Read bariba Bɑndun Gɑri I 16 Bible Online

Bɑndun Gɑri I 16 - bariba bible

Bɑndun Gɑri I 16

¹Ye bɑ kɑ kpɑkoro te tunumɑ, yerɑ bɑ tu doke ten ɑyerɔ kuu bekuruɡiru sɔɔ te Dɑfidi u kuɑ ten sɔ̃. Yen biruwɑ u Yinni Gusunɔ yɑ̃ku dɔ̃ɔ mwɑɑrɑruɡinu kɑ siɑrɑbun yɑ̃kunu kuɑ.

²Ye Dɑfidi u yɑ̃ku ni kuɑ u kpɑ, yerɑ u win tɔmbu Isirelibɑ domɑru kuɑ kɑ Yinni Gusunɔn yĩsiru.

³Mɑ u be kpuro dĩɑnu bɔnu kuɑ, tɔn kurɔbu kɑ tɔn durɔbu. U bɑɑwure pɛ̃ɛ kɑ yɑɑ wɔ̃ɔrɑ wɛ̃ kɑ sere mɑɑ kirɑ te bɑ kuɑ kɑ resɛm ɡbebɑ.

⁴Mɑ Dɑfidi u Lefi ben ɡɑbu sɔmɑ wɛ̃ woodɑn kpɑkoro ten sɔ̃, kpɑ bu kɑ Gusunɔ be Isirelibɑn Yinni sɑ̃. Kpɑ bu nùn siɑrɑ, kpɑ bu nùn bɛɛrɛ wɛ̃.

⁵Asɑfuwɑ u sɑ̃ɑ ben wiruɡii. Mɑ Sɑkɑri u sɑ̃ɑ win yiruse. Mɑ Yeyɛli kɑ Semirɑmɔtu kɑ Yehiɛli kɑ Mɑtitiɑ kɑ Eliɑbu kɑ Bɛnɑyɑ kɑ Obɛdi Edɔmu kɑ sere Yeyɛli bɑ ɡuunu kɑ mɔrɔkunu soomɔ. Mɑ Asɑfu u mɑɑ sɛkɛtirɛnu soomɔ.

⁶Mɑ yɑ̃ku kowo beni, Bɛnɑyɑ kɑ Yɑsiɛli bɑ kɔbi soomɔ tɑ̃ɑ tɑ̃ɑ Yinni Gusunɔn woodɑn kpɑkoro ten wuswɑɑɔ.

⁷Tɔ̃ɔ terɑ Dɑfidi u derɑ Asɑfu kɑ wiɡibu bɑ Yinni Gusunɔ tɔmɑm toruɑ. Bɑ nɛɛ,

⁸i Yinni Gusunɔ siɑro, kpɑ i nùn sɑ̃, kpɑ i bwesenu nɔɔsiɑ sɔm bɑkɑ ni u kuɑ.

⁹I nùn tɔmɔ. I nùn siɑro kɑ womusu, kpɑ i win sɔm mɑɑmɑɑkiɡinun ɡɑri kpɑrɑ.

¹⁰I yɛ̃ɛrio win yĩsi dɛɛrɑrun sɔ̃, kpɑ i nuku dobu ko bɛɛ bèn ɡɔ̃ru ɡɑ nùn kɑsu.

¹¹I ɡɔsiro Yinni Gusunɔ Dɑm kpuroɡiin mi, kpɑ i nùn kɑsu bɑɑdommɑ.

¹²Bɛɛ Isirelibɑ, Yɑkɔbu Gusunɔn sɔm kowon bweseru, bɛɛ be u ɡɔsɑ, i yɑɑyo sɔm mɑɑmɑɑkiɡii ni u kuɑ kɑ ɡɑri yi u bɛɛ sɔ̃ɔwɑ.

¹⁴Gusunɔwɑ u sɑ̃ɑ bɛsɛn Yinni. Wiyɑ u koo hɑnduniɑ kpuro siri.

¹⁵I ɑrukɑwɑni ye yɑɑyo bɑɑdommɑ ye u kɑ Aburɑhɑmu bɔkuɑ kɑ mɑɑ nɔɔ mwɛɛ te u Isɑki kuɑ.

¹⁷U kɑ ye Isirelibɑ, Yɑkɔbun bweseru bɔkuɑwɑ yɑ n sɑ̃ɑ woodɑ sere kɑ bɑɑdommɑɔ.

¹⁸U nɛɛ, u koo bu Kɑnɑnin tem wɛ̃ bu tubi di.

¹⁹N deemɑ sɑnɑm mɛ, Isirelibɑ bɑ ǹ dɑbi, mɑ bɑ sɑ̃ɑ sɔbu tem mɛ sɔɔ.

²⁰Bɑ rɑ n dɑɑmɔwɑ bwese tukunun mi kɑ wuu tukusɔ.

²¹Adɑmɑ u ǹ dere ɡoo u bu dɑm dɔre. U mɑɑ sinɑmbu sɛɛyɑsiɑ ben sɔ̃.

²²U nɛɛ, i ku nɛn tɔn be nɑ ɡɔsɑ bɑbɑ. I ku mɑɑ nɛn sɔmɔbu kɔ̃sɑ kuɑ.

²³Yen sɔ̃, bɛɛ hɑnduniɑɡibu, i Yinni Gusunɔ tɔmɔ. I win fɑɑbɑn ɡɑri kpɑro tɔ̃ɔ bɑɑtere.

²⁴I win yiikon ɡirimɑ kɑ win sɔm mɑɑmɑɑkiɡinu kpɑro bwesenun suunu sɔɔ.

²⁵Domi Yinni Gusunɔ u kpɑ̃. Wiyɑ n weenɛ bu siɑrɑ. U bũnu kpuro nɑnum kere.

²⁶Bwese tukunun bũnu nu sɑ̃ɑwɑ kɑm dirum. Adɑmɑ Yinni Gusunɔwɑ u wɔllu kuɑ.

²⁷Yiiko kɑ ɡirimɑ yɑ wɑ̃ɑ win wuswɑɑɔ. Mɑ dɑm kɑ nuku dobu wɑ̃ɑ win wɑ̃ɑ yerɔ.

²⁸Bɛɛ bwesenu kpuro, i Yinni Gusunɔ yiiko kɑ bɛɛrɛ wɛ̃ɛyɔ.

²⁹I Yinni Gusunɔn yĩsiru yiiko wɛ̃ɛyɔ. I kɑ nùn kɛ̃nu dɑɑwo win sɑ̃ɑ yerɔ. Kpɑ i yiirɑ win wuswɑɑɔ i nùn sɑ̃ win dɛɛrɑrun sɔ̃.

³⁰Bɛɛ hɑnduniɑɡibu kpuro, i diirio win wuswɑɑɔ. Tem mu dɑm mɔ, mu ǹ bɑ̃ɑrimɔ.

³¹Wɔllu, ɑ yɛ̃ɛrio, kpɑ tem mu nuku dobu ko. I bwesenu kpuro sɔ̃ɔwɔ mɑ Yinni Gusunɔ u bɑndu dii.

³²Nim wɔ̃ku ɡu kuuki koowo, kɑ ye yɑ wɑ̃ɑ ɡe sɔɔ. Ye yɑ wɑ̃ɑ ɡen berɑ mi ɡiɑ kpuro, yu nuku dobu koowo.

³³Dɑ̃nu, i nuku dobun kuuki koowo Yinni Gusunɔn wuswɑɑɔ. Domi u wee u hɑnduniɑɡibu siri.

³⁴I Yinni Gusunɔ siɑro win tɔn ɡeerun sɔ̃. Win kĩru tɑ ǹ nɔru mɔ.

³⁵I nùn nɔɔɡiru sueyo i nɛɛ, Gusunɔ bɛsɛn Fɑɑbɑ kowo, ɑ sun fɑɑbɑ koowo. A sun wɔro bwese tukunun nɔmɑn di, kpɑ ɑ sun mɛnnɑ. Sɑɑ yerɑ sɑ ko nun tɔmɑ sɑ n wunɛn yĩsi dɛɛrɑru soku, kpɑ sɑ n yɛ̃ɛrimɔ, sɑ n mɔ̀,

³⁶Gusunɔ, Isirelibɑn Yinni, wunɑ bɑ ko n siɑrɑmɔ sere kɑ bɑɑdommɑɔ. Mɑ tɔmbu kpuro bɑ nɛɛ, ɑmi! I Yinni Gusunɔ siɑro.

³⁷Yen biru Dɑfidi u Asɑfu kɑ wiɡibu yiire bɑ n wɑ̃ɑ Yinni Gusunɔn woodɑn kpɑkoro ten mi, bɑ n sɔmburu mɔ̀ bɑɑdommɑ.

³⁸Mɑ u Obɛdi Edɔmu kɑ Hosɑ kɑ beɡibu ɡɔsɑ. Ben ɡeerɑ sɑ̃ɑwɑ tɔmbu wɑtɑ kɑ nɔɔbɑ itɑ (68). Obɛdi Edɔmu, Yedutum bii, kɑ Hosɑ bɑ sɑ̃ɑwɑ kɔnnɔ kɔ̃sobu.

³⁹Mɑ Dɑfidi u yɑ̃ku kowo Sɑdɔku kɑ wiɡibu yiire bu sɔmburu ko ɡunɡuru wɔllɔ Gɑbɑoniɔ, mi bɑ rɑ Yinni Gusunɔ yɑ̃kuru kue,

⁴⁰bɑ n dɑ nùn yɑ̃ku dɔ̃ɔ mwɑɑrɑruɡinu kue bɑɑdommɑ yɑ̃ku yerɔ, bururu kɑ yokɑ, kpɑ bu mɑɑ ko kpuro ye yɑ wɑ̃ɑ woodɑ sɔɔ ye u Isirelibɑ wɛ̃.

⁴¹Be sɔɔrɑ Hemɑni kɑ Yedutum kɑ sere be bɑ ɡɔsɑ bɑ ben yĩsɑ siɑ siɑ mi, bu kɑ Yinni Gusunɔ sɑ̃ bɑ wɑ̃ɑ. Domi wi, Yinni Gusunɔn tɔn ɡeeru tɑ rɑ n wɑ̃ɑwɑ sere kɑ bɑɑdommɑɔ.

⁴²Hemɑni kɑ Yedutum, berɑ bɑ rɑ kɔbi kɑ sɛkɛtirɛnu kɑ sere mɑɑ yɑ̃ɑ ni nu tien wunɑnɔsu ko, ni bɑ rɑ kɑ womusu ko bɑ̀ n Yinni Gusunɔ sɑ̃ɑmɔ. Yedutum bibɑ bɑ mɑɑ sɑ̃ɑ kɔnnɔn kɔ̃sobu.

⁴³Yen biru, tɔmbu kpuro bɑ ɡɔsirɑ bɑ wurɑ ben yɛnusɔ. Mɑ Dɑfidi u mɑɑ dɑ win yɛnuɔ u kɑ win yɛnuɡibu domɑru kuɑ.