Read bariba Yoobu 31 Bible Online

Yoobu 31 - bariba bible

Yoobu 31

¹Nɑ kɑ nɛn nɔni ɑrukɑwɑni bɔkuɑ nɑ nɛɛ, nɑ ǹ kɑ yi wɔndiɑ mɛɛrimɔ pɑi.

²Ǹ n mɛn nɑ, ɑre yirɑ̀ Gusunɔ Dɑm kpuroɡii u mɑn yiiye wɔllɔ.

³Tɔn kɔ̃sowɑ u rɑ kɑm ko, kpɑ durumɡii u nɔni sɔ̃ɔrɑ.

⁴Gusunɔ u nɛn swɑɑ yɛ̃. U nɛn sɑnu sɑnusu mɛɛrimɔ.

⁵Gusunɔ u mɑn yĩruo kɑ kilo ye yɑ sɑ̃ɑ dee dee. Kpɑ u wɑ mɑ nɑ dɛɛre, nɑ ǹ wɑ̃ɑ weesu kɑ tɑki sɔɔ.

⁷Nɛn sɑnu sɑnusu sù kun sɑ̃ɑ dee dee, ǹ kun mɛ nɛn ɡɔ̃ru ɡɑ̀ n kɔ̃sɑ binɛ kuɑ ye nɛn nɔni yi wɑ, ǹ kun mɛ durum ɡɑɑ yɑ̀ n mɑn wɑ̃ɑsi,

⁸Gusunɔ u de ye nɑ duurɑ, ɡoo u ye tubi di u ɡɛ̃, kpɑ nɛn dɑ̃ɑ ɡbɑɑru tu kɑm ko.

⁹Nɑ̀ n mɑɑ kurɔ ɡoo binɛ kuɑ, ǹ kun mɛ nɑ̀ n nùn yinɑ bɛriɑ win dii kɔnnɔwɔ,

¹⁰Gusunɔ u de nɛn kurɔ u durɔ ɡoo doo kuɑ, kpɑ ɡɑbu bu kɑ nùn kpunɑ.

¹¹Nɑ̀ n kɔ̃sɑ yen bweseru kuɑ yɑ koo mɑn kɑm koosiɑ kɑ nɛn ɑrumɑni sɑnnu nɡe dɔ̃ɔ. Domi n weenɛ siri kowo u yen bweseru sɛɛyɑsiɑ.

¹³Nɑ̀ n yinɑ n nɛn sɔm kowobu ben kɔsiɑru wɛ̃,

¹⁴mbɑ kon kpĩ n ɡere Gusunɔn wuswɑɑɔ. Nɡe mbɑ kon nùn sɔ̃ ù n mɑn sɛɛyɑsiɑmɔ.

¹⁵Gusunɔ wi u mɑn tɑkɑ kuɑ nɛn mɛron nukurɔ, wiyɑ u mɑɑ bu tɑkɑ kuɑ. Gusunɔ turo wiyɑ u bɛsɛ kpuro mɔmɑ bɛsɛn bɑɑwuren mɛron nukurɔ.

¹⁶Nɑ ǹ sɑ̃ɑrobu yinɑri ye bɑ mɑn bikiɑ. Nɑ ǹ mɑɑ ɡɔminibu derire nɔni swɑ̃ɑru sɔɔ.

¹⁷Nɑ ǹ ɡobeku dĩɑnu birɑre nɛn yɛnuɔ.

¹⁸Domi sɑɑ nɛn ɑluwɑɑsirun di, nɑ rɑ ɡobekubɑ nɔɔriwɑ nɡe nɛnɑ nɑ ben tundo, kpɑ nɑ n ɡɔminibu nɛni.

¹⁹Nɑ̀ n wɔnwɔndo ɡoo wɑ u yɑ̃nun bukɑtɑ mɔ,

²⁰nɑ rɑ nùn yɑ̃nu kɛ̃wɑ ni nɑ kuɑ kɑ nɛn yɑɑ sɑbenun sɑnsu u kɑ wooru yɑri.

²¹Nɑ ǹ ɡobeku ɡoo tɑki diire yèn sɔ̃ nɑ siri kowo ɡoo tɑ̃sɑ.

²²Nɑ̀ n yeni kpuron ɡɑɑ koore, Gusunɔ u de nɛn senu nu sɔsikiɑrɑ sɑɑ nin ɡbin ɡbinkɑn di, kpɑ nɛn ɡɑ̃senu nu wɔrumɑ nu bɔɔkirɑ.

²³Domi Gusunɔn sɛɛyɑsiɑbu bu mɑn bɛrum mɔ̀. Nɑ ǹ mɑɑ kpɛ̃ n yɔ̃rɑ win wuswɑɑɔ win kpɑ̃ɑrun sɔ̃.

²⁴Nɑ ǹ nɛn nɑɑnɛ dokere wurɑ sɔɔ, n ɡere n nɛɛ, wurɑ, ɑ sɑ̃ɑwɑ nɛn yĩiyɔbu.

²⁵Nɑ ǹ mɑɑ tii suɑre nɛn dukiɑn kpɑ̃ɑrun sɔ̃.

²⁶Nɑ ǹ suru ǹ kun mɛ sɔ̃ɔ sɑ̃ɑre, yen ɡɑɑ yɑ̀ n yɑrɑ.

²⁷Nɛn ɡɔ̃ru ɡɑ ǹ wurɑre ben mi ɡiɑ ɑsiri sɔɔ. Nɑ ǹ mɑɑ nɔmu dokere nɔɔwɔ n kɑ bu bɛɛrɛ wɛ̃.

²⁸Nɑ̀ n yen ɡɑɑ koore, n weenɛ siri kowobu bu mɑn sɛɛyɑsiɑ. Domi nɑ Gusunɔ Dɑm kpuroɡii yinɑwɑ mi.

²⁹Nɑ ku rɑ nuku dobu ko nɛn yibɛrɛ ù n nɔni sɔ̃ɔre. Nɑ ku rɑ yɛ̃ɛri wɑhɑlɑ yɑ̀ n nùn deemɑ.

³⁰Nɑ ǹ mɑm torɑre n win ɡɔɔ kɑnɑ kɑ bɔ̃ri.

³¹Nɛn yɛnuɡibu bɑ yɛ̃ mɑ nɑ rɑ sɔbu dɑm koosie, kpɑ bu di bu debu nɛn yɛnuɔ.

³²Nɑ ku rɑ wure sɔɔ u kpunɑ tɔɔwɔ ù n tunumɑ. Nɑ rɑ nùn nɛn ɡɑmbobɑ kɛniɛwɑ u du.

³³Nɑ ku rɑ nɛn torɑnu bere nɡe tɔn be bɑ tie. Nɑ ku rɑ mɑɑ nɛn durum tii mɑrisi.

³⁴Nɑ ku rɑ n tɔmbun ɡeren bɛrum mɔ. Nɑ ku rɑ tii ɡɔwe n nɛɛ, bɑ mɑn ɡɛmɑ.

³⁵Nɛn ɡɑri dɑ̃ɑki wee. Mɑnɑ kon ɡoo wɑ u mɑn swɑɑ dɑki. Dɑm kpuroɡii u mɑn wisio. Nɛn yibɛrɛ ù n dɑɑ nɛn torɑnu yoruɑ tireru sɔɔ,

³⁶kon tu sɔndiwɑ nɛn senɔ, kpɑ nɑ n tu doke nɡe sinɑ furɔ.

³⁷Kon Gusunɔ susiwɑ nɡe sinɑ boko, kpɑ n nùn sɔ̃ ye nɑ kuɑ kpuro.

³⁸Nɛn ɡberu tɑ̀ n mɑn wuri koosi, mɑ ten kpĩi yi nɔni yĩresu yɑrimɔ,

³⁹ǹ kun mɛ, nɑ̀ n ten dĩɑnu di nɑ ǹ ɡɑ̃ɑnu kɔsie, mɑ nɑ be bɑ rɑɑ tu mɔ nuki sɑnkɑ,

⁴⁰tu sɑ̃ki kɑ yɑkɑ kɔ̃susu kpiiyo dĩɑnun ɑyerɔ. Yoobun ɡɑrin kpurowɑ mi.