Read bariba Yoobu 6 Bible Online

Yoobu 6 - bariba bible

Yoobu 6

¹Yoobu u Elifɑsi wisɑ u nɛɛ,

²bɑ̀ n nɛn nɔni swɑ̃ɑru kɑ nɛn wɑhɑlɑ kpuro kilo sɔndi,

³yɑ ko n nim wɔ̃kun yɑni sɛɛri bunum kere. Yen sɔ̃nɑ nɑ ɡɑri mɔ̀ nɡe wiiro.

⁴Domi Dɑm kpuroɡii u mɑn yɑburɑ kɑ sɛ̃ɛnu. Mɑ nin dɛ̃ɛ nɛn wɑsi duuri. Mɑ u mɑn ɡɑ̃ɑ nɑnumɡinu kpɑre nɡe tɑbu kowo.

⁵Kɛtɛku ɡbeeku ɡɑ rɑ swĩ ɡɑ̀ n yɑkɑ bekusu wɑ ɡɑ dimɔ? Kɛtɛ yɑ rɑ swĩ yɑ̀ n yɑkɑsu wɑ yɑ dimɔ?

⁶Bɑ koo kpĩ bu dĩɑnu di ni nu mɑɑri sɔ̃ɔ sɔ̃ɔ nu ǹ bɔru mɔ? Goo sɛ̃ɛrun kpikum mu rɑ n do?

⁷Nɑ ku rɑ dĩɑ nin bweseru kɑ̃. Nɡe mɛyɑ nɑ wɑhɑlɑ ye nɑ mɔ̀ mini tusɑ.

⁸Gusunɔ u nɛn kɑnɑru mɔɔ, kpɑ u mɑn kuɑ ye nɛn ɡɔ̃ru ɡɑ kĩ.

⁹U den win nɔmu dɛmiɔ u mɑn mwɑ, u munku u dɑkurɑ.

¹⁰Sɑɑ ye sɔɔrɑ kon nuku dobu ko nɛn wɑhɑlɑ bɑkɑ yeni sɔɔ. Kpɑ nɛn nukuru tu yɛmiɑ. Nɑ yɛ̃ mɑ Yinni Gusunɔ u dɛɛre, nɑ ǹ mɑɑ win woodɑ ɡɑɑ yinɛ.

¹¹Mbɑ ko nɑ n mɑɑ yĩiyɔ sɑnɑm mɛ nɑ ǹ dɑm mɔ. Mbɑ nɑ mɑɑ mɑrɑ, domi nɑ yɛ̃ mɑ nɑ ɡuwɑ mi kɔ.

¹²Nɑ dɑm mɔwɑ nɡe kperu? Nɛn wɑsi yi sɑ̃ɑwɑ nɡe sii ɡɑndu?

¹³Aɑwo, nɑ sɑ̃ɑwɑ dɑm sɑriruɡii. Goo mɑɑ sɑri wi u koo mɑn fɑɑbɑ ko.

¹⁴N weenɛwɑ wi u nɔni sɔ̃ɔre u durom wɑ win bɔrɔn mi, bɑɑ u kun Dɑm kpuroɡii nɑsie.

¹⁵Adɑmɑ wee, bɛɛ nɛn bɔrɔbɑ i mɑn nuki sɑnkɑ nɡe dɑɑ te tɑ nim ɡberɑ.

¹⁶Purɑn sɑɑ, kpɑ tɑ n nim yibumɔ bɑɑmɑn di mɛ mu dɛɛre.

¹⁷Yɑm susurun sɑɑ, kpɑ sɔ̃ɔ u tu ɡberɑsiɑ.

¹⁸Nim nɔru ɡɑ̀ n tenkubɑ mɔ̀, be bɑ wee sɑɑ Temɑ kɑ Sɑbɑn di, yerɑ bɑ rɑ ɡɛre mi. Domi bɑ tu nɑɑnɛ sɑ̃ɑ. Adɑmɑ bɑ̀ n turɑ mi, ben ɡɔmɑ rɑ dwiiyewɑ, kpɑ bu yɑɑyɑɑre ko bu kɔ̃ɔrɑ, bu ɡbi ɡbɑburɔ.

²¹I sɑ̃ɑwɑ nɡe dɑɑ te. I nɛn weeweenu nɔɔmɔ, mɑ i bɛrum soore.

²²Nɑ bɛɛ bikiɑre n nɛɛ, i mɑn kɛ̃ru kɛ̃ɛmɑ bɛɛn ɑrumɑnin di,

²³n wɑ n kɑ yɑri yibɛrɛn nɔmun di? N kun mɛ i kɑ mɑn yɑkiɑ tɔn kɔ̃so ɡoon nɔmɑn di?

²⁴I mɑn sɔ̃ɔsio mi nɑ torɑ, kpɑ n mɑri.

²⁵Tɔnu u koo ɡem wurɑ. Adɑmɑ ye i mɑn ɡerusimɔ mi, mɑnɑ yen ɑsɑnsi wɑ̃ɑ.

²⁶I kĩwɑ i nɛn ɡɑri ɡɔburu wɑ, i yi mɛɛri kɑm, kpɑ i mɑn tɑɑrɛ wɛ̃, nɛ wi nɑ ǹ mɑɑ ɡɑ̃ɑnu yĩiyɔ?

²⁷Bɛɛ, i ko kpĩ i ɡobeku tɛtɛ toosi, kpɑ i mɑm bɛɛn bɔrɔ dɔrɑ.

²⁸Tɛ̃, nɑ bɛɛ kɑnɑmɔ, i mɑn mɛɛrimɑ. Kon bɛɛ weesu kuɑwɑ bɑtumɑ sɔɔ?

²⁹I suuru koowo, i de i kun sɑ̃ɑ murɑfitibɑ fɑ! I de i nɛn dɛɛrɑru wɑ.

³⁰Gɑri kɔ̃si yi rɑ n wɑ̃ɑ nɛn nɔɔwɔ? I tɑmɑɑ nɑ ku rɑ ɡeɑ kɑ kɔ̃sɑ wunɑnɛ?