Read bariba Yoobu 35 Bible Online

Yoobu 35 - bariba bible

Yoobu 35

¹Elihu u mɑɑ ɡeruɑ u nɛɛ,

²Yoobu, sɑnɑm mɛ ɑ Gusunɔ sɔ̃ɔwɑ ɑ nɛɛ, bɑɑ ɑ̀ n dɛɛre, ɑ ǹ ɡɑ̃ɑnu wɑsi, ɑ̀ kun mɑɑ durum kue mbɑ yen ɑrufɑɑni, ɑ tɑmɑɑ yeni yɑ sɑ̃ɑ dee dee? A tɑmɑɑ ɑ ɡem mɔ Gusunɔn wuswɑɑɔ?

⁴Nɛnɑ kon bɛɛ wisi wunɛ kɑ wunɛn bɔrɔ be.

⁵A wɔllu mɛɛrio, kpɑ ɑ ɡuru winu lɑɑkɑri ko nɡe mɛ nu tomɑ.

⁶À n durum kuɑ, tɑɑrɛ yerɑ̀ ɑ Gusunɔ kuɑ. À n mɑɑ wunɛn durum sosimɔ, mbɑ yɑ nùn kuɑmmɛ.

⁷À n ɡeɑ mɔ̀, ɑrufɑɑni yerɑ̀ yɑ kɑ nùn nɑɑwɑmmɛ. Mbɑ u wɑɑmɔ wunɛn nɔmɑn di.

⁸A n yɛ̃ mɑ wunɛn berusewɑ wunɛn nuku kɔ̃suru tɑ koo nɔni sɔ̃. À n mɑɑ ɡeɑ mɔ̀, tɔnuwɑ u koo yen ɑrufɑɑni di.

⁹Bɑ̀ n tɔmbu dɑm dɔremɔ bɑ rɑ n weeweenu mɔ̀wɑ, kpɑ bɑ n somiru kɑsu.

¹⁰Adɑmɑ bɑɑ ben turo kun bikiɑmɔ u nɛɛ, mɑnɑ Gusunɔ u wɑ̃ɑ wi u nùn tɑkɑ kuɑ, wi, wi u rɑ de wɔnwɔndobu bɑ n nuku dobun womusu mɔ̀ wɔ̃kuru.

¹¹Wiyɑ u rɑ mɑɑ tɔmbu bwisi kɛ̃ n kere yɛɛɡii kɑ ɡunɔsuɡii.

¹²Bɑ̀ n somiru kɑnɑ Gusunɔ u ku rɑ wure, yèn sɔ̃ bɑ tii sue mɑ bɑ sɑ̃ɑ tɔn kɔ̃sobu.

¹³Bɑ ko n kuuki mɔ̀, ɑdɑmɑ kɑm sɔɔrɑ mi. Domi Yinni Gusunɔ Dɑm kpuroɡii u ǹ nɔɔmɔ u sere ben lɑɑkɑri ko.

¹⁴Yoobu, bɑɑ mɛ ɑ ɡeruɑ ɑ nɛɛ, ɑ ǹ Gusunɔ wɑɑmɔ, ɑ n yɛ̃ mɑ u wunɛn lɑɑkɑri mɔ̀. Ǹ n mɛn nɑ, ɑ tɛmɑnɔ ɑ nùn swɑɑ dɑki.

¹⁵Yèn sɔ̃ Gusunɔ u ǹ tɔmbu sɛɛyɑsiɑmɔ tɛ̃, yen sɔ̃nɑ ɑ tɑmɑɑ u ǹ durum ɡɑrisi ɡɑ̃ɑnu?

¹⁶Ǹ n mɛn nɑ, wunɛn ɡɑri yi ɑ ɡeruɑ kpuro yi sɑ̃ɑwɑ nɡe wom dirum. Yi ǹ mɑɑ ɑsɑnsi mɔ.