Read bariba Yoobu 33 Bible Online

Yoobu 33 - bariba bible

Yoobu 33

¹Elihu u nɛɛ, tɛ̃, Yoobu ɑ swɑɑ dɑkio ɑ nɛn ɡɑri kpuro nɔ.

²Wee kon nɔɔ wukiɑ n ɡɑri ɡere.

³Geeyɑ kon nun sɔ̃, n ǹ kɑ murɑfitiru.

⁴Gusunɔ Dɑm kpuroɡiin Hundewɑ u mɑn tɑkɑ kuɑ. Mɑ u mɑn wɑ̃ɑru wɛ̃.

⁵A sɔɔru koowo mɛ kɑɑ kɑ tii yinɑ, kpɑ ɑ mɑn wisi ɑ̀ n kɑɑ kpĩ.

⁶Nɛ kɑ wunɛ sɑ sɑ̃ɑwɑ tiɑ Gusunɔn wuswɑɑɔ. Domi temɑ u kɑ bɛsɛ kpuro mɔmɑ.

⁷Ǹ n mɛn nɑ, ɑ ku nɛn bɛrum ko, kpɑ ɑ n tɑmɑɑ nɑ kĩ n nun nɛn yiiko sɔ̃ɔsiwɑ.

⁸Adɑmɑ nɑ yɑɑye ye ɑ mɑn sɔ̃ɔwɑ. A nɛɛ,

⁹ɑ dɛɛrewɑ mɑm mɑm ɑ ǹ durum mɔ. Tɑɑrɛ ɡɑɑ mɑɑ sɑri wunɛ sɔɔ.

¹⁰Mɑ ɑ nɛɛ, kɑ mɛ, Gusunɔ u wunɛn torɑnu wɑɑmɔ. Mɑ u nun ɡɑrisi win yibɛrɛ.

¹¹U ǹ derimɔ ɑ dɑ mi ɑ kĩ. Mɑ u wunɛn kookoosu kpuro lɑɑkɑri sɑ̃ɑ.

¹²Adɑmɑ nɛ, nɑ nun sɔ̃ɔmɔ mɑ ɑ ǹ ɡem mɔ ɡɑri yi sɔɔ Yoobu. Domi Gusunɔ u tɔnu kere.

¹³Mbɑn sɔ̃nɑ ɑ kɑ nùn tɑɑrɛ wɛ̃ɛmɔ ɑ mɔ̀, u ku rɑ tɔnu wisi.

¹⁴Gusunɔ u rɑ kɑ tɔnu ɡɑri kowɑ kɑ swɑɑ dɑbinu, ɑdɑmɑ tɔnu u ku rɑ ye lɑɑkɑri ko.

¹⁵Gɑsɔ u rɑ kɑ nùn ɡɑri ko dosu sɔɔ wɔ̃kuru, ǹ kun mɛ kɑ̃siru sɔɔ sɑnɑm mɛ u kpĩ win kpin yerɔ u dò.

¹⁶Miyɑ u rɑ nùn kure u kɑ nùn kirɔ ko.

¹⁷Kpɑ u nùn ɡbɑrɑ kɔ̃sɑn di. Kpɑ u mɑɑ nùn yɑrɑ tii suɑbun di.

¹⁸Nɡe mɛyɑ u rɑ kɑ nùn yɑre ɡɔɔn yirɑn di, kpɑ u kun mɑɑ ɡu.

¹⁹Gɑsɔ, u rɑ mɑɑ nùn sɛɛyɑsie kɑ wɑhɑlɑ, u de bɑrɑru ɡɑru tu nùn kpĩ, win wɑsi yi n diirimɔ,

²⁰kpɑ u kun mɑɑ dĩɑnun mɛm kĩ, bɑɑ kɑ ni u rɑ n kĩru bo.

²¹Kpɑ u woorɑ, win kukunu nu terɑ.

²²Kpɑ ɑ deemɑ u ɡɔɔ turuku kuɑ.

²³Gɑsɔ Gusunɔn ɡɔrɑdobɑ nɔrɔbu (1.000) sɔɔ, turo u koo se u dɑ u nùn somi, kpɑ u nùn swɑɑ ɡeɑ sɔ̃ɔsi ye n weenɛ u swĩi.

²⁴Sɑɑ ye sɔɔ, u koo tɔnu win wɔnwɔndu wɑ kpɑ u nɛɛ, u nùn fɑɑbɑ koowo, kpɑ u ku rɑɑ ɡbi. Domi u swɑɑ wɑ ye u koo kɑ nùn yɑkiɑ.

²⁵Kpɑ win wɑsi yi wurɑmɑ yi ko nɡe sɑnɑm mɛ u sɑ̃ɑ ɑluwɑɑsi.

²⁶Ù n Gusunɔ kɑnɑ, u koo win kɑnɑru mwɑ. Kpɑ u Gusunɔ sɑ̃ kɑ nuku dobu, yèn sɔ̃ u nùn win wɑ̃ɑru wesiɑ.

²⁷Kpɑ u womu ko tɔmbun wuswɑɑɔ u nɛɛ, u durum kuɑ, u ɡem yinɑ. Adɑmɑ Gusunɔ kun nùn yen sɛɛyɑsiɑbu kue.

²⁸U win hunde wɔrɑ, u ǹ due siki wɔruɔ. Mɑ u yɑm bururɑm wɑɑmɔ.

²⁹Yeni kpuron diyɑ Gusunɔ u rɑ kɑ tɔnu ɡɑri ko nɔn dɑbi dɑbinu,

³⁰u kɑ nùn ɡɔɔ ɡbɑrɑ, kpɑ u de u n wɑ̃ɑ wɑ̃ɑru sɔɔ.

³¹Tɛ̃, ɑ mɑn swɑɑ dɑkio, Yoobu. A den mɑrio mɛ, kpɑ n mɑɑ ɡɑri ɡere.

³²À n ɡɑri ɡɛɛ mɔ ɑ kɑ mɑn wisi, ɑ mɑn wisio. Domi nɛn kĩrɑ n kɑ nun ɡem wɛ̃.

³³À kun mɑɑ ɡɛɛ mɔ ɑ ɡere, ɑ mɑn swɑɑ dɑkio. A mɑrio, kpɑ n nun bwisi kɛ̃.