Read bariba Womusu 11 Bible Online

Womusu 11 - bariba bible

Womusu 11

¹Womu ɡe Dɑfidi u wom kowobun wiruɡii kuɑ. Ge wee. Yinni Gusunɔ u sɑ̃ɑwɑ nɛn kɑ̀rì. Yen sɔ̃, i ku mɑɑ nɛɛ, n yɔ̃ɔwɔ nɡe ɡunɔ n dɑ n kuke ɡuunɔ.

²Wee tɔn kɔ̃so u win tɛndu bɛri, u win sɛ̃u sɔri u kɑ tɑɑrɛ sɑriruɡii to yɑm wɔ̃kuru sɔɔ.

³Sɑnɑm mɛ duniɑ kpuro sɑnkirɑ, mbɑ ɡemɡii u koo mɑɑ kpĩ u ko.

⁴Adɑmɑ i n yɛ̃ mɑ Yinni Gusunɔ u wɑ̃ɑ win sɑ̃ɑ yee dɛɛrɑrɔ, mɑ u win sinɑ ɡɔnɑ swĩi wɔllɔ.

⁵U rɑ tɔn kɔ̃so kɑ mɑɑ tɔn ɡeon dɑɑ wɛ̃ɛri, kpɑ u n dɑm diobu tusɑ.

⁶Ben ɑre wee. U rɑ bu sɛɛyɑsie kɑ dɔ̃ɔ kɑ sɔ̃ɔ bisu kɑ woo bɔkɔ.

⁷Adɑmɑ u rɑ ɡemɡii dɑm koosie, domi win tii u sɑ̃ɑwɑ ɡemɡii, u rɑ mɑɑ dɑɑ ɡeɑ kɑ̃.