Read bariba Yoobu 36 Bible Online

Yoobu 36 - bariba bible

Yoobu 36

¹Mɑ Elihu u kpɑm ɡeruɑ u nɛɛ,

²ɑ yɔ̃ro fiiko, ɡɑri ɡɛɛ mɑɑ tie yi kon Gusunɔ ɡeruɑ.

³Kon nɛn yɛ̃ɛ bɑkɑru dendi n kɑ sɔ̃ɔsi mɑ nɛn Tɑkɑ kowo u ɡem mɔ.

⁴A nɑɑnɛ koowo mɑ nɛn ɡɑri kun sɑ̃ɑ weesu. Nɑ yɛ̃ sɑ̃ɑ sɑ̃ɑ ye nɑ ɡerumɔ.

⁵Gusunɔ u sɑ̃ɑwɑ Dɑm kpuroɡii. U ku rɑ mɑɑ ɡoo ɡɛm. U dɑm mɔ kpuron wɔllɔ. U ku rɑ win ɡere kɔsi.

⁶U ku rɑ de tɔn kɔ̃sobu bɑ n wɑ̃ɑ. Adɑmɑ u rɑ wɔnwɔndobu siriewɑ dee dee.

⁷U ku rɑ ɡemɡibu deri. U rɑ bu swĩiwɑ nɡe sinɑmbu kpɑ bɑ n bɛɛrɛ mɔ sere kɑ bɑɑdommɑɔ.

⁸Adɑmɑ be bɑ bɔkuɑ kɑ yɔni, bɑ wɑhɑlɑ mɔ̀ ye bɑ kuɑn sɔ̃,

⁹Gusunɔ u rɑ bu sɔ̃ɔsi mɑ bɑ dɑɑ kɔ̃sɑ kuɑ, mɑ bɑ tii sue,

¹⁰kpɑ u bu kirɔ ko bu kɑ win ɡɑri nɔ, kpɑ bu wɑ bu dɑɑ kɔ̃sɑ dukɑ suuri.

¹¹Bɑ̀ n ɡɑri yi mɛm nɔɔwɑ, mɑ bɑ tii wɛ̃, bɑ koo ben wɑ̃ɑru diwɑ bɔri yɛndu sɔɔ, kɑ nuku dobu sɔɔ sere kɑ ben ɡɔɔn tɔ̃rɔ.

¹²Adɑmɑ bɑ̀ kun yi mɛm nɔɔwɛ, bɑ koo bu ɡowɑ subɑru sɔɔ kɑ tɑkobi.

¹³Tɔn kɔ̃sobu bɑ rɑ kɑ Gusunɔ mɔru sewɑ. Ù n bu bɔkuɑ kɑ yɔni, bɑ ku rɑ nùn suuru kɑnɛ.

¹⁴Bɑ koo ɡbiwɑ sɛkum ɑluwɑɑsiru sɔɔ, kpɑ bu ko tiɑ kɑ dɑɑ bɛrɛtɛkɛɡibu.

¹⁵Adɑmɑ Yinni Gusunɔ u rɑ wɔnwɔndo fɑɑbɑ kowɑ ù n wɑ̃ɑ nɔni swɑ̃ɑru sɔɔ, kpɑ u nùn kirɔ ko kɑ wɑhɑlɑ ye.

¹⁶Yoobu, mɛyɑ u koo nun yɑrɑ wɑhɑlɑn di, kpɑ u de ɑ n bɔri yɛndu mɔ tɑ n kpɑ̃. Kpɑ u mɑɑ de ɑ n dĩɑ ɡeenu yibɑ ɑ n dimɔ.

¹⁷Adɑmɑ tɛ̃, ɑ̀ n kɑ tii yinɑmɔ, n ǹ mɑɑ koorɔ ɑ yɑri sɛɛyɑsiɑ bin min di.

¹⁸A ku de mɔru yu nun ɡɑwɑ ɑ kɑ kɔ̃sɑ ko. A kun mɑɑ tɑmɑɑ kɑɑ Gusunɔ kɛ̃ru ɡɑru wɛ̃wɑ kpɑ u ku kɑ nun sɛɛyɑsiɑ.

¹⁹Wunɛn wurɑ, ǹ kun mɛ wunɛn ɑrumɑni ɡɑɑ, ǹ kun mɛ wunɛn dɑm, yen ɡɑɑ kun kpɛ̃ yu nun yɑrɑ nɔni swɑ̃ɑ ten di.

²⁰A ku wɔ̃ku te kĩɑ tè sɔɔ bɑ koo tɔmbu ɡo.

²¹A n tii sɛ kpɑ ɑ ku rɑ kɔ̃sɑ ko. Domi wɑhɑlɑ ye, yɑ nun deemɑwɑ kpɑ ɑ wɑ ɑ kɑ kɔ̃sɑ dukɑ suuri.

²²Yinni Gusunɔ u kpɑ̃ win dɑm sɑɑbu. Wɑrɑ u koo kpĩ u keu sɔ̃ɔsi nɡe wi.

²³Wɑrɑ u rɑ nùn woodɑ wɛ̃ ye u koo swĩi. Wɑrɑ u koo kɑ̃ku u nɛɛ, kɔ̃sɑ u mɔ̀.

²⁴A ku duɑri ɑ win sɔmɑ wɔlle suɑ, yè tɔmbu kpuro bɑ siɑrɑ kɑ womusu.

²⁵Tɔmbu bɑ ye wɑɑmɔ bɑɑ yɑ̀ n tomɑ.

²⁶Gusunɔ u kpɑ̃ sere ɡoo kun kpɛ̃ u win kpɑ̃ɑ ten ɑsɑnsi ɡere. Mɛyɑ mɑɑ win wɑ̃ɑrun wɔ̃ɔ ɡɑ ǹ ɡɑrirɔ.

²⁷U rɑ nim buri yi yi seemɔ bɑɑmɑn di mɛnnɛwɑ, kpɑ u yi ɡɔsiɑ ɡuru winu.

²⁸Kpɑ ɡuru wii ni, nu de ɡurɑ yu nɛ, yu tɔn wɔru so.

²⁹Wɑrɑ yɛ̃ nɡe mɛ ɡuru winu nu kɑ sĩisinɑmɔ. Wɑrɑ yɛ̃ nɡe mɛ ɡurɑ rɑ kɑ ɡbɑ̃re.

³⁰Yoobu, ɑ yɛ̃ mɑ Gusunɔwɑ u ɡuru mɑɑkinu kuɑ nu kɑ nùn sikerenɛ. Mɑ yɑm wɔ̃kurɑ wɑ̃ɑ nim wɔ̃kun sɔɔwɔ.

³¹Kɑ yebɑrɑ u rɑ kɑ tɔmbu siri. Kpɑ u mɑɑ kɑ bu dĩɑnu wɛ̃ nu n kpɑ̃.

³²U ɡuru ɡbɛ̃ɛ nɛni win nɔmɑɔ, mɑ u yi sɔ̃ɔsimɔ mi yi koo wɔri.

³³Guru ɡbɑ̃sukunu nu sɔ̃ɔsimɔ mɑ u wɑ̃ɑ. Mɛyɑ yɑɑ sɑbenu nu mɑɑ yɛ̃ mɑ u wɑ̃ɑ turuku.