Read bariba Womusu 109 Bible Online

Womusu 109 - bariba bible

Womusu 109

¹Dɑfidin womu ɡe u wom kowobun wiruɡii kuɑ. U nɛɛ, Yinni Gusunɔ, wunɑ nɑ siɑrɑmɔ, ɑ ku nɔɔ mɑri.

²Wee tɔn kɔ̃sobu bɑ mɑn ɡɑri ɡerusimɔ mɑ bɑ mɑn weesu kuɑmmɛ.

³Bɑ kɑ mɑn ɡɑri mɔ̀ kɑ tusiru, mɑ bɑ kɑ mɑn sɑnnɑmɔ kɑm sɔɔ.

⁴Nɛ, nɑ bu kĩ, ɑdɑmɑ bɑ mɑn nɔɔ kuurimɔ. Mɑ nɑ kɑnɑru mɔ̀ be, nɛn yibɛrɛbɑn sɔ̃.

⁵Wee bɑ mɑn kɔ̃sɑ kɔsiemɔ ɡem ɑyerɔ. Mɑ bɑ mɑn tusɑ bɑɑ mɛ nɑ bu kĩru sɔ̃ɔsimɔ.

⁶A de tɔn kɔ̃so u nɛn yibɛrɛ kpɑrɑ, kpɑ wi u koo nùn tɑɑrɛ wɛ̃ u n wɑ̃ɑ win nɔm ɡeuɔ.

⁷Bɑ̀ n nùn siri kpɑ bu deemɑ u tore. Kpɑ bu win kɑnɑru ɡɑrisi durum.

⁸Win tɔ̃ru tu ku dɛnyɑ kpɑ ɡoo u nùn kɔsire ko win sɔmburu sɔɔ.

⁹Kpɑ win bibu bu ko ɡobekubɑ, kpɑ win kurɔ u ɡɔminiru sinɑ.

¹⁰Kpɑ win bibu bu ko yɑɑyɑɑre kowobu, bɑ n bɑrɑ mɔ̀. Kpɑ bu ben wuu deri ɡu ko bɑnsu, bu dɑ bɑ n dĩɑnu kɑsu mi n tomɑ.

¹¹Bèn dibu u nɛni, bu nɑ bu win yɑ̃nu kpuro ɡurɑ. Kpɑ tɔn tukobu bu win dukiɑ ɡurɑ.

¹²Goo u ku rɑɑ nùn durom kuɑ. Goo u ku mɑɑ win bii ɡobekubɑn wɔnwɔndu ko.

¹³Bu win bibun bweseru ɡoowo, kpɑ win yĩsiru tu ɡbi.

¹⁴Gusunɔ u win bɑɑbɑbɑn torɑnu yɑɑyo, kpɑ u ku win mɛro nùn win durum suuru kuɑ.

¹⁵Yinni Gusunɔ u de u n win torɑ ni yɑɑye, kpɑ u win yĩsiru ɡo mɑm mɑm.

¹⁶Domi u ǹ wɔnwɔndu sɔ̃ɔsi. U sɑ̃ɑrobu kɑ wɔnwɔndobu nɔni sɔ̃ɔwɑwɑ sere u tɔnu ɡo wi u nuki sɑnkire.

¹⁷Bɔ̃riyɑ u kĩɑ. Ǹ n mɛn nɑ, yi nùn dio. U ǹ domɑru kĩɛ. Ǹ n mɛn nɑ, tu kɑ nùn tondo.

¹⁸Bɔ̃ri yi nùn wukirio nɡe yɑberu. Yi duurio win wɑsin sɔɔwɔ nɡe nim, kpɑ yi du win kukunu sɔɔ nɡe ɡum.

¹⁹Bɔ̃ri yi, yi nùn wukirio nɡe yɑ̃ɑ ni bɑ rɑ doke, kpɑ yi n nùn sɛ̃ke bɑɑdommɑ nɡe kpɑkɑ.

²⁰Yeniwɑ Yinni Gusunɔ u koo de yu nɛn yibɛrɛbɑ kɑ be bɑ mɑn kɔ̃sɑ ɡerusimɔ deemɑ.

²¹Wunɛ Yinni Gusunɔ, ɑ nɑ ɑ mɑn sɑnnɑ wunɛn yĩsirun sɔ̃. A mɑn wɔro. Domi wunɛn tɔn ɡeeru tɑ kpɑ̃.

²²Wee nɑ sɑ̃ɑ wɔnwɔndo, nɑ ǹ ɡɑ̃ɑnu mɔ, mɑ nɑ nuki sɑnkire.

²³Wee nɑ doonɔ nɡe sɑɑru. Mɑ bɑ mɑn ɡire nɡe twee.

²⁴Nɛn dũu winu dɑm dwiiyɑ nɔɔ bɔkurun sɔ̃. Mɑ nɑ wɑsire woorɑrun sɔ̃.

²⁵Nɑ kuɑ wi u sekuru sɔɔwɑ ben mi. Mɑ bɑ mɑn mɛɛrɑ bɑ wii ɡimɑnu koosimɔ.

²⁶Gusunɔ nɛn Yinni, ɑ mɑn somiɔ. A mɑn fɑɑbɑ koowo wunɛn tɔn ɡeerun sɔ̃,

²⁷kpɑ bu ɡiɑ mɑ wunɑ ɑ nɔmu mɔ be sɔɔ. Wunɑ ɑ mɑɑ kpuro mɔ̀.

²⁸Ye bɑ bɔ̃rusimɔ, yerɑ wunɛ kɑɑ domɑru kuɑ. Bɑ̀ n seewɑ, bɑ koo sekuru wɑ. Kpɑ nɛ, wunɛn sɔm kowo n nuku dobu ko.

²⁹Nɛn yibɛrɛbɑ bɑ koo sekuru wɑ, kpɑ tu bu wukiri nɡe yɑbe bɑkɑru.

³⁰Kon nɔɔɡiru suɑ n Yinni Gusunɔ siɑrɑ. Kon nùn siɑrɑ tɔn dɑbinun wuswɑɑɔ.

³¹Domi u rɑ n wɑ̃ɑ bwɛ̃ɛbwɛ̃ɛbun bɔkuɔ u kɑ bu fɑɑbɑ ko be bɑ bu tɑɑrɛ wɛ̃ɛmɔn nɔmɑn di.