Read bariba Yoobu 7 Bible Online

Yoobu 7 - bariba bible

Yoobu 7

¹Hɑnduniɑ yeni sɔɔ, tɔnun wɑ̃ɑrɑ sɛ̃wɑ nɡe tɑbu kowo, ǹ kun mɛ nɡe wi u sɔm sɛ̃sɔɡinu mɔ̀,

²ǹ kun mɛ nɡe yoo wi u wɑ̃ɑ sɔ̃ɔ sɔɔ u sɑɑru kɑsu u wɛ̃rɑ, ǹ kun mɛ nɡe sɔm kowo wi u mɑrɑ bu nùn kɔsiɑ.

³Nɡe mɛyɑ nɛn tii nɑ sɑ̃ɑ. Suru dɑbinu nɑ wɑ̃ɑ nɔni swɑ̃ɑru sɔɔ. Wɔ̃ku dɑbinɑ nɑ rɑ n wɑ̃ɑ wɑhɑlɑ sɔɔ.

⁴Nɑ̀ n kpunɑ nɑ rɑ tii bikiewɑ n nɛɛ, dommɑ kon se. Dommɑ wɔ̃kurɑ koo kpe. Domi nɑ wɑsirɑ nɑ n kɑ sunɑmɔ sere yɑm mu kɑ sɑ̃rɑ.

⁵Wee nɛn wɑsi kɔ̃simɔ, yi kɔkɔnu mɔ̀, mɑ yin kokosu wɔbirirɑmɔ. Mɛyɑ nɛn ɡɔnɑ yɑ booboosu mɔ si su numu.

⁶Nɛn wɛ̃siɑru tɑ weson kɔkɔrɔru sɑ̃ɑbu kere. Nɑ ǹ yĩiyɔbu mɔ, Yinni Gusunɔ.

⁷A yɑɑyo mɑ nɛn wɑ̃ɑrɑ sɑ̃ɑwɑ wɛ̃siɑ teeru. Nɛn nɔni kun mɑɑ durom wɑsi.

⁸Wunɛ wi ɑ mɑn mɛɛrɑ, ɑ ǹ mɑɑ mɑn wɑsi. À n mɑn kɑsu, nɑ ǹ ko nɑ n mɑɑ wɑ̃ɑ mi.

⁹Nɡe mɛ kɑkoru tɑ rɑ yɑrinɛ tu doonɑ, nɡe mɛyɑ tɔnu ù n ɡu, u ǹ mɑɑ seemɔ ɡɔribun wɑ̃ɑ yerun di.

¹⁰U ǹ mɑɑ wee u sinɑ win yɛnuɔ. Bɑ koo nùn duɑriwɑ mɑm mɑm.

¹¹Nɑ ǹ kpɛ̃ n nɔɔ mɑri, domi nɑ nuki sɑnkire. Kon nun weeweenu koosi, domi nɑ nɔni sɔ̃ɔre.

¹²Yinni Gusunɔ, ɑ tɑmɑɑ nɑ sɑ̃ɑwɑ nɡe nim wɔ̃kun nim, ǹ kun mɛ ɡen yɑɑ ɡɔbɑ ɡɑɑ, ɑ kɑ mɑn ɡɑnuɑ mɛ beri berikɑ?

¹³Nɑ̀ n kpunɑ nɑ nɛɛ, kon bɔri yɛndu wɑ, kpɑ n nɛn weeweenu mɑri,

¹⁴sɑɑ yerɑ ɑ rɑ mɑn nɑndɑsie kɑ dosu kɔ̃susu, ǹ kun mɛ kɑ kɑ̃sinu.

¹⁵A yɑnde mɑn soorɑ dokeo n ɡbi, ye ko nɑ n kɑ kuku nini sɔɔwɑ.

¹⁶Wɑ̃ɑrɑ den mɑn tusɑ mɛ. Nɑ ǹ mɑɑ kĩ nɑ n wɑ̃ɑ sere kɑ bɑɑdommɑɔ. Nɛn wɑ̃ɑrɑ kun sɑ̃ɑ ɡɑ̃ɑnu, ɑ mɑn derio sɛ̃ɛ.

¹⁷Yinni Gusunɔ, wɑrɑ rɑ n tɔnu, ɑ n kɑ sere win bwisikunu mɔ̀. Mbɑn sɔ̃nɑ ɑ nùn ɡɑrisi ɡɑ̃ɑnu,

¹⁸mɑ ɑ nùn nɔni ɡirɑri bururu bɑɑtere, mɑ ɑ nùn wɛ̃ɛrimɔ sɑɑ bɑɑyere.

¹⁹Sere dommɑ kɑɑ mɑn deri sɛ̃ɛ. Sere dommɑ kɑɑ de n wɛ̃siɑ.

²⁰Torɑru mbɑ nɑ torɑ. A mɑn sɔ̃ɔwɔ wunɛ wi ɑ rɑ n tɔmbun sɑnu sɑnusu mɛɛrɑ. Mbɑn sɔ̃nɑ ɑ mɑn sɛɛyɑsiɑmɔ mɛ. Mbɑn sɔ̃nɑ nɑ kuɑ wunɛn sɔmunu.

²¹Mbɑn sɔ̃nɑ ɑ ǹ nɛn durum wunɛ. Mbɑn sɔ̃nɑ ɑ ǹ nɛn torɑru duɑri. Tɛ̃, wee kon kpunɑ n ɡbi. Kɑɑ mɑn kɑsu, kpɑ ɑ kun mɑn wɑ.