Read bariba Yoobu 15 Bible Online

Yoobu 15 - bariba bible

Yoobu 15

¹Elifɑsi Temɑɡii u Yoobu wisɑ u nɛɛ,

²wi u bwisi mɔ u koo tɔnu wisi kɑ ɡɑri yi yi ǹ ɑrufɑɑni mɔ? U ko n ɡɑri yɑrɑmɔ nɡe woo?

³Wee ɡɑri yi ɑ ɡeruɑ ɑ kɑ tii yinɑ mi, yi ǹ sɑ̃ɑ ɡɑ̃ɑnu. Gɑri yi ɑ sɑɑrɑ mini kpuro sɔɔ, sɑri yi yi koo tɔnu somi.

⁴Wunɛ, ɑ mɑm Gusunɔn nɑsiɑru tɛɛsimɔwɑ, mɑ ɑ win bɛɛrɛ yɛ̃ru kpeerɑsiɑmɔ.

⁵Wunɛn kom kɔ̃sumɑ mu sɔ̃ɔsirɑmɔ wunɛn nɔɔn di. Mɑ ɑ ɡɑri ɡerumɔ kɑ bwisi.

⁶Wunɛn nɔɔn ɡɑriyɑ yi nun tɑɑrɛ wɛ̃ɛmɔ, n ǹ mɔ nɛ. Gɑri yi ɑ ɡeruɑ mi kpuro, yiyɑ yi wunɛn torɑnu sɔ̃ɔsimɔ.

⁷Wunɑ bɑ ɡbiɑ bɑ tɑkɑ kuɑ hɑnduniɑ sɔɔ? Wunɑ ɑ ɡbiɑ ɑ wɑ̃ɑ bɑ sere ɡunɡunu kuɑ?

⁸A Gusunɔn ɡɑri ɑsiriɡii swɑɑ dɑki? A win bwisi mwɑ kpuro, ɑ yi wunɛn tiin sɔ̃?

⁹Mbɑ ɑ yɛ̃ ye bɛsɛn tii sɑ ǹ yɛ̃. Yɛ̃ɛ terɑ̀ ɑ mɔ te bɛsɛn tii sɑ ǹ mɔ.

¹⁰Bɛsɛn suunu sɔɔ, tɔmbɑ wɑ̃ɑ be bɑ seri bururɑ bɑ tɔkɔnu kuɑ n kere wunɛn tundo.

¹¹A bɛsɛn ɡɑri yi sɑ nun sɔ̃ɔwɑ kɑ lɑɑkɑri mɛɛrɑwɑ ɡɑ̃ɑ piiminu, yìn min di Gusunɔ u nun nukuru yɛmiɑsiɑmɔ?

¹²Mɑnɑ wunɛn bwisikunu kɑ nun dɔɔ. Mbɑ wunɛn nɔni ɡɔsikiɑ ninin tubusiɑnu.

¹³Gɑri yi ɑ sɑɑrimɔ mini, Gusunɔwɑ ɑ kɑ mɔru mɔ̀.

¹⁴Tɔnu u koo kpĩ u n dɛɛre? Wi bɑ mɑrɑ, u koo kpĩ u n yibɑ Gusunɔn wuswɑɑɔ?

¹⁵Gusunɔ ù kun win ɡɔrɑdobɑ nɑɑnɛ kue, mɑ u ǹ wɔllu mɛɛrɑ tɑ dɛɛre,

¹⁶wunɛ tɔnu ɑmɔnɑ kɑɑ kɑ kpĩ ɑ n dɛɛre win wuswɑɑɔ, wunɛ wi ɑ rɑ kɔ̃sɑ ko kiri kiri nɡe mɛ bɑ rɑ nim nɔ.

¹⁷Tɛ̃, Yoobu, ɑ mɑn swɑɑ dɑkio kpɑ n nun ɡɑri sɔ̃. Kon nun sɔ̃wɑ ye nɑ wɑ.

¹⁸Sɔ̃ɔsi te bwisiɡibu bɑ sɔ̃ɔsi, bɑ tu ɡiɑwɑ ben sikɑdobɑn min di.

¹⁹Be tɔnɑwɑ Gusunɔ u rɑɑ tem mɛ wɛ̃, sɔɔ ɡoo rɑɑ mɑɑ sɑri be sɔɔ.

²⁰Adɑmɑ tɔn kɔ̃so u ko n wɑ̃ɑwɑ nɔni swɑ̃ɑru sɔɔ win wɑ̃ɑrun tɔ̃ru kpuro sɔɔ.

²¹Kpɑ u n ɡbɑ̃sukunu nɔɔmɔ ni nu koo nùn bɛrum mwɑ. Wi u koo nùn kɑm koosiɑ, u koo nùn wɔri subɑru sɔɔ.

²²Tɔn kɔ̃so wi, u ku rɑ n yĩiyɔ u yɑm wɔ̃kuru dukɑ suuri. Domi tɑkobi rɑ n nùn mɑrɑwɑ.

²³U rɑ n sirenɛwɑ bɑɑmɑ, u n kɑsu ye u koo di. U yɛ̃ kɔ mɑ yɑm wɔ̃kurɑ nùn mɑrɑ.

²⁴Mɑ u nɑnde wɑhɑlɑ kɑ nɔni swɑ̃ɑrun sɔ̃, ye yɑ nùn wɔriɔ nɡe sinɑ bokon tɑbu kowobu be bɑ tɑbun sɔɔru kpɑ.

²⁵Domi u Gusunɔ seesi. U Dɑm kpuroɡii nɔɔ kuurimɔ.

²⁶U kɑ̃kɑ u Gusunɔ tɑbu wɔri, win tɛrɛrun sinum sɔ̃.

²⁷Win wuswɑɑ bɑllimɔ. Mɑ win ɡɑ̃ɑnu nu yɑɑ tɑɑsinɛ.

²⁸U wɑ̃ɑ wuu si bɑ kɔsukɑ sɔɔ, sìn diɑ bɑ deri, mɑ yɑ wɔrumɑm dɔɔ.

²⁹U ǹ ɡobi mɔ. Win dukiɑ kun mɑɑ kuurɑmɔ. U ǹ mɑɑ yĩsiru yɑrimɔ win temɔ.

³⁰U ǹ kpɛ̃ u ɡɔɔn tɔ̃ru dukɑ suuri. Win bweseru kpuro tɑ koo dɔ̃ɔ mwɑɑrɑwɑ. Kpɑ Gusunɔ u nùn wom wure u ɡo.

³¹Ù n kɔ̃sɑ nɑɑnɛ sɑ̃ɑ u tii nɔni wɔ̃kuɑwɑ mi. Domi kɔ̃sɑ yen ɑreyɑ u koo wɑ.

³²Are yi, yi koo nɑwɑ u sere ɡbi. Win bwese kɛrɑ kun mɑɑ seemɔ, nɡe dɑ̃ɑ kɑ̃ɑsɑ ye yɑ ǹ mɑɑ kpɑrɑmɔ.

³³U ko n sɑ̃ɑwɑ nɡe resɛm yèn bii birenu bɑ wɔkɑ, ǹ kun mɛ nɡe olifin dɑ̃ɑ tèn wɛ̃su bɑ dɛrɑ.

³⁴Tɔn kɔ̃so u ǹ bweseru wɑsi. Dɔ̃ɔ u koo wi u nɔm birɑn kɛ̃nu mwɑɑmɔn yɛnu wɔri.

³⁵Wi u kɔ̃sɑ bwisikɑ, kɔ̃sɑ u koo ko. Domi bwisi kɔ̃si yiyɑ yi rɑ n wɑ̃ɑ win nukurɔ. Kpɑ yi n nùn nɔni wɔ̃kuɑ.