Read bariba Womusu 1 Bible Online

Womusu 1 - bariba bible

Womusu 1

¹Wi u sɑ̃ɑ doo nɔɔruɡii, wiyɑ u ku rɑ tɔn kɔ̃sobun ɡɑri nɔ. Wiyɑ u ku rɑ durumɡibu swĩi. Wiyɑ u ku rɑ n wɑ̃ɑ kɑ be bɑ Gusunɔ ɑtɑfiiru mɔ̀.

²Wiyɑ u rɑ n nuku dobu mɔ̀ Gusunɔn ɡɑri sɔɔ sɔ̃ɔ sɔɔ. Wiyɑ u rɑ n Gusunɔn ɡɑri bwisikumɔ wɔ̃kuru. Wiyɑ u rɑ n Gusunɔn ɡɑri kĩ sɑɑ kpuro.

³U sɑ̃ɑ nɡe dɑ̃ɑ te tɑ yɔ̃ dɑɑrɔ. Ten wurusu rɑ n bekusu sɑ̃ɑwɑ sɑɑ kpuro. Tɑ rɑ mɑwɑ ten mɑrubun sɑɑ sɔɔ. Tɔnu wi u sɑ̃ɑ nɡe mɛ, ye u seewɑ u wɔri kpuro, yɑ rɑ koorewɑ.

⁴Adɑmɑ tɔn kɔ̃so kun doo nɔɔru wɑsi. U ǹ sɑ̃ɑ nɡe dɑ̃ɑ te. Yɑkɑ ɡbebusɑ u kɑ weenɛ si woo ɡɑ rɑ yɑrinɑsie.

⁵U ǹ ɡem wɑsi Gusunɔ ù n nùn siri. U ǹ mɑɑ kpɛ̃ u n wɑ̃ɑ ɡemɡibun wuurɔ.

⁶Domi win swɑɑ dɔɔwɑ kɑm koo yerɔ. Adɑmɑ Yinni Gusunɔwɑ u ɡemɡibu swɑɑ ɡbiiye.