u Amɑlɛkibɑ ɡo u wee, yerɑ u yɔ̃rɑ Sikilɑɡiɔ sɔ̃ɔ yiru. N deemɑ Sɔɔlu u ɡu kɔ.

²Sɔ̃ɔ itɑseru, yerɑ durɔ ɡoo u yɑrimɑ sɑɑ tɑbu ɡberun di mi Sɔɔlu u rɑɑ wɑ̃ɑ. Durɔ win yɑberɑ ɡɛ̃ɛkire mɑ win wirɑ tuɑ sɑ̃ɑ nuku sɑnkirɑnun sɔ̃. Sɑɑ ye u tunumɑ Dɑfidin mi, u yiirɑ kurɛ u wiru tem ɡirɑri.

³Mɑ Dɑfidi u nùn bikiɑ u nɛɛ, mɑn diyɑ ɑ wee. Mɑ u nɛɛ, sɑɑ Isirelibɑn tɑbun sɑnsɑnin diyɑ nɑ dukɑ suumɑ.

⁴Dɑfidi u kpɑm nùn bikiɑ u nɛɛ, ɑmɔnɑ ɡberɑ sɑ̃ɑ. A suuru koowo ɑ mɑn sɔ̃ɔwɔ nɡe mɛ n koosinɑ kpuro. Mɑ durɔ wi, u nɛɛ, tɑbu Isirelibɑ swĩiyɛ bɑ duki. Ben dɑbirɑ mɑɑ wɔrukɑ bɑ ɡu. Mɛyɑ Sɔɔlun tii kɑ win bii Yonɑtɑm bɑ ɡu.

⁵Mɑ Dɑfidi u nɛɛ, ɑmɔnɑ ɑ kuɑ ɑ kɑ yɛ̃ mɑ Sɔɔlu kɑ win bii Yonɑtɑm bɑ ɡu.

⁶Mɑ u nɛɛ, nɑ nɛn wɑ̃ɑru wɑ̃ɑwɑ Giliboɑn ɡuuru wɔllɔ nɑ kɑ Sɔɔlu mɛɛrɑ u kɑ tii win yɑɑsɑ tɑ̃sɑ. Mɑ yibɛrɛbɑn tɑbu kɛkɛ dumiɡii kɑ mɑɑsɔbu bɑ nùn sɔndi mɑm mɑm bɑ ɡire.

⁷Sɑɑ ye u sĩirɑ u mɛɛrimɑ biruɔ u mɑn wɑ, yerɑ u mɑn sokɑ mɑ nɑ wurɑ nɑ dɑ win mi.

⁸Mɑ u mɑn bikiɑ u nɛɛ, nɛ wɑrɑ. Nɑ nùn wisɑ nɑ nɛɛ, nɛ Amɑlɛkiwɑ.

⁹Mɑ u nɛɛ, n susimɑ win bɔkuɔ kpɑ n nùn ɡo bɑɑ mɛ u dɑm tie u tirekirɑmɔ.

¹⁰Mɑ nɑ susi win bɔkuɔ nɑ nùn ɡo. Domi nɑ yɛ̃ mɑ u ǹ mɑɑ seemɔ, mi u wɔrɑ mi. Mɑ nɑ win sinɑ furɔ potɑ kɑ win sumɑ ye u doke nɔmɑɔ. Yerɑ nɑ kɑ nun nɑɑwɑ mini, nɛn yinni.

¹¹Ye Dɑfidi u nuɑ mɛ, yerɑ u win yɑberu nɛnuɑ u kɑrɑnɑ. Mɑ be bɑ wɑ̃ɑ kɑ wi, ben tii bɑ mɑɑ kuɑ mɛ bu kɑ ben nuku sɑnkirɑnu sɔ̃ɔsi.

¹²Mɑ bɑ ɡɔɔ wooru sinɑ bɑ swĩ bɑ nɔɔ bɔkuɑ sere sɔ̃ɔ u kɑ kpɑ Sɔɔlu kɑ win bii Yonɑtɑm sɔ̃, kɑ sere mɑɑ Isirelibɑn sɔ̃, be, Yinni Gusunɔn tɔn be bɑ ɡo tɑbu ɡberɔ.

¹³Mɑ Dɑfidi u durɔ wi bikiɑ u nɛɛ, wuu mɑn diyɑ ɑ nɑ. U wisɑ u nɛɛ, nɛn bɑɑ u yɑrimɑwɑ sɑɑ Amɑlɛkibɑn tem di sɑ kɑ wɑ̃ɑ mini.

¹⁴Dɑfidi kpɑm nùn bikiɑ u nɛɛ, ɑmɔnɑ ɑ kɑ kɑ̃kɑ ɑ wi Yinni Gusunɔ ɡɔsɑ nɔmɑ doke ɑ ɡo. Yen sɔ̃, wunɛn yɛm mu yɔ̃rɑ wunɛn wiru wɔllɔ. Domi wunɛn tiin nɔɔwɑ ɡɑ seedɑ di mɑ ɑ wi Yinni Gusunɔ ɡɔsɑ ɡo. Sɑɑ yerɑ Dɑfidi u win ɑluwɑɑsibɑn turo sokɑ u nɛɛ, ɑ susio ɑ nùn sɛ̃re ɑ ɡo. Mɑ ɑluwɑɑsi wi, u Amɑlɛki wi sɛ̃re u so u ɡo.

¹⁷Mɑ Dɑfidi u womu ɡeni kuɑ win ɡɔɔ swĩi sɔɔ Sɔɔlu kɑ win bii Yonɑtɑm sɔ̃.

¹⁸Mɛyɑ u mɑɑ yiire bu Yudɑbɑn bibu womu ɡe sɔ̃ɔsi. Tɛndɑ ɡɑ tɔmɑmɔ. Mɑ bɑ ɡe yoruɑ Yɑsɑrin tireru sɔɔ. Womu ɡe wee.

¹⁹Isireli, wunɛn yiikoɡibɑ wɔrumɑ, wunɛn dɑmɡibɑ kpunɑ ɡuuru wɔllɔ.

²⁰I ku de bu lɑbɑɑri ye nɔ Gɑtiɔ. I ku de bu ye kpɑrɑ Asikɑlonin wuuɔ. Kpɑ Filisiti bɑnɡo sɑri ben kurɔbu bu ku yɛ̃ɛri. Kpɑ ben wɔndiɑbɑ bu ku nuku dobu ko.

²¹Bɛɛ Giliboɑn ɡuunu, Gusunɔ u ku de ɡurɑ yu nɛ bɛɛn wɔllɔ. Gusunɔ u ku de kɑkoru tu wɔrumɑ bɛɛn wii kpiirɔ. Gusunɔ u ku de bɛɛn tem mu dĩɑ ɡeenu mɑ. Domi miyɑ bɑ tɑbu durɔbu funɛ wĩɑ. Miyɑ bɑ ben tɛrɛnu kɑsi kuɑ. Miyɑ Sɔɔlun tɛrɛrɑ ɡum tɛɛnibu nɔru kuɑ.

²²Bɑɑ mɛ bɑ yibɛrɛbɑ wɑɑmɔ, bɑɑ mɛ bɑ tɑbu durɔbun wɔruɡɔru wɑɑmɔ, Yonɑtɑm nɔm wĩirɑ kun dwiiyɑre kɑ tɛn tobu. Sɔɔlun tɑkobi kun mɑɑ kɑm wɔrire.

²³Sɔɔlu kɑ Yonɑtɑm bɑ kĩɑnɑwɑ ben wɑ̃ɑrun tɔ̃ru kpuro sɔɔ. Bɑ ǹ kɑrɑnɛ bɑɑ kɑ ɡɔɔ sɔɔ. Bɑ sɑ̃u tɑbu sɔɔ n kere ɡunɔ bɑkenu. Bɑ ɡbee sinɑnsu dɑm kere.

²⁴Bɛɛ Isirelin tɔn kurɔbu, Sɔɔlu u rɑ rɑɑ de i beku nɔni swɑ̃ɑ burɛɡinu dewe. Wiyɑ u rɑ rɑɑ de i wurɑn burɑnu doke bɛɛn yɑ̃nu sɔɔ. I swĩiyɔ win sɔ̃.

²⁵Dɑmɡibɑ wɔrukɑ tɑbu ɡberɔ. Yonɑtɑm u kpunɑ Isirelin ɡuunu wɔllɔ.

²⁶Yonɑtɑm nɛn kĩnɑsi, nɑ nuku sɑnkirɑ bɑkɑnu mɔ wunɛn sɔ̃. A rɑ n sɑ̃ɑwɑ ɡɑ̃ɑ bɑkɑnu nɛn nɔni sɔɔ. Wunɛn kĩi te ɑ mɑn kĩɑ tɑ tɔn kurɔɡiru kere.

²⁷Dɑmɡibɑ wɔrukɑ tɑbu ɡberɔ. Tɑbu yɑ̃nu nu kɑm kuɑ.