Read bariba Yoobu 24 Bible Online

Yoobu 24 - bariba bible

Yoobu 24

¹Yoobu u mɑɑ nɛɛ, mbɑn sɔ̃nɑ Gusunɔ Dɑm kpuroɡii ku rɑ sɑɑ yi u kɑ tɔmbu siri. Mbɑn sɔ̃nɑ be bɑ nùn mɛm nɔɔwɑmmɛ bɑ ku rɑ sɑɑ ye wɑ.

²Domi wee, ɡɑbu bɑ ɡɑbun tem ɡbɛnimɔ bɑ kɑ beɡim mɛnnɑmɔ. Mɑ ɡɑbu bɑ yɑ̃ɑnu kpɑre ni bɑ ɡbɛnɑ.

³Gɑbɑ mɑɑ ɡobekubɑn kɛtɛkunu mwɛɛrimɔ. Mɑ bɑ ɡɔminibun nɛɛ tɔrubɑ mwɑɑmɔ.

⁴Bɑ wɔnwɔndobu dɑm dɔremɔ bɑ ɡirɑmɔ swɑɑn di. Mɑ sɑ̃ɑrobu bɑ swɑɑ kɑsu bu kuke.

⁵Sɑ̃ɑro be, bɑ yɑɑyɑɑre mɔ̀ ɡbɑburɔ nɡe ɡbeeku kɛtɛku, bɑ dĩɑnu kɑsu bu ben bibu wɛ̃.

⁶Be wee bɑ yɑkɑsu ɡɛ̃ɛmɔ ben yɑɑ sɑbenun sɔ̃, mɑ bɑ dĩɑnu kunɔnu mɔ̀ tɔn kɔ̃son ɡberɔ.

⁷Adɑmɑ bɑ ǹ bekuru mɔ te bɑ koo wukiri wɔ̃kuru purɑn sɔ̃.

⁸Be wee bɑ dɑ bɑ bɑkɑ kpee bɑɑbɑ sɔɔ yèn sɔ̃ bɑ ǹ wɑ̃ɑ yeru mɔ. Miyɑ ɡurɑ bu wɑɑyɑmɔ.

⁹Tɔn kɔ̃so wi, u rɑ ɡobeku mwɛwɑ kɑ dɑm. Kpɑ u sɑ̃ɑron yɑbe tee te u mɔ tɔrubɑ mwɑ.

¹⁰Be wee, bɑ yɔ̃su bɑsi tɔn kɔ̃son kɑrɑ sɔɔ. Bɑ doo bɔkɑ sɔɔwɑ, mɑ ɡɔ̃ɔrɑ bu mɔ̀. Bɑ nùn ɡum kuɑmmɛ, bɑ resɛm ɡɑmɑmɔ. Adɑmɑ bɑ ǹ kɑ̃kɔ bu ye nɔ, bɑɑ mɛ nim nɔru ɡɑ bu mɔ̀.

¹²Wuu mɑrosɔ ɡɑbɑ ɡɔɔ dɔɔ, bɑ wuri mɔ̀. Be bɑ mɛɛrɑ kuɑ bɑ weeweenu mɔ̀. Adɑmɑ Gusunɔ kun yen ɡɑɑ ɡɑrɑ.

¹³Gɑbu bɑ yɑm bururɑm tusɑ. Bɑ ku rɑ n wɑ̃ɑ mɛ sɔɔ. Domi bɑ ǹ yɛ̃ mi mu kɑ bu dɔɔ.

¹⁴Tɔn ɡowo u rɑ sewɑ buru buru yellu kpɑ u sɑ̃ɑrobu ɡo. Wɔ̃kuru kpɑ u ɡbɛni.

¹⁵Yɑm wɔ̃ku bere bererɑ sɑkɑrɑ kowo u rɑ n kɑsu. U rɑ nɛɛwɑ, ɡoo kun nùn wɑsi. Kpɑ u win wuswɑɑ sɔnditiɑ wukiri.

¹⁶Yɑm wɔ̃kuru sɔɔrɑ ɡbɛnɔ u rɑ diɑ kɔsuku. Sɔ̃ɔ sɔɔ, kpɑ u tii kɛnusi win yɛnuɔ. U ǹ yɑm bururɑm yɛ̃.

¹⁷Ben mi, bururu tɑ sɑ̃ɑwɑ nɡe ɡɔɔn tiro. Bɑ rɑ n nɑndewɑ.

¹⁸Adɑmɑ bɛɛ i nɛɛ, tɔn kɔ̃so u sɑ̃ɑ nɡe nim yɑkɑ. Bɑ win tem bɔ̃rusi. U ǹ mɑɑ dɔɔ win resɛm ɡbɑɑrɔ.

¹⁹Nɡe mɛ tem mu rɑ nim nɔ ɡbeburun sɑɑ sɔɔ, nɡe mɛyɑ ɡɔribun wɑ̃ɑ yeru tɑ rɑ durumɡii mwɛ.

²⁰Wi u tɔn kɔ̃so mɑrɑ u rɑ nùn duɑriwɑ. U koo kowɑ kɔkɔnun dĩɑ ɡeenu. Tɔmbu kpurowɑ bɑ koo nùn duɑri. Kpɑ u wɔrumɑ u bɔɔrɑ nɡe dɑ̃ɑ.

²¹Tɔnu win bweseru u rɑ kurɔ wĩron yɑ̃nu ɡurewɑ. U ku rɑ ɡɔmini ɡeɑ ɡɑɑ kue.

²²Adɑmɑ Gusunɔwɑ u dɑm mɔ u kɑ tɔn kɔ̃so ben wɑ̃ɑru yɔ̃rɑsiɑ. Ù n bu wɔri, bɑ ku rɑ n mɑɑ yɛ̃ nɡe bɑ ko n wɑ̃ɑ.

²³Gɑsɔ u rɑ bu yĩiyɔbu wɛ̃, bɑ n kɑ wɑ̃ɑ bɔri yɛndu sɔɔ. Adɑmɑ u rɑ n ben sɑnu sɑnusu mɛɛrɑwɑ.

²⁴Bɑ̀ n kɑ tii yinɑ kpuro, subɑru sɔɔ, bɑ kpɑwɑ. Bɑ rɑ wɔrumɛwɑ mii mii bu ɡbi nɡe tɔn diro. Kpɑ bɑ n sɑ̃ɑ nɡe dobi yi bɑ burɑ.

²⁵Ye nɑ ɡeruɑ mi, ɡeemɑ. Wɑrɑ u koo mɑn siri, kpɑ u nɛɛ, nɛn ɡɑri yi, yi ǹ ɑsɑnsi ɡɑɑ mɔ.