Read bariba Yoobu 41 Bible Online

Yoobu 41 - bariba bible

Yoobu 41

¹À n ɡu mɑrɑ, ɑ rɑ nuki sɑnkirewɑ. Gɑ̀ n mɑɑ yɑrimɑ, ɑ rɑ bɛrum soorewɑ, kpɑ ɑ wɔrumɑ ɑ̀ n ɡu wɑ.

²Goo sɑri wi u koo ɡɑri bɑkɑru ko u ɡen mɔru seeyɑ. Ǹ n mɛn nɑ, wɑrɑ u koo yɔ̃rɑ u nɛ, Yinni Gusunɔ mɑ.

³Wɑrɑn dibɑ nɑ nɛni, kon bu kɔsiɑ. Domi ye yɑ wɑ̃ɑ hɑnduniɑ kpuro sɔɔ yɑ sɑ̃ɑwɑ nɛɡiɑ.

⁴Wee nɑ mɑɑ kĩ n wure n kɑrɑku ɡen wɑsin kɑ̃ɑsi, kɑ ɡen dɑm ɡɑri ko, kɑ sere mɑɑ ɡen wɑsin burɑm.

⁵Wɑrɑ u koo kpĩ u ɡen ɡɔnɑ potɑ. Wɑrɑ u koo kpĩ u du ɡen bɑɑ sɑburosun bɑɑ sɔɔ.

⁶Wɑrɑ u koo kpĩ u ɡen nɔɔ bɑɑyɑ. Domi ɡen donnu nu bɛrum mɔ.

⁷Gen birun koko wɔrukisu su sɑ̃ɑwɑ nɡe tɛrɛnu. Mɑ su swɛɛnɛ mɑm mɑm.

⁸Su mɑninɛ, bɑɑ woo ɡɑ ku rɑ kpĩ ɡu mɑm kurɑ min di.

⁹Su sɑ̃ɑwɑ nɡe mɑɑbu kɑ wɔnɔ be bɑ wɑ̃ɑ bɑ bɔkɑsinɛ bɑɑtum. Gɑ̃ɑnu sɑri ni nu koo su kɑrɑnɑ.

¹⁰Gɑ̀ n sũɑ n dɑ n sɑ̃ɑwɑ nɡe dɔ̃ɔ buriyɑ yi yɑrimɔ, kpɑ ɡen nɔni yi n sɑ̃ɑ nɡe buruku sɔ̃ɔ yɑnɑ.

¹¹N dɑ n sɑ̃ɑwɑ nɡe dɔ̃ɔ yɑri kɑ dɔ̃ɔ buriyɑ yi yɑrimɔ ɡen nɔɔn di.

¹²Kpɑ n sɑ̃ɑre wiisu yɑrimɔ ɡen wɛ̃run di nɡe weke te tɑ ɡbisimɔ dɔ̃ɔ boko sɔɔ.

¹³Gen wɛ̃siɑru tɑ rɑ n sɑ̃ɑwɑ nɡe bɑ dɔ̃ɔ yɑbiɑmɔ, kpɑ dɔ̃ɔ yɑrɑ yɑ n yɑrimɔ sɑɑ ɡen nɔɔn di.

¹⁴Gen dɑm wɑ̃ɑwɑ ɡen wĩirɔ. Be bɑ kɑ ɡu yinnɑ kpuro bɑ rɑ n bɛrum soore.

¹⁵Gen ɡɔnɑ yɑ tɑu. Gen wɑsin yɑɑ bɑɑsi yɑ mɑɑ sɛ̃kenɛwɑ sim sim. Yɑ ǹ kɑrɑnɑmɔ.

¹⁶Gen woo sɔndu tɑ bɔɔbuwɑ nɡe nɛɛ mɛro.

¹⁷Gɑ̀ n seewɑ be bɑ dɑm bo, bɑ rɑ nɑndewɑ, kpɑ bu yɑrinɑ.

¹⁸Bɑ̀ n mɑɑ ɡu wɔri kɑ tɑkobi, ǹ kun mɛ kɑ yɑɑsi kɑ sɛ̃ɛnu, ye kpuro yɑ rɑ kowɑ kɑm.

¹⁹Gɑ rɑ sisu ɡɑrisiwɑ nɡe yɑkɑsu. Sii ɡɑndu mɑɑ nɡe dɑ̃ɑ te tɑ kɔ̃sɑ.

²⁰Bɑ̀ n ɡe tobɑ, ɡɑ ku rɑ dukɑ yɑkure. Kpurɑntɛɛrun kperɑ rɑ n sɑ̃ɑwɑ nɡe yɑkɑsu ɡen mi.

²¹Gɑ rɑ mɑɑ bokuru ɡɑrisiwɑ nɡe kɑbɑru. Bɑ̀ n ɡu yɑɑsɑ kɔ̃ɔwɑ ɡɑ rɑ n ye yɛ̃ɛmɔwɑ.

²²Gen nukurun temɔ, ɡen ɡɔnɑn kokosu sɑ̃ɑwɑ nɡe sɛ̃ɛnu. Su sɑ̃ɑwɑ nɡe nɑɑ tebo ɡe bɑ rɑ kɑ tem kusɑnu kɔsuku.

²³Gɑ rɑ de nim wɔ̃kun nim mu n bweebweenu mɔ̀ nɡe weke tèn nim bɑ swɛ̃, kpɑ mu n yɑkenu mɔ̀ nɡe turɑre ye bɑ yɔwɑ.

²⁴Mi ɡɑ sɑrɑ kpuro ɡen yirɑ yɑ rɑ sɔ̃ɔsirewɑ. Domi nim mu rɑ burisinɛwɑ mu ɡɔsiɑ nɡe seri kpiki.

²⁵Hɑnduniɑ yeni sɔɔ, ɡɑ̃ɑnu sɑri ni nu sɑ̃ɑ ɡen yinni. Gɑ ku rɑ n ɡɑ̃ɑnun bɛrum mɔ.

²⁶Gɑ rɑ yɛɛ kpuro tɑɑrewɑ bɑɑ yì n kpɑ̃. Gɑ sɑ̃ɑwɑ yɛɛ ɡɔbi kpuron sunɔ.