Read bariba Womusu 102 Bible Online

Womusu 102 - bariba bible

Womusu 102

¹Wɔnwɔndon kɑnɑru sɑnɑm mɛ u nuki sɑnkire mɑ u win weeweenu Yinni Gusunɔ sɑɑriɑmmɛ.

²Yinni Gusunɔ, ɑ nɛn kɑnɑru swɑɑ dɑkio. A de ɑ nɛn wuri nɔ.

³A ku mɑn biru kisi sɑnɑm mɛ nɑ nuki sɑnkire. A mɑn swɑɑ dɑkio sɑnɑm mɛ nɑ nun soku, ɑ mɑn wurɑri fuuku.

⁴Domi nɛn wɑ̃ɑrun tɔ̃rɑ doonɔ nɡe wiisu, mɑ nɛn kukunu dɔ̃ɔ mɔ̀ nɡe dɑ̃ɑ nɔɔ.

⁵Nɛn tororɑ kɑrɑ mɑ nɛn ɡɔ̃ru ɡɑ ɡberɑ nɡe yɑkɔ ɡbebu, sere dĩɑnu kun mɑn binɛ mɔ̀.

⁶Nɛn weeweenun sɑɑbu nɑ woorɑ.

⁷Nɑ kɑ kpɑkpɑyɛ ɡbeeku weenɛ. Nɑ sɑ̃ɑwɑ nɡe booro ɡe ɡɑ wɑ̃ɑ bɑnsɔ.

⁸Nɑ ku rɑ dweeye, nɑ sɑ̃ɑwɑ nɡe ɡunɔ ɡe ɡɑ wɑ̃ɑ ɡe teu diru wɔllɔ.

⁹Nɛn yibɛrɛbɑ bɑ rɑ n mɑn wɔmmɔwɑ bɑɑdommɑ kpɑ bɑ n kɑ nɛn yĩsiru bɔ̃rumɔ.

¹⁰Wunɛn mɔru bɑkɑn sɔ̃, torom mu kuɑ nɛn dĩɑnu. Mɑ nɛn nɔni yĩresu su wɔrikimɔ nɛn nim nɔrurɑm sɔɔ. Domi ɑ mɑn yɑrɑ ɑ kɑsɑ kɔ̃ n tomɑ.

¹²Nɛn wɑ̃ɑrun tɔ̃ru tɑ doonɔ nɡe dɑ̃ɑ sɑɑru, mɑ nɑ dɑm dwiiyɑmɔ nɡe yɑkɔ ɡbebu.

¹³Adɑmɑ wunɛ Yinni Gusunɔ, kɑɑ n bɑndu diiwɑ sere kɑ nɔrɔ. Mɛyɑ bɑ ko n nun yɑɑye sere kɑ bɑɑdommɑɔ.

¹⁴Kɑɑ sewɑ ɑ Siɔni wɔnwɔndu kuɑ, domi sɑɑ ye ɑ yi yɑ turɑ ɑ kɑ ye wɔnwɔndu kuɑ.

¹⁵Wunɛn sɔm kowobu bɑ ye kĩ sere kɑ yen bɑnsɔ. Bɑ mɑɑ yen tuɑ mɛɛrɑ ɡɑ̃ɑ ɡeenu.

¹⁶Mɛyɑ bwesenu kpuro nu koo wunɛn yĩsiru nɑsiɑ. Kpɑ nin sinɑmbu kpuro bu wunɛn yiikon bɛrum ko.

¹⁷Sɑnɑm mɛ Yinni Gusunɔ u koo wure u Siɔni bɑni, u koo tii sɔ̃ɔsi win yiiko sɔɔ.

¹⁸U rɑ sɑ̃ɑron kɑnɑru nɔ. U ku rɑ tu ɑtɑfiiru ko.

¹⁹A de bu yeni yore bwese te tɑ koo mɑrurɑn sɔ̃, kpɑ tɔn be bɑ ko n wɑ̃ɑ, bu Yinni Gusunɔ siɑrɑ.

²⁰Domi wɔllun diyɑ Yinni Gusunɔ u tem mɛɛrɑ. U mɛɛrimɔ sɑɑ win wɑ̃ɑ yee dɛɛrɑrun di

²¹u kɑ yobun weeweenu nɔ u be bɑ ɡbiɔ yɑkiɑ.

²²Kpɑ bu win yĩsiru kpɑrɑ bu nùn siɑrɑ Yerusɑlɛmuɔ

²³sɑnɑm mɛ bwesenu kpuro nu koo mɛnnɑ kɑ nin sinɑmbu bu kɑ nùn sɑ̃.

²⁴U nɛn dɑm dwiiyɑsiɑ nɛn wɑ̃ɑrun suunu sɔɔ. U nɛn tɔ̃ru kɑwɑ.

²⁵Nɑ ɡeruɑ nɑ nɛɛ, nɛn Yinni, wunɛ wi ɑ wɑ̃ɑ kɑ bɑɑdommɑ, ɑ ku mɑn wunɑ sɛkum sɔɔ.

²⁶Toren di ɑ tem tɑkɑ kuɑ. Wunɛn nɔmɑ ɑ mɑɑ kɑ wɔllu kuɑ.

²⁷Ye kpuro yɑ koo doonɑ, ɑdɑmɑ wunɛ, kɑɑ n wɑ̃ɑwɑ. Yɑ koo tɔkɔru ko nɡe yɑ̃nu. Kɑɑ ye kɔsi nɡe yɑberu. Mɛyɑ yɑ koo mɑɑ sɑɑrɑ.

²⁸Adɑmɑ wunɛ, wunɑ mi. A ǹ tɔkɔru mɔ̀.

²⁹Wunɛn sɔm kowobun bibu bɑ ko n wɑ̃ɑwɑ ben temɔ. Ben bweseru tɑ koo tɑ̃si wunɛn wuswɑɑɔ.